മൂന്നാംവേലിക്കരി പാടശേഖരത്തിൽ മടവീണു

വൈക്കം: തലയാഴം വില്ലേജ് മൂന്നാംവേലിക്കരി പാടശേഖരത്തിൽ മടവീണതിനെ തുടർന്ന് 190 ഏക്കർ പാടശേഖരത്തിലെ 30 ദിവസത്തിലധികം പ്രായമായ നെൽച്ചെടികൾ പൂർണമായി നശിച്ചു. ഏകദേശം 20 ലക്ഷത്തിലധികം രൂപയുടെ നഷ്ടമുണ്ടായതായി കർഷകർ പറയുന്നു.

മടവീണ പാടശേഖരം കെ. ബിനിമോൻ എം.എൽ.എ നേരിൽ സന്ദർശിച്ച് സ്ഥിതിഗതി വിലയിരുത്തി. സർക്കാർ ഇടപെട്ട് കൃഷിക്കാരുടെ പ്രശ്നങ്ങൾക്ക് പരിഹാരം കാണുമെന്ന് എം.എൽ.എ പറഞ്ഞു. പാടശേഖരസമിതി ഭാരവാഹികളായ ഷാജി എസ്തപ്പൻ, പി. സുരേന്ദ്രൻ, പി.വി. തങ്കച്ചൻ പൗവത്തിൽ, റോജൻ പട്ടേരിൽ, വിനോദ് മാടവന തുടങ്ങിയവർ പങ്കെടുത്തു.