തിരുനക്കര ബസ്​സ്റ്റാൻഡ്​ മൈതാനം; അളന്ന്​ കുടുങ്ങി നഗരസഭ

കോ​ട്ട​യം: കൈ​യേ​റ്റം ക​ണ്ടു​പി​ടി​ക്കാ​നാ​ണ്​ ന​ഗ​ര​സ​ഭ​യു​ടെ ഉ​ട​മ​സ്ഥ​ത​യി​ലു​ള്ള തി​രു​ന​ക്ക​ര ബ​സ്​​സ്റ്റാ​ൻ​ഡ്​ മൈ​താ​നം അ​ള​ന്ന​ത്. എ​ന്നാ​ൽ, അ​ള​ന്നു​ക​ഴി​ഞ്ഞ​പ്പോ​ൾ ക​ണ്ടെ​ത്തി​യ​ത്​ ന​ഗ​ര​സ​ഭ സ​മീ​പ​ത്തെ സ്ഥ​ലം കൈ​യേ​റി​യെ​ന്ന്. നാ​ല്​ ച​തു​ര​ശ്ര​മീ​റ്റ​ർ സ്ഥ​ല​മാ​ണ്​ ന​ഗ​ര​സ​ഭ​യു​ടെ കൈ​വ​ശ​ത്തി​ൽ അ​ന​ധി​കൃ​ത​മാ​യി ക​​ണ്ടെ​ത്തി​യ​ത്. ന​ഗ​ര​സ​ഭ​യു​ടെ ​അ​ഞ്ച്​ ച​തു​ര​ശ്ര​മീ​റ്റ​ർ സ്ഥ​ലം സ​മീ​പ​ത്തെ സ്ഥ​ല​മു​ട​മ​യു​ടെ കൈ​വ​ശ​ത്തി​ലും ക​ണ്ടെ​ത്തി. തി​രു​ന​ക്ക​ര ബ​സ്​​സ്റ്റാ​ൻ​ഡ്​ മൈ​താ​ന​ത്തെ കെ​ട്ടി​ടം പൊ​ളി​ച്ച ശേ​ഷ​മാ​ണ്​ സ​മീ​പ​ത്തെ ഹോ​ട്ട​ൽ ഉ​ട​മ ഭൂ​മി കൈ​യേ​റി​യ​താ​യി സ്ഥ​ലം സ​ന്ദ​ർ​ശി​ച്ച കൗ​ൺ​സി​ല​ർ​മാ​ർ ആ​രോ​പി​ച്ച​ത്.

തു​ട​ർ​ന്ന്​ മൈ​താ​നം അ​ള​ന്നു​തി​രി​ക്കാ​ൻ ധാ​ര​ണ​യാ​യി. സെ​ക്ര​ട്ട​റി​യു​ടെ ക​ത്ത്​ പ്ര​കാ​രം താ​ലൂ​ക്ക്​​ സ​ർ​വേ​യ​ർ ഫെ​ബ്രു​വ​രി 20നാ​ണ്​ മൈ​താ​നം അ​ള​ന്ന​ത്. മു​ട്ട​മ്പ​ലം വി​ല്ലേ​ജി​ൽ ബ്ലോ​ക്ക്​ ന​മ്പ​ർ 96ൽ ​സ​ർ​വേ ന​മ്പ​ർ ര​ണ്ടി​ൽ​പെ​ട്ട​താ​ണ്​ ബ​സ്​​സ്റ്റാ​ൻ​ഡ്​ മൈ​താ​നം. മൈ​താ​ന​ത്തി​ന്‍റെ പ​ടി​ഞ്ഞാ​റ്​ കൈ​യേ​റ്റം ആ​രോ​പി​ക്ക​പ്പെ​ട്ട സ്ഥ​ലം സ​ർ​വേ ന​മ്പ​ർ 11ൽ ​പെ​ട്ട​തും. സ​ർ​വേ ന​മ്പ​ർ 11ൽ​പെ​ട്ട ഭൂ​മി ഒ​രു ച​തു​ര​ശ്ര​മീ​റ്റ​ർ, മൂ​ന്ന്​ ച​തു​ര​ശ്ര​മീ​റ്റ​ർ എ​ന്നി​ങ്ങ​നെ ര​ണ്ടി​ട​ത്താ​ണ്​ ന​ഗ​ര​സ​ഭ​യു​ടെ ​കൈ​വ​ശ​ത്തി​ലാ​യ​ത്. നി​ല​വി​ലു​ള്ള റീ​സ​ർ​വേ റെ​ക്കോ​ർ​ഡി​ന്‍റെ അ​ടി​സ്ഥാ​ന​ത്തി​ൽ പ​രി​ശോ​ധ​ന ന​ട​ത്തി അ​തി​ർ​ത്തി തി​ട്ട​പ്പെ​ടു​ത്തി ക​ല്ലു​ക​ൾ സ്ഥാ​പി​ച്ച്​ സ​ർ​വേ​യ​ർ അ​ള​വ്​ പൂ​ർ​ത്തീ​ക​രി​ച്ചു.

