ജലപാത പോളപ്പാടമായി; കോട്ടയം-ആലപ്പുഴ ബോട്ടു സർവിസുകൾ പ്രതിസന്ധിയിൽ

കോ​ട്ട​യം: ജ​ല​ഗ​താ​ഗ​ത​വ​കു​പ്പി​ന്‍റെ ബോ​ട്ട്​ സ​ർ​വി​സു​ക​ളെ പ്ര​തി​സ​ന്ധി​യി​ലാ​ഴ്ത്തി കോ​ടി​മ​ത ക​നാ​ലി​ൽ പോ​ള നി​റ​ഞ്ഞു. കോ​ടി​മ​ത ജെ​ട്ടി​യി​ൽ​നി​ന്ന്​ ഒ​രു​കി​ലോ​മീ​റ്റ​ർ ദൂ​ര​ത്തി​ൽ ജ​ല​പാ​ത​യി​ൽ പോ​ള​യും പു​ല്ലും നി​റ​ഞ്ഞു​കി​ട​ക്കു​ക​യാ​ണ്. കോ​ടി​മ​ത​യി​ൽ​നി​ന്ന്​ ആ​ല​പ്പു​ഴ​യി​​ലേ​ക്കും തി​രി​ച്ചു​മു​ള്ള സ​ർ​വി​സി​നാ​ണ്​​ പോ​ള (കു​ള​വാ​ഴ) ക​ട​മ്പ തീ​ർ​ക്കു​ന്ന​ത്. ഇ​ത്​ യാ​ത്ര​ബോ​ട്ടു​ക​ളു​ടെ പ്രൊ​പ്പ​ല്ല​റി​ൽ കു​ടു​ങ്ങു​ന്ന​ത്​ ക​ടു​ത്ത പ്ര​തി​സ​ന്ധി​യാ​ണ്​ സൃ​ഷ്​​ടി​ക്കു​ന്ന​ത്.

പ്രോ​പ്പ​ല്ല​റി​ൽ പോ​ള കു​ടു​ങ്ങു​ന്ന​തോ​ടെ ജീ​വ​ന​ക്കാ​ർ ഇ​റ​ങ്ങി ഇ​ത്​ നീ​ക്കി​യ​ശേ​ഷ​മാ​ണ്​ പ​ല​പ്പോ​ഴും സ​ർ​വി​സ്​ ആ​രം​ഭി​ക്കു​ന്ന​ത്. പോ​ള കാ​ര​ണം ബോ​ട്ട് കോ​ടി​മ​ത ജെ​ട്ടി​യി​ൽ അ​ടു​പ്പി​ക്കാ​നും സാ​ധി​ക്കാ​ത്ത അ​വ​സ്ഥ​യു​ണ്ട്. ഏ​റെ ബു​ദ്ധി​മു​ട്ടി​യാ​ണ്​ നി​ല​വി​ൽ ജെ​ട്ടി​യി​ലേ​ക്ക്​ ബോ​ട്ട്​ അ​ടു​പ്പി​ക്കു​ന്ന​ത്. പോ​ള​ക്കൂ​ട്ട​ത്തി​ലേ​ക്ക്​ എ​ത്തു​ന്ന​തോ​ടെ ബോ​ട്ടു​ക​ൾ വേ​ഗം കു​റ​ക്കു​ന്ന​ത്​ യാ​ത്ര​സ​മ​യ​ത്തെ​യും ബാ​ധി​ക്കു​ന്ന​താ​യി ജീ​വ​ന​ക്കാ​ർ പ​റ​ഞ്ഞു. ത​ണ്ണീ​ർ​മു​ക്കം ബ​ണ്ട്​ അ​ട​ച്ച​തോ​ടെ​യാ​ണ്​ കാ​യ​ലി​ൽ​നി​ന്ന്​ പാ​യ​ലു​ക​ൾ വ​ലി​യ​തോ​തി​ൽ തോ​ടു​ക​ളി​ലേ​ക്ക്​ എ​ത്തി​യി​രി​ക്കു​ന്ന​ത്​.

