ചിട്ടി സ്ഥാപനത്തിൽനിന്ന്​ പണം കവർന്നയാൾ പിടിയിൽ

കോ​ട്ട​യം: ന​ഗ​ര​മ​ധ്യ​ത്തി​ലെ ചി​ട്ടി സ്ഥാ​പ​ന​ത്തി​ൽ​നി​ന്ന്​ പ​ണം ക​വ​ർ​ന്ന​യാ​ൾ പി​ടി​യി​ൽ. ത​മി​ഴ്നാ​ട് വെ​ല്ലൂ​ർ സ്വ​ദേ​ശി​യാ​യ പ​ള​നി​യെ​യാ​ണ് ദി​വ​സ​ങ്ങ​ൾ​ക്കു​ള്ളി​ൽ പൊ​ലീ​സ്​ പി​ടി​കൂ​ടി​യ​ത്. ബ​ധി​ര​നും മൂ​ക​നു​മാ​യി അ​ഭി​ന​യി​ച്ച് ഇ​യാ​ൾ കോ​ട്ട​യം മാ​ർ​ക്ക​റ്റി​നു​ള്ളി​ൽ പ്ര​വ​ർ​ത്തി​ക്കു​ന്ന യു​നൈ​റ്റ​ഡ് ഇ​ൻ​വെ​സ്റ്റ്മെ​ന്‍റ്​ സ്ഥാ​പ​ന​ത്തി​ൽ സ​ഹാ​യം തേ​ടാ​നെ​ന്ന പേ​രി​ൽ എ​ത്തു​ക​യും ഇ​തി​നി​ടെ മേ​ശ​യി​ൽ സൂ​ക്ഷി​ച്ച 1,39,000 രൂ​പ മോ​ഷ്ടി​ച്ച്​ ക​ട​ന്നു​ക​ള​യു​ക​യാ​യി​രു​ന്നു.

സ്ഥാ​പ​ന ഉ​ട​മ​യു​ടെ പ​രാ​തി​യു​ടെ അ​ടി​സ്ഥാ​ന​ത്തി​ൽ കോ​ട്ട​യം വെ​സ്റ്റ്​ പൊ​ലീ​സ്​ കേ​സ് ര​ജി​സ്​​റ്റ​ർ ചെ​യ്യു​ക​യും ശാ​സ്ത്രീ​യ പ​രി​ശോ​ധ​ന​യി​ലൂ​ടെ മോ​ഷ്ടാ​വി​നെ ക​ണ്ടെ​ത്തി അ​റ​സ്റ്റ് ചെ​യ്യു​ക​യു​മാ​യി​രു​ന്നു. സി.​സി ടി.​വി ദൃ​ശ്യ​ങ്ങ​ൾ കേ​ന്ദ്രീ​ക​രി​ച്ച്​ ന​ട​ത്തി​യ തി​ര​ച്ചി​ലി​ലാ​ണ്​ കു​ടു​ങ്ങി​യ​ത്.

വെ​സ്റ്റ് എ​സ്.​എ​ച്ച്.​ഒ കെ.​ആ​ർ. പ്ര​ശാ​ന്ത് കു​മാ​ർ, സ​ബ് ഇ​ൻ​സ്പെ​ക്ട​ർ​മാ​രാ​യ ടി. ​ശ്രീ​ജി​ത് ടി, ​രാ​ജേ​ഷ്. സി.​എ. സ​ജി​കു​മാ​ർ, അ​സി. സ​ബ് ഇ​ൻ​സ്പെ​ക്ട​ർ സി​ജു കെ.​സൈ​മ​ൺ, സി.​പി.​ഒ​മാ​രാ​യ ദി​ലീ​പ് വ​ർ​മ, എ​സ്. അ​നു, ശ്യാം ​എ​സ്.​നാ​യ​ർ, ഷൈ​ൻ ത​മ്പി, പി​യൂ​ഷ് പി.​എ​സ്, ഷൈ​നു എ​സ്, കെ.​എ​സ്. ര​വീ​ഷ് എ​ന്നി​വ​ര​ട​ങ്ങു​ന്ന സം​ഘ​മാ​ണ്​ അ​റ​സ്റ്റ്​ ചെ​യ്ത​ത്.