അടുക്കള വാതിൽ കുത്തിത്തുറന്നു; മറിയപ്പള്ളിയിൽ നാല്​ വീടുകളിൽ മോഷണശ്രമം

കോ​ട്ട​യം: മ​റി​യ​പ്പ​ള്ളി​യി​ൽ നാ​ലു വീ​ടു​ക​ളി​ൽ മോ​ഷ​ണ​ശ്ര​മം. നാ​ലു വീ​ടു​ക​ളു​ടെ​യും അ​ടു​ക്ക​ള വാ​തി​ൽ കു​ത്തി​ത്തു​റ​ന്ന് അ​ക​ത്ത് ക​യ​റാ​നു​ള്ള ശ്ര​മ​മാ​ണ് ന​ട​ന്നി​രി​ക്കു​ന്ന​ത്. ര​ണ്ടു വീ​ടു​ക​ളു​ടെ​യും ഉ​ള്ളി​ൽ ക​യ​റി​യെ​ങ്കി​ലും വീ​ട്ടു​കാ​ർ ഉ​ണ​ർ​ന്ന​തി​നാ​ൽ ഒ​ന്നും ന​ഷ്ട​പ്പെ​ട്ടി​ല്ല.

മ​റി​യ​പ്പ​ള്ളി ചെ​ട്ടി​ക്കു​ന്ന് വാ​ട്ട​ർ​ടാ​ങ്കി​ന് സ​മീ​പ​ത്തെ താ​മ​സ​ക്കാ​രാ​യ അ​ശ്വ​തി നി​വാ​സി​ൽ പി.​കെ. സ​ജി​മോ​ൾ, ആ​ശാ​ല​യം വീ​ട്ടി​ൽ ര​വീ​ന്ദ്ര​ൻ, തോ​ട്ടു​ങ്ക​ൽ ജ​യ​കു​മാ​ർ, ചേ​രി​ക്ക​ൽ ര​വീ​ന്ദ്ര​ൻ എ​ന്നി​വ​രു​ടെ വീ​ടു​ക​ളി​ലാ​ണ് വ്യാ​ഴാ​ഴ്ച പു​ല​ർ​ച്ച മൂ​ന്നു മ​ണി​ക്കും 5.30 നും ​ഇ​ട​യി​ൽ ക​വ​ർ​ച്ച ശ്ര​മം ന​ട​ന്നി​രി​ക്കു​ന്ന​ത്.

സ​ജി​മോ​ളു​ടെ വീ​ടി​ന്‍റെ പി​ൻ​വാ​തി​ൽ ത​ക​ർ​ത്ത് അ​ക​ത്തു ക​യ​റി​യ മോ​ഷ്ടാ​വ് അ​ല​മാ​ര തു​റ​ക്കാ​ൻ​ ശ്ര​മി​ക്കു​ന്ന​തി​നി​ടെ ശ​ബ്​​ദം കേ​ട്ട്​ സ​ജി​മോ​ളു​ടെ മ​ക​ൻ ഉ​ണ​രു​ക​യാ​യി​രു​ന്നു. ക​ണ്ണു​തു​റ​ന്ന​പ്പോ​ൾ വെ​ള്ള മ​ങ്കി ക്യാ​പ് ധ​രി​ച്ച്​ ഉ​യ​രം കു​റ​ഞ്ഞ ഒ​രാ​ളെ​യാ​ണ്​ ക​ണ്ട​ത്. ഉ​ടു​ത്ത മു​ണ്ട്​ ഇ​യാ​ൾ തെ​റു​ത്തു​ക​യ​റ്റി​വെ​ച്ചി​രു​ന്നു.

കൈ​യി​ൽ ക​മ്പി​വ​ടി​യു​മു​ണ്ടാ​യി​രു​ന്നു.​ ബ​ഹ​ളം വെ​ച്ച​തോ​ടെ ഇ​യാ​ൾ ഇ​റ​ങ്ങി​യോ​ടി. സി.​സി ടി.​വി പ​രി​ശോ​ധി​ച്ച​​പ്പോ​ൾ സ​മീ​പ​ത്തെ ജ​യ​കു​മാ​റി​ന്‍റെ വീ​ടി​ന്‍റെ പു​റ​കു​വ​ശ​ത്തെ വാ​തി​ൽ തു​റ​