‘എന്‍റെ കൂട്’​ പദ്ധതിക്ക്​ നഗരത്തിൽ ഇടമില്ല

കോ​ട്ട​യം: ന​ഗ​ര​ത്തി​ൽ അ​നു​യോ​ജ്യ​മാ​യ സ്ഥ​ലം കി​ട്ടാ​ത്ത​തി​നാ​ൽ വ​നി​ത ശി​ശു വി​ക​സ​ന വ​കു​പ്പി​ന്‍റെ ‘എ​ന്‍റെ കൂ​ട്’​ പ​ദ്ധ​തി ​ജി​ല്ല​യി​ൽ ന​ട​പ്പാ​യി​ല്ല.

സ്ത്രീ​ക​ൾ​ക്കും കു​ട്ടി​ക​ൾ​ക്കും രാ​ത്രി സു​ര​ക്ഷി​ത താ​മ​സ​മൊ​രു​ക്കു​ന്ന പ​ദ്ധ​തി​യാ​ണ്​ ‘എ​ന്‍റെ കൂ​ട്’.​ നാ​ഗ​മ്പ​ട​ത്ത്​ മു​നി​സി​പ്പാ​ലി​റ്റി​യു​ടെ വ​നി​ത വി​ശ്ര​മ​കേ​ന്ദ്രം അ​നു​യോ​ജ്യ​മാ​യ​തി​നാ​ൽ ഇ​വി​ടെ സൗ​ക​ര്യം അ​നു​വ​ദി​ക്ക​ണ​മെ​ന്ന്​ ആ​വ​ശ്യ​പ്പെ​ട്ട്​ പ​ല​ത​വ​ണ ക​ത്ത്​ അ​യ​​ച്ചെ​ങ്കി​ലും അ​നു​കൂ​ല മ​റു​പ​ടി കി​ട്ടി​യി​ല്ല. ഓ​ഡി​റ്റ്​ ഒ​ബ്​​ജ​ക്ഷ​ൻ ഉ​ള്ള​തി​നാ​ൽ കെ​ട്ടി​ടം ന​ൽ​കാ​നാ​വി​ല്ലെ​ന്നാ​ണ്​ മു​നി​സി​പ്പാ​ലി​റ്റി​യു​ടെ മ​റു​പ​ടി. വീ​ണ്ടും ക​ത്ത​യ​ക്കാ​ൻ ഒ​രു​ങ്ങു​ക​യാ​ണ്​ വ​നി​ത ശി​ശു വി​ക​സ​ന വ​കു​പ്പ്​ അ​ധി​കൃ​ത​ർ. തു​ട​ക്ക​ത്തി​ൽ വാ​ട​ക​ക്ക്​​ ആ​രം​ഭി​ച്ച്​ പി​ന്നീ​ട്​ സ്വ​ന്തം കെ​ട്ടി​ട​ത്തി​ലേ​ക്ക്​ മാ​റാ​മെ​ന്നാ​ണ്​ ക​രു​തു​ന്ന​ത്.

