തി​രു​പ്പ​തി മോ​ഡ​ൽ പാ​ളി; തീർഥാടകർ വലയുന്നു

ശ​ബ​രി​മ​ല: അ​യ്യ​നെ കാ​ണാ​നെ​ത്തി​യ തീ​ർ​ഥാ​ട​ക​ർ ദ​ർ​ശ​നം പൂ​ർ​ത്തി​യാ​ക്കാ​തെ മ​ല​യി​റ​ങ്ങു​ന്നു. പ​മ്പ​യി​ൽ​നി​ന്ന്​ സ​ന്നി​ധാ​ന​ത്തേ​ക്ക് 15 മു​ത​ൽ 18 മ​ണി​ക്കൂ​ർ വ​രെ ക്യൂ​വി​ൽ​നി​ന്ന് പാ​തി​വ​ഴി​യി​ൽ കു​ടു​ങ്ങി​പ്പോ​യ ആ​യി​ര​ക്ക​ണ​ക്കി​ന് തീ​ർ​ഥാ​ട​ക​രാ​ണ് ക​ഴി​ഞ്ഞ ര​ണ്ടു​ദി​വ​സ​മാ​യി ദ​ർ​ശ​നം ന​ട​ത്താ​തെ മ​ല​യി​റ​ങ്ങു​ന്ന​ത്. എ​ല്ലാ അ​ടി​സ്ഥാ​ന സൗ​ക​ര്യ​ങ്ങ​ളും ഒ​രു​ക്കി​യെ​ന്ന് സ​ർ​ക്കാ​റും ദേ​വ​സ്വം ബോ​ർ​ഡും തു​ട​ക്കം മു​ത​ൽ പ​റ​യു​മ്പോ​ഴും സ​ന്നി​ധാ​ന​ത്ത​ട​ക്കം വി​രി​വെ​ക്കാ​നു​ള്ള സൗ​ക​ര്യ​ങ്ങ​ളും ശൗ​ചാ​ല​യ​ങ്ങ​ളും ഒ​രു​ക്കു​ന്ന​തി​ൽ പ​രാ​ജ​യ​പ്പെ​ട്ടു. കൊ​ട്ടി​ഗ്​​ഘോ​ഷി​ച്ച് ക​ഴി​ഞ്ഞ ഏ​ഴാം തീ​യ​തി ഉ​ദ്ഘാ​ട​നം ചെ​യ്ത തി​രു​പ്പ​തി മോ​ഡ​ൽ സം​വി​ധാ​നം പാ​ടെ പാ​ളി.

തി​ര​ക്ക് വ​ർ​ധി​ച്ച​തോ​ടെ വെ​ർ​ച്വ​ൽ ക്യൂ ​ബു​ക്കി​ങ്​ 80,000 ആ​ക്കി കു​റ​ച്ചി​രു​ന്നു. മു​ൻ​വ​ർ​ഷ​ങ്ങ​ളി​ൽ ബു​ക്കി​ങ്​ 90,000 ആ​യി​രു​ന്നു. ക്യൂ ​കോം​പ്ല​ക്സു​ക​ളി​ൽ മ​ണി​ക്കൂ​റു​ക​ൾ ത​ട​ഞ്ഞു​നി​ർ​ത്തു​ന്ന തീ​ർ​ഥാ​ട​ക​ർ​ക്ക് കു​ടി​വെ​ള്ളം എ​ത്തി​ക്കു​ന്ന​തി​ൽ​പോ​ലും അ​ധി​കൃ​ത​ർ പ​രാ​ജ​യ​മാ​യി. മ​ര​ക്കൂ​ട്ട​ത്തു​നി​ന്ന്​ ശ​രം​കു​ത്തി വ​ഴി സ​ന്നി​ധാ​ന​ത്തേ​ക്ക് എ​ത്തു​ന്ന തീ​ർ​ഥാ​ട​ക​രും ദു​രി​തം അ​നു​ഭ​വി​ക്കു​ന്നു.

ര​ണ്ട​ര കി​ലോ​മീ​റ്റ​ർ പി​ന്നി​ടാ​ൻ അ​ഞ്ച്​ മ​ണി​ക്കൂ​ർ വ​രെ കാ​ത്തു​നി​ൽ​ക്കേ​ണ്ട അ​വ​സ്ഥ​യാ​ണ്. ശ​ബ​രീ​പീ​ഠം ക​ഴി​ഞ്ഞാ​ൽ കു​ടി​വെ​ള്ള ടാ​പ്പു​ക​ൾ​പോ​ലും ഇ​ല്ല.

കോ​ട​തി നി​ർ​ദേ​ശ​പ്ര​കാ​രം ഒ​ഴി​ച്ചി​ട്ടി​രു​ന്ന ആ​റാം ക്യൂ ​മു​ഴു​വ​ൻ തീ​ർ​ഥാ​ട​ക​ർ​ക്കു​മാ​യി തു​റ​ന്ന് ന​ൽ​കി​യി​രി​ക്കു​ക​യാ​ണ്. മി​നി​റ്റി​ൽ 90 പേ​ർ വ​രെ പ​തി​നെ​ട്ടാം​പ​ടി ച​വി​ട്ടേ​ണ്ട സ്ഥാ​ന​ത്ത് 60 മു​ത​ൽ 70 വ​രെ തീ​ർ​ഥാ​ട​ക​ർ മാ​ത്ര​മാ​ണ്. ഇ​തും തി​ര​ക്ക് വ​ർ​ധി​ക്കാ​ൻ കാ​ര​ണ​മാ​യി.