ബുക്ക് ചെയ്ത വിമാനടിക്കറ്റ് സമ്മതമില്ലാതെ റദ്ദു ചെയ്ത് ട്രാവൽ ഏജൻസി ; 50000 രൂപ നഷ്ടപരിഹാരത്തിന് ഉത്തരവിട്ട് ഉ​പ​ഭോ​ക്തൃ ത​ർ​ക്ക പ​രി​ഹാ​ര ക​മീ​ഷ​ൻ

കോ​ട്ട​യം: ബു​ക്ക് ചെ​യ്ത വി​മാ​ന ടി​ക്ക​റ്റ് ഉ​പ​യോ​ക്താ​വി​ന്‍റെ സ​മ്മ​ത​മി​ല്ലാ​തെ റ​ദ്ദാ​ക്കു​ക​യും അ​ധി​ക​തു​ക ആ​വ​ശ്യ​പ്പെ​ടു​ക​യും ചെ​യ്ത ട്രാ​വ​ൽ ഏ​ജ​ൻ​സി​ക്ക്​ ന​ഷ്ട​പ​രി​ഹാ​രം വി​ധി​ച്ച് ജി​ല്ല ഉ​പ​ഭോ​ക്തൃ ത​ർ​ക്ക പ​രി​ഹാ​ര ക​മീ​ഷ​ൻ. ക​ള​ത്തൂ​ർ സ്വ​ദേ​ശി​യാ​യ മാ​ത്യു സെ​ബാ​സ്റ്റ്യ​ൻ പീ​ടി​യേ​ക്ക​ൽ ന​ൽ​കി​യ പ​രാ​തി​യി​ലാ​ണ് ഓ​ൺ​ലൈ​ൻ ട്രാ​വ​ൽ ഏ​ജ​ൻ​സി​യാ​യ ക്ലി​യ​ർ ട്രി​പ് പ്രൈ​വ​റ്റ് ലി​മി​റ്റ​ഡ് 50,000 രൂ​പ ന​ഷ്ട​പ​രി​ഹാ​രം ന​ൽ​കാ​ൻ ക​മീ​ഷ​ൻ ഉ​ത്ത​ര​വി​ട്ട​ത്.

കൊ​ച്ചി​യി​ൽ​നി​ന്ന് മും​ബൈ​യി​ലേ​ക്കു​ള്ള യാ​ത്ര​ക്കാ​ണ് മാ​ത്യു സെ​ബാ​സ്റ്റ്യ​ൻ 10,584 രൂ​പ നി​ര​ക്കി​ൽ ക്ലി​യ​ർ ട്രി​പ് പ്രൈ​വ​റ്റ് ലി​മി​റ്റ​ഡി​ന്‍റെ മൊ​ബൈ​ൽ ആ​പ്ലി​ക്കേ​ഷ​ൻ വ​ഴി വി​മാ​ന ടി​ക്ക​റ്റ് ബു​ക്ക് ചെ​യ്ത​ത്. ബു​ക്ക് ചെ​യ്ത് അ​ഞ്ച്​ മ​ണി​ക്കൂ​റി​നു​ള്ളി​ൽ ത​ന്നെ ബു​ക്കി​ങ്​ സ്ഥി​രീ​ക​രി​ച്ച​താ​യി വാ​ട്‌​സ​ആ​പ്പി​ലൂ​ടെ സ​ന്ദേ​ശം ല​ഭി​ക്കു​ക​യും ഇ-​മെ​യി​ൽ വ​ഴി ഇ-​ടി​ക്ക​റ്റ് അ​യ​ക്കു​ക​യും ചെ​യ്തു. എ​ന്നാ​ൽ, ഒ​രു​മ​ണി​ക്കൂ​റി​ന് ശേ​ഷം ട്രാ​വ​ൽ ഏ​ജ​ൻ​സി​യി​ൽ​നി​ന്ന് ടി​ക്ക​റ്റ് നി​ര​ക്ക് വ​ർ​ധി​ച്ച​താ​യും ബു​ക്കി​ങ്​ റ​ദ്ദാ​ക്കു​ക​യാ​ണെ​ന്നും അ​റി​യി​പ്പ് ല​ഭി​ച്ചു.

ബു​ക്കി​ങ്​ റ​ദ്ദാ​ക്ക​രു​തെ​ന്ന് ഉ​പ​ഭോ​ക്താ​വ് അ​റി​യി​ച്ചെ​ങ്കി​ലും അ​ദ്ദേ​ഹ​ത്തി​ന്‍റെ സ​മ്മ​ത​മോ അ​റി​വോ കൂ​ടാ​തെ വി​മാ​ന ടി​ക്ക​റ്റി​ന് റ​ദ്ദാ​ക്കു​ക​യും മു​ഴു​വ​ൻ നി​ര​ക്കും ട്രാ​വ​ൽ ഏ​ജ​ൻ​സി തി​രി​കെ ന​ൽ​കു​ക​യും ചെ​യ്തു. ഇ​തേ തു​ട​ർ​ന്ന്, മ​റ്റൊ​രു ട്രാ​വ​ൽ ഏ​ജ​ൻ​സി​യി​ൽ​നി​ന്ന് 13,948 രൂ​പ നി​ര​ക്കി​ൽ ടി​ക്ക​റ്റ് ബു​ക്ക് ചെ​യ്യേ​ണ്ടി​വ​ന്നു. ട്രാ​വ​ൽ ഏ​ജ​ൻ​സി​യു​ടെ ഭാ​ഗ​ത്തു​നി​ന്ന് ഉ​പ​യോ​ക്താ​വി​നു​ണ്ടാ​യ ബു​ദ്ധി​മു​ട്ട് ക​ണ​ക്കി​ലെ​ടു​ത്ത് അ​ഡ്വ. വി.​എ​സ്. മ​നു​ലാ​ൽ പ്ര​സി​ഡ​ന്‍റും ആ​ർ. ബി​ന്ദു, കെ.​എം. ആ​ന്‍റോ എ​ന്നി​വ​ർ അം​ഗ​ങ്ങ​ളു​മാ​യ ഉ​പ​ഭോ​ക്തൃ ത​ർ​ക്ക​പ​രി​ഹാ​ര ക​മീ​ഷ​നാ​ണ്​ ന​ഷ്ട​പ​രി​ഹാ​രം ന​ൽ​കാ​ൻ ഉ​ത്ത​ര​വി​ട്ട​ത്.