വൃത്തിഹീനമായി ശൗചാലയങ്ങൾ, കോട്ടയം നഗരം ദുർഗന്ധപൂരിതം; എന്തെടുക്കുകയാണ്​ നഗരസഭ?

കോ​ട്ട​യം: വൃ​ത്തി​യി​ല്ല, വെ​ള്ള​മി​ല്ല, ദു​ർ​ഗ​ന്ധ​വും, സ​മീ​പ​ത്തു​കൂ​ടെ​യെ​ങ്കി​ലും പോ​ക​ണ​മെ​ങ്കി​ൽ മൂ​ക്ക്​ പൊ​ത്ത​ണം... പൊ​ലീ​സ് പ​രേ​ഡ്​ ഗ്രൗ​ണ്ടി​നു സ​മീ​പ​ത്തെ കോ​ട​തി ഗേ​റ്റി​ന്​ അ​രി​കി​ലു​ള്ള ശൗ​ചാ​ല​യം ഉ​​ൾ​പ്പെ​ടെ കോ​ട്ട​യം ന​ഗ​ര​ത്തി​ലെ ശൗ​ചാ​ല​യ​ങ്ങ​ളു​ടെ അ​വ​സ്ഥ​യാ​ണി​ത്.

ദി​നം​പ്ര​തി ഒ​ന്ന​ര​ല​ക്ഷ​ത്തോ​ളം ആ​ളു​ക​ൾ വ​ന്നു​പോ​കു​ന്ന ന​ഗ​ര​ത്തി​ൽ ഒ​ന്ന് ശ​ങ്ക തീ​ർ​ക്ക​ണ​മെ​ങ്കി​ൽ വ്യാ​പാ​ര സ്ഥാ​പ​ന​ങ്ങ​ളോ ഹോ​ട്ട​ലു​ക​ളോ ആ​ശ്ര​യി​​ക്കേ​ണ്ട ഗ​തി​കേ​ടാ​ണ്​ ജ​ന​ത്തി​ന്. പു​രു​ഷ​ന്മാ​രു​ടെ ശൗ​ചാ​ല​യ​ത്തി​നു സ​മീ​പം കാ​ടും പ​ട​ർ​പ്പും വ​ള​ർ​ന്ന്​ ഇ​ഴ​ജ​ന്തു​ക്ക​ൾ ക​യ​റാ​ൻ പാ​ക​ത്തി​ലാ​ണ്​ നി​ല​വി​ലെ സാ​ഹ​ച​ര്യം. അ​ക​ത്തു​ക​യ​റി​യാ​ൽ രൂ​ക്ഷ​ദു​ർ​ഗ​ന്ധ​വും.