പ​ഴു​ക്കാ​നി​ല കാ​യ​ലി​ൽ​നി​ന്നാ​ണ്​ ​കോ​ടി​മ​ത​യി​ലേ​ക്ക്​ പോ​ള​ക​ൾ എ​ത്തു​ന്ന​ത്. ഒ​ഴു​ക്കി​ല്ലാ​ത്ത​തി​നാ​ൽ തി​ങ്ങി​നി​റ​ഞ്ഞു​. കോ​ടി​മ​ത​യി​ലേ​ക്ക്​ പാ​യ​ൽ ക​യ​റി തു​ട​ങ്ങു​​ന്ന ഘ​ട്ട​ത്തി​ൽ​ത​ന്നെ ഇ​വ​നീ​ക്കി​യാ​ൽ വ​ലി​യ​തോ​തി​ലു​ള്ള പ്ര​ശ്നം ഒ​ഴി​വാ​ക്കാ​ൻ ക​ഴി​യു​മെ​ന്ന്​ ജ​ല​ഗ​താ​ഗ​ത വ​കു​പ്പ്​ ജീ​വ​ന​ക്കാ​ർ പ​റ​യു​ന്നു. ഉ​ട​ൻ ഇ​വ നീ​ക്കി​യി​ല്ലെ​ങ്കി​ൽ ശ​ല്യം വ​ർ​ധി​ക്കു​മെ​ന്നും ബോ​ട്ട്​ സ​ർ​വി​സ്​ നി​ർ​ത്തി​വെ​ക്കേ​ണ്ട സാ​ഹ​ച​ര്യ​മു​ണ്ടാ​കു​മെ​ന്നും ചൂ​ണ്ടി​ക്കാ​ട്ടു​ന്നു. കോ​ടി​മ​ത​യി​ല​ട​ക്കം പ​ല​ത​വ​ണ പാ​യ​ൽ നീ​ക്കി​യി​ട്ടു​​​​ണ്ടെ​ങ്കി​ലും വീ​ണ്ടും നി​റ​യു​ക​യാ​ണ്​ പ​തി​വ്. ചെ​റി​യ​രീ​തി​യി​ൽ എ​ത്തു​മ്പോ​ൾ​ത​ന്നെ നീ​ക്കി​യാ​ൽ പ്ര​തി​സ​ന്ധി കു​റ​യും. ജ​ല​സേ​ച​ന വ​കു​പ്പി​നാ​ണ്​ ക​നാ​ലി​​ന്‍റ ചു​മ​ത​ല. നി​ല​വി​ൽ പാ​യ​ൽ നീ​ക്കാ​ൻ പ​ദ്ധ​തി​യൊ​ന്നും ത​യാ​റാ​ക്കി​യി​ട്ടി​ല്ലെ​ന്ന്​ ഇ​വ​ർ പ​റ​ഞ്ഞു.

ഇ​ട​ക്ക്​ കോ​ട്ട​യം ന​ഗ​ര​സ​ഭ​യും പാ​യ​ൽ ന​ട​പ​ടി സ്വീ​ക​രി​ച്ചി​രു​ന്നു. ഇ​ത്ത​വ​ണ ഇ​തു​വ​രെ ന​ഗ​ര​സ​ഭ​യി​ൽ​നി​ന്ന്​ കാ​ര്യ​മാ​യ ഇ​ട​പെ​ട​ലു​ണ്ടാ​യി​ട്ടി​ല്ല. കൊ​ടൂ​രാ​റ്റി​നൊ​പ്പം മീ​ന​ച്ചി​ലാ​റ്റി​ലും കൈ​ത്തോ​ടു​ക​ളി​ലു​മെ​ല്ലാം പോ​ള​ശ​ല്യ​മു​ണ്ട്. കൊ​ടൂ​രാ​റ്റി​ല്‍ വ​ള്ള​ങ്ങ​ളും ബോ​ട്ടു​ക​ളും ഏ​റെ ബു​ദ്ധി​മു​ട്ടി​യാ​ണ്​ സ​ഞ്ച​രി​ക്കു​ന്ന​ത്.