റെ​യി​ൽ​വേ സ്​​റ്റേ​ഷ​ൻ, ബ​സ്​​സ്റ്റാ​ൻ​ഡ്​ എ​ന്നി​വ​ക്ക​ടു​ത്താ​ണ്​ സ്ഥ​ലം വേ​ണ്ട​ത്. മു​നി​സി​പ്പാ​ലി​റ്റി കെ​ട്ടി​ടം കി​ട്ടി​യി​ല്ലെ​ങ്കി​ൽ പ​രി​സ​ര​ത്തു​ത​ന്നെ മ​റ്റൊ​രു കെ​ട്ടി​ടം ക​​ണ്ടെ​ത്ത​ണം. 2015ൽ ​കോ​ഴി​ക്കോ​ട് ജി​ല്ല​യി​ലാ​ണ് സം​സ്ഥാ​ന​ത്ത് ആ​ദ്യ​മാ​യി ‘എ​ന്‍റെ കൂ​ട്’ പ്ര​വ​ർ​ത്ത​നം ആ​രം​ഭി​ച്ച​ത്. ന​ഗ​ര​ത്തോ​ടു ചേ​ർ​ന്ന് ക​സ​ബ പൊ​ലീ​സ് സ്​​റ്റേ​ഷ​ന് സ​മീ​പ​മാ​ണി​ത്. തി​രു​വ​ന​ന്ത​പു​രം ന​ഗ​ര​ത്തി​ൽ 2018ൽ ​ആ​രം​ഭി​ച്ച ‘എ​ന്‍റെ കൂ​ട്’ ത​മ്പാ​നൂ​ർ കെ.​എ​സ്.​ആ​ർ.​ടി.​സി ബ​സ് ടെ​ർ​മി​ന​ലി​ലാ​ണ് പ്ര​വ​ർ​ത്തി​ക്കു​ന്ന​ത്. കാ​ക്ക​നാ​ട് ഐ.​എം.​ജി ജ​ങ്​​ഷ​നി​ൽ 2022ലാ​ണ്​ കൂ​ട്​ ആ​രം​ഭി​ച്ച​ത്. വി​വി​ധ ആ​വ​ശ്യ​ങ്ങ​ൾ​ക്കാ​യി മ​റ്റി​ട​ങ്ങ​ളി​ൽ​നി​ന്നെ​ത്തു​ന്ന സ്ത്രീ​ക​ൾ​ക്കും കു​ട്ടി​ക​ൾ​ക്കും രാ​ത്രി സു​ര​ക്ഷി​ത താ​മ​സം ഉ​റ​പ്പാ​ക്കു​ക​യാ​ണ്​ പ​ദ്ധ​തി​യു​​ടെ ല​ക്ഷ്യം. പ​രീ​ക്ഷ, അ​ഭി​മു​ഖം, ചി​കി​ത്സ തു​ട​ങ്ങി​യ ആ​വ​ശ്യ​ങ്ങ​ൾ​ക്കാ​യി ന​ഗ​ര​ങ്ങ​ളി​ലെ​ത്തു​ന്ന സ്ത്രീ​ക​ളാ​ണ് ഈ ​ഇ​ട​ങ്ങ​ൾ ഉ​പ​യോ​ഗി​ക്കു​ന്ന​വ​രി​ൽ ഏ​റെ​യും. വൈ​കീ​ട്ട് 6.30 മു​ത​ൽ രാ​വി​ലെ 7.30 വ​രെ​യാ​ണ് വി​ശ്ര​മി​ക്കാ​നാ​കു​ക. മാ​സ​ത്തി​ൽ പ​ര​മാ​വ​ധി മൂ​ന്നു ദി​വ​സ​ത്തേ​ക്ക്​ മാ​ത്ര​മാ​ണ് സൗ​ജ​ന്യ പ്ര​വേ​ശ​നം അ​നു​വ​ദി​ക്കു​ക.

അ​ടി​യ​ന്ത​ര സാ​ഹ​ച​ര്യ​ങ്ങ​ളി​ൽ മൂ​ന്നു ദി​വ​സ​ങ്ങ​ളി​ൽ കൂ​ടു​ത​ൽ താ​മ​സി​ക്കേ​ണ്ടി​വ​ന്നാ​ൽ അ​ധി​ക​മാ​യി വേ​ണ്ടി​വ​രു​ന്ന ഓ​രോ ദി​വ​സ​ത്തി​നും 150 രൂ​പ ന​ൽ​ക​ണം. സ്ത്രീ​ക​ൾ, പെ​ൺ​കു​ട്ടി​ക​ൾ, 12നു​താ​ഴെ പ്രാ​യ​മു​ള്ള ആ​ൺ​കു​ട്ടി​ക​ൾ എ​ന്നി​വ​ർ​ക്കാ​ണ് പ്ര​വേ​ശ​നം. അ​ശ​ര​ണ​രാ​യ വ​നി​ത​ക​ൾ​ക്ക് മു​ൻ​ഗ​ണ​ന ഉ​ണ്ടാ​യി​രി​ക്കും. കേ​ന്ദ്ര​ങ്ങ​ളി​ൽ നേ​രി​ട്ടെ​ത്തി​യാ​ണ് പ്ര​വേ​ശ​നം നേ​ടേ​ണ്ട​ത്.