വെ​ള്ള​ത്തി​ന്​ ദൗ​ർ​ല​ഭ്യം നേ​രി​ടു​ന്ന സാ​ഹ​ച​ര്യ​ത്തി​ലും അ​മി​ത​മാ​യി പാ​ഴാ​ക്കു​ന്നു. വാ​തി​ലു​ക​ൾ ത​ക​ർ​ന്നി​ട്ടു​ണ്ട്, ത​റ വൃ​ത്തി​ഹീ​ന​വു​മാ​ണ്. വി​വി​ധ ആ​വ​ശ്യ​ങ്ങ​ളു​മാ​യി കോ​ട​തി​യി​ലും ജി​ല്ല ട്ര​ഷ​റി​യി​ലും മ​റ്റും വ​രു​ന്ന ആ​ളു​ക​ൾ ദു​ർ​ഗ​ന്ധ​വും അ​സൗ​ക​ര്യ​വും സ​ഹി​ച്ചും ഈ​ ​ശൗ​ചാ​ല​യ​ങ്ങ​ളെ​ ആ​ശ്ര​യി​ക്കു​ന്നു. 12 ശൗ​ചാ​ല​യ​ങ്ങ​ൾ ന​ഗ​ര​മ​ധ്യ​ത്തി​ൽ വി​വി​ധ ഇ​ട​ങ്ങ​ളി​ൽ ഉ​ണ്ടെ​ങ്കി​ലും ര​ണ്ടെ​ണ്ണ​ത്തി​ന്​ മാ​ത്ര​മാ​ണ് ഉ​പ​യോ​ഗി​ക്കാ​ൻ സാ​ധി​ക്കു​ന്ന​വ. കു​ടും​ബ​ശ്രീ​യു​ടെ ​നേ​തൃ​ത്വ​ത്തി​ൽ തു​ട​ങ്ങി​യ ടേ​ക് എ ​ബ്രേ​ക്കും ഷീ ​ടോ​യ്‌​ല​റ്റു​ക​ളും ഉ​പ​യോ​ഗ​ശൂ​ന്യ​മാ​യി. പ​ല സ്ഥ​ല​ത്തെ ശൗ​ചാ​ല​യ​ങ്ങ​ളു​ടെ ഇ​ടം സാ​മൂ​ഹി​ക വി​രു​ദ്ധ​ർ കൈ​യേ​റി​യി​ട്ടു​മു​ണ്ട്. തി​രു​ന​ക്ക​ര എ​സ്.​ബി.​ഐ ശാ​ഖ​യി​ൽ ന​ഗ​ര​സ​ഭ ഇ-​ടോ​യ്‌​ല​റ്റ് സ്ഥാ​പി​ച്ചി​രു​ന്നു. എ​ന്നാ​ൽ, ഒ​രു​ദി​വ​സം പോ​ലും ശ​രി​യാ​യി പ്ര​വ​ർ​ത്തി​ച്ചി​ട്ടി​ല്ല. ര​ണ്ട് രൂ​പ നാ​ണ​യം ഇ​ട്ട് പ്ര​വ​ർ​ത്തി​ക്കു​ന്ന വി​ധ​മാ​യി​രു​ന്നു സം​വി​ധാ​നം. ദി​വ​സ​ങ്ങ​ൾ​ക്കു​ള്ളി​ൽ ഇ​ത് പൂ​ട്ടി. പി​ന്നീ​ട് ഇ​വി​ടെ ത​ന്നെ തു​ട​ങ്ങി​യ ഷീ-​ടോ​യ്‌​ല​റ്റും ഇ​പ്പോ​ൾ ക​യ​റാ​ൻ പ​റ്റാ​ത്ത അ​വ​സ്ഥ​യി​ലാ​ണ്. പൊ​തു​സ്ഥ​ല​ങ്ങ​ളി​ൽ ശു​ചി​മു​റി​ക​ളി​ല്ലാ​ത്തി​നാ​ൽ വ്യാ​പാ​ര സ്ഥാ​പ​ന​ങ്ങ​ളി​ലും കെ​ട്ടി​ട​ങ്ങ​ൾ​ക്ക് പി​ന്നി​ലും റോ​ഡ​രി​കി​ലും ശ​ങ്ക​തീ​ർ​ക്കേ​ണ്ട ഗ​തി​കേ​ടാ​ണ്. മ​ഴ​ക്കാ​ലം എ​ത്തു​ന്ന സാ​ഹ​ച​ര്യ​ത്തി​ൽ​ ശൗ​ചാ​ല​യ​ങ്ങ​ൾ കൃ​ത്യ​മാ​യ ഇ​ട​പെ​ട​ലി​ലൂ​ടെ ശു​ചീ​ക​രി​ക്കു​ക​യും അ​ട​ച്ചി​ട്ടി​രി​ക്കു​ന്ന​വ തു​റ​ന്നു​കൊ​ടു​ക്കു​ന്ന​വ​യും ചെ​യ്താ​ൽ പ​ക​ർ​ച്ച​വ്യാ​ധി​യു​ടെ വ്യാ​പ​ന​ത്തെ ഒ​രു​പ​രി​ധി​വ​രെ കു​റ​ക്കാം.

എ​ന്നാ​ൽ, ജ​ന​ങ്ങ​ൾ അ​സൗ​ക​ര്യ​ത്തെ ശീ​ല​മാ​ക്കി മാ​റ്റു​ന്ന​ത​ല്ലാ​തെ ബ​ന്ധ​പ്പെ​ട്ട വ​കു​പ്പു​ക​ൾ സ​ത്വ​ര​മാ​യി ന​ട​പ​ടി​ക​ൾ സ്വീ​ക​രി​ക്കു​ന്നി​ല്ല.