ഓ​രോ വ​ര്‍ഷ​വും വ​ര്‍ധി​ച്ചി​ട്ടും ഇ​ത് ഒ​ഴി​വാ​ക്കാ​ന്‍ അ​ധി​കൃ​ത​രു​ടെ ഭാ​ഗ​ത്തു​നി​ന്ന്​ ശ​ക്ത​മാ​യ ന​ട​പ​ടി ഉ​ണ്ടാ​കു​ന്നി​ല്ലെ​ന്നാ​ണ് ആ​ക്ഷേ​പം. പ​രാ​തി വ്യാ​പ​ക​മാ​കു​മ്പോ​ള്‍ ചി​ല പ്ര​ദേ​ശ​ങ്ങ​ളി​ല്‍നി​ന്ന്​ വാ​രി​മാ​റ്റു​മെ​ങ്കി​ലും ദി​വ​സ​ങ്ങ​ള്‍ക്ക​കം പൂ​ര്‍വാ​ധി​കം ശ​ക്തി​യാ​യി തി​രി​കെ​യെ​ത്തു​മെ​ന്നും പ​റ​യു​ന്നു.

കു​ടി​വെ​ള്ള ശേ​ഖ​ര​ണ​വും പ്ര​തി​സ​ന്ധി​യി​ൽ

പ​ടി​ഞ്ഞാ​റ​ൻ മേ​ഖ​ല​യി​ലെ പു​ഴ​ക​ളി​ലും തോ​ടു​ക​ളി​ലും പോ​ള നി​റ​ഞ്ഞ​ത്​ സാ​ധാ​ര​ണ​ക്കാ​ർ​ക്കും തി​രി​ച്ച​ടി​യാ​കു​ന്നു. അ​യ്മ​നം, തി​രു​വാ​ർ​പ്പ്, ആ​ർ​പ്പൂ​ക്ക​ര, നീ​ണ്ടൂ​ർ പ​ഞ്ചാ​യ​ത്തു​ക​ളി​ലെ പു​ഴ​യോ​ര​ങ്ങ​ളി​ലും അ​പ്പ​ർ​കു​ട്ട​നാ​ട് പാ​ട​ശേ​ഖ​ര​ങ്ങ​ളു​ടെ പു​റം ബ​ണ്ടു​ക​ളി​ലും താ​മ​സി​ക്കു​ന്ന​വ​ർ​ക്കു​മാ​ണ്​ പോ​ള​ശ​ല്യം കൂ​ടു​ത​ൽ ദു​രി​തം തീ​ർ​ക്കു​ന്ന​ത്. ജ​ല​അ​തോ​റി​റ്റി​യു​ടെ പൈ​പ്പ്​ വെ​ള്ളം കി​ട്ടാ​ത്ത പ​ടി​ഞ്ഞാ​റ​ൻ നി​വാ​സി​ക​ൾ തോ​ടു​ക​ളി​ലൂ​ടെ വ​ള്ളം തു​ഴ​ഞ്ഞ്​ കി​ഴ​ക്ക​ൻ പ്ര​ദേ​ശ​ങ്ങ​ളി​ലെ​ത്തി​യാ​ണ് കു​ടി​വെ​ള്ളം സം​ഭ​രി​ക്കു​ന്ന​ത്.