ത​ഹ​സി​ൽ​ദാ​ർ റി​​പ്പോ​ർ​ട്ടും സ്​​കെ​ച്ചും ന​ഗ​ര​സ​ഭ​ക്ക്​ കൈ​മാ​റു​ക​യും ചെ​യ്തു. ഈ ​റി​​പ്പോ​ർ​ട്ട്​ കൗ​ൺ​സി​ൽ അം​ഗ​ങ്ങ​ൾ​ക്ക്​ ന​ൽ​കി​യെ​ങ്കി​ലും വി​ശ​ദ​മാ​യ ച​ർ​ച്ച ന​ട​ന്നി​ട്ടി​ല്ല. തെ​ര​ഞ്ഞെ​ടു​പ്പ്​ പെ​രു​മാ​റ്റ​ച്ച​ട്ടം നീ​ങ്ങി​യ ശേ​ഷ​മേ ച​ർ​ച്ച ന​ട​ക്കൂ. നി​ല​വി​ൽ മൈ​താ​ന​ത്ത്​ തി​രു​ന​ക്ക​ര ഉ​ത്സ​വ​ത്തോ​ട​നു​ബ​ന്ധി​ച്ച വി​നോ​ദ​മേ​ള ന​ട​ക്കു​ക​യാ​ണ്. 24 വ​രെ​യാ​യി​രു​ന്നു​ ക​രാ​ർ കാ​ലാ​വ​ധി. 31വ​രെ മേ​ള നീ​ണ്ടേ​ക്കും. എ​പ്രി​ൽ ഒ​ന്നു മു​ത​ൽ സ്റ്റാ​ൻ​ഡി​ൽ ബ​സ്​​ബേ ആ​രം​ഭി​ക്കാ​നും താ​ൽ​ക്കാ​ലി​ക സം​വി​ധാ​ന​ങ്ങ​ളും കാ​ത്തി​രി​പ്പ്​ കേ​ന്ദ്ര​വും നി​ർ​മി​ക്കാ​നും ക​ഴി​ഞ്ഞ കൗ​ൺ​സി​ൽ യോ​ഗം തീ​രു​മാ​നി​ച്ചി​രു​ന്നു. മൈ​താ​ന​ത്തി​ന്​ താ​ൽ​ക്കാ​ലി​ക മ​തി​ലും പ​ണി​യും. ബ​സ്​​ബേ ഉ​ട​ൻ പു​ന​രാ​രം​ഭി​ക്കാ​ൻ ആ​വ​ശ്യ​​പ്പെ​ട്ട്​ ക​ല​ക്ട​ർ ന​ഗ​ര​സ​ഭ​ക്ക്​​ ക​ത്ത്​ ന​ൽ​കി​യി​ട്ടു​ണ്ട്. വി​നോ​ദ​മേ​ള ന​ട​ക്കു​ന്ന​തി​ന്‍റെ പേ​രി​ലാ​ണ്​ ബ​സ്​ ബേ ​ഇ​ത്ര​യും വൈ​കി​യ​ത്.