തോ​ടു​ക​ളി​ലെ​ല്ലാം പോ​ള​യാ​യ​തി​നെ തു​ട​ർ​ന്ന് വ​ള്ളം ഇ​റ​ക്കാ​ൻ ക​ഴി​യാ​തെ ബു​ദ്ധി​മു​ട്ടു​ക​യാ​ണ്. അ​യ്മ​നം, തി​രു​വാ​ര്‍പ്പ്, ആ​ര്‍പ്പൂ​ക്ക​ര, കു​മ​ര​കം പ​ഞ്ചാ​യ​ത്തു​ക​ളി​ല്‍ കു​ടി​വെ​ള്ള​ത്തി​നാ​യും മ​ത്സ്യ​ബ​ന്ധ​ന​ത്തി​നാ​യും നി​ര​വ​ധി പേ​രാ​ണ്​ വ​ള്ള​ങ്ങ​ളെ ആ​ശ്ര​യി​ക്കു​ന്ന​ത്. പോ​ള​യു​ള്ള​തി​നാ​ൽ തു​ഴ​ഞ്ഞു​നീ​ങ്ങാ​ൻ ക​ഴി​യു​ന്നി​ല്ലെ​ന്ന്​ ഇ​വ​ർ പ​റ​യു​ന്നു.

അ​ധി​കം വൈ​കാ​തെ പോ​ള അ​ഴു​കി തു​ട​ങ്ങും. ഇ​തോ​ടെ വെ​ള്ളം കൂ​ടു​ത​ൽ മ​ലി​ന​മാ​കും. വേ​ന​ൽ ക​ടു​ത്ത​തോ​ടെ ആ​റു​ക​ളി​ലെ​യും കൈ​വ​ഴി​ക​ളി​ലെ​യും ഇ​ട​ത്തോ​ടു​ക​ളി​ലെ​യും ജ​ല​നി​ര​പ്പ് കു​റ​ഞ്ഞി​ട്ടു​ണ്ട്. പോ​ള അ​ഴു​കു​ന്ന​തോ​ടെ ശു​ദ്ധ​ജ​ല​ക്ഷാ​മ​വും ​രൂ​ക്ഷ​മാ​കും.

പു​ഞ്ച​കൃ​ഷി വി​ള​വെ​ടു​പ്പി​നും വെ​ല്ലു​വി​ളി

പ​ല കാ​യ​ല്‍ നി​ല​ങ്ങ​ളി​ലെ​യും പു​ഞ്ച​കൃ​ഷി വി​ള​വെ​ടു​പ്പി​നെ​യും പോ​ള​ശ​ല്യം പ്ര​തി​കൂ​ല​മാ​യി ബാ​ധി​ക്കു​മെ​ന്നും ചൂ​ണ്ടി​ക്കാ​ട്ട​പ്പെ​ടു​ന്നു. കൊ​യ്‌​തെ​ടു​ക്കു​ന്ന നെ​ല്ല് പോ​ള​നി​റ​ഞ്ഞ തോ​ട്ടി​ലൂ​ടെ ക​ര​യി​ല്‍ എ​ത്തി​ക്കു​ക​യെ​ന്ന​ത്​ ശ്ര​മ​ക​ര​മാ​യ ദൗ​ത്യ​മാ​ണ്. ക​വ​ണാ​ർ, പെ​ണ്ണാ​ർ, കൈ​പ്പു​ഴ​യാ​ർ എ​ന്നി​വി​ട​ങ്ങ​ളി​ൽ ച​ര​ക്കു​വ​ള്ള​ങ്ങ​ളു​ടെ​യും ഗ​താ​ഗ​ത​ത്തെ​യും പോ​ള​ശ​ല്യം വ​ല​ക്കു​ന്നു​ണ്ട്. ഹൗ​സ്​​ബോ​ട്ടു​ക​ൾ, മ​റ്റു യാ​ത്രാ​ബോ​ട്ടു​ക​ൾ, മ​ണ്ണ്, ക​ക്ക​വാ​ര​ൽ വ​ള്ള​ങ്ങ​ൾ എ​ന്നി​വ​യു​ടെ സു​ഗ​മ​മാ​യ സ​ഞ്ചാ​ര​ത്തി​നും വ​ലി​യ​പ്ര​തി​സ​ന്ധി സൃ​ഷ്ടി​ച്ചി​രി​ക്കു​ക​യാ​ണ്. വി​നോ​ദ​സ​ഞ്ചാ​രി​ക​ൾ​ക്കും ഇ​ത് തി​രി​ച്ച​ടി​യാ​യി​ട്ടു​ണ്ട്. മു​ൻ​കാ​ല​ങ്ങ​ളി​ൽ തൊ​ഴി​ലു​റ​പ്പ്​ പ​ദ്ധ​തി​യി​ൽ ഉ​ൾ​പ്പെ​ടു​ത്തി പോ​ള വാ​രി​യി​രു​ന്നു. ഇ​ത്ത​വ​ണ ഇ​തി​ലും ന​ട​പ​ടി​യി​ല്ല.

പായൽകയറി കുളവാഴ പ്ലാന്‍റ്

തോ​ടു​ക​ളി​ൽ നി​റ​യു​ന്ന പോ​ള (കു​ള​വാ​ഴ) സം​സ്‌​ക​രി​ക്കാ​ൻ സ്ഥാ​പി​ച്ച കു​ള​വാ​ഴ പ്ലാ​ന്‍റ്​ കാ​ടു​ക​യ​റു​ന്നു. കോ​ട്ട​യം പ​ച്ച​ക്ക​റി മാ​ർ​ക്ക​റ്റി​ന് സ​മീ​പം കൊ​ടൂ​രാ​റി‍െൻറ തീ​ര​ത്താ​ണ് കു​ട്ട​നാ​ട് പാ​ക്കേ​ജി​ൽ ഉ​ൾ​പെ​ടു​ത്തി 2013ൽ​ ​ഫി​ഷ​റീ​സ്​ വ​കു​പ്പ്​ പ്ലാ​ന്‍റ്​ ആ​രം​ഭി​ച്ച​ത്. കൊ​ടൂ​രാ​റ്റി​ൽ നി​റ​യു​ന്ന പോ​ള സം​സ്‌​ക​രി​ക്കാ​ൻ ല​ക്ഷ്യ​മി​ട്ടാ​യി​രു​ന്നു ഫി​ർ​മ മു​ഖേ​ന​യു​ള്ള പ​ദ്ധ​തി​ക്ക്​ തു​ട​ക്ക​മി​ട്ട​ത്.

കു​ള​വാ​ഴ സം​സ്‌​ക​രി​ക്കു​ന്ന​തി​നൊ​പ്പം ഈ ​പ​ൾ​പ്പി​ൽ​നി​ന്ന് വൈ​ദ്യു​തി ഉ​ൽ​പാ​ദി​പ്പി​ച്ച് മാ​ർ​ക്ക​റ്റി​ലെ ലൈ​റ്റു​ക​ൾ തെ​ളി​ക്കാ​നും പ​ദ്ധ​തി​യു​ണ്ടാ​യി​രു​ന്നു. പ്ലാ​ന്‍റ്​ തു​ട​ങ്ങി ഏ​താ​നും ആ​ഴ്ച പി​ന്നി​ട്ട​പ്പോ​ഴേ​ക്കും ഇ​തി​ന്​ ത​ക​രാ​ർ സം​ഭ​വി​ച്ചു. എ​ന്നാ​ൽ, അ​റ്റ​കു​റ്റ​പ്പ​ണി​ക്ക്​ അ​ധി​കൃ​ത​ർ ത​യാ​റാ​യി​ല്ല. ത​ക​രാ​റി​ലാ​യ ചോ​പ്പ​ർ മാ​റ്റി സ്ഥാ​പി​ക്ക​ണ​മെ​ങ്കി​ൽ ല​ക്ഷ​ങ്ങ​ൾ ചെ​ല​വ​ഴി​ക്കേ​ണ്ടി വ​രും. ഇ​തോ​ടെ പ്ര​വ​ർ​ത്ത​നം നി​ല​ച്ചു. ക​ഴി​ഞ്ഞ ഒ​മ്പ​തു വ​ർ​ഷ​മാ​യി പ്ര​വ​ർ​ത്ത​ന​ര​ഹി​ത​മാ​ണ്.

വ​ള്ളി​പ്പ​ട​ർ​പ്പു​ക​ൾ നി​റ​ഞ്ഞാ​ണ് കെ​ട്ടി​ട​ങ്ങ​ൾ സ്ഥി​തി ചെ​യ്യു​ന്ന​ത്. മെ​ഷീ​നു​ക​ൾ പ​ല​തും തു​രു​മ്പ് ക​യ​റി. ഇ​ട​ക്കാ​ല​ത്ത് ന​ഗ​ര​സ​ഭ ശു​ചീ​ക​ര​ണ തൊ​ഴി​ലാ​ളി​ക​ൾ ഇ​വി​ടെ വൃ​ത്തി​യാ​ക്കി​യി​രു​ന്നു. എ​ന്നാ​ൽ, ഏ​റെ നാ​ളാ​യി പ്ലാ​ന്‍റി​നു​ള്ളി​ൽ പു​ല്ലു​വ​ള​ർ​ന്ന് കെ​ട്ടി​ട​ത്തി​ന് ത​ന്നെ ഭീ​ഷ​ണി​യാ​യി നി​ൽ​ക്കു​ക​യാ​ണ്.

ജലസേചന വകുപ്പിനും നഗരസഭക്കും കത്ത്​ നൽകി

കോ​ടി​മ​ത ക​നാ​ലി​ലെ പോ​ള​ശ​ല്യം രൂ​ക്ഷ​മാ​ണ്. യാ​ത്രാ​ബോ​ട്ടു​ക​ളെ ഇ​ത്​ സാ​ര​മാ​യി ബാ​ധി​ക്കു​ന്നു. യ​ന്ത്ര​ത്ത​ക​രാ​റി​നും ഇ​ത്​ കാ​ര​ണ​മാ​കു​ന്നു. ക​നാ​ലി​നു​ വീ​തി കു​റ​വാ​യ​തി​നാ​ൽ പാ​യ​ലും പു​ല്ലും കൂ​ട്ട​മാ​യി കി​ട​ക്കു​ന്ന​തി​നാ​ൽ യാ​ത്ര​ക്ക്​ വ​ലി​യ ബു​ദ്ധി​മു​ട്ടാ​ണ്​ സൃ​ഷ്ടി​ക്കു​ന്ന​ത്. പ​ല​പ്പോ​ഴും ബോ​ട്ടു​ക​ൾ യ​ന്ത്ര​ത്ത​ക​രാ​ർ സം​ഭ​വി​ക്കു​ന്നു​ണ്ട്. സ്കൂ​ളു​ക​ൾ തു​റ​ന്ന സാ​ഹ​ച​ര്യ​ത്തി​ൽ കു​ട്ടി​ക​ള​ട​ക്കം സ​ർ​വി​സു​ക​ളെ ആ​ശ്ര​യി​ക്കു​ന്ന​തി​നാ​ലാ​ണ്​ കോ​ടി​മ​ത​യി​ലേ​ക്ക്​ ന​ട​ത്തു​ന്ന​ത്. പോ​ള നീ​ക്ക​ണ​മെ​ന്ന്​ ആ​വ​ശ്യ​പ്പെ​ട്ട്​ ജ​ല​സേ​ച​ന വ​കു​പ്പി​നും ന​ഗ​ര​സ​ഭ​ക്കും ക​ത്ത്​ ന​ൽ​കി​യി​ട്ടു​ണ്ട്. ഇ​വ​ർ ന​ട​പ​ടി സ്വീ​ക​രി​ക്കു​മെ​ന്നാ​ണ്​ പ്ര​തീ​ക്ഷ.

ഷാ​ജി വി. ​നാ​യ​ർ (ഡ​യ​റ​ക്ട​ർ, തു​റ​മു​ഖ​വ​കു​പ്പ്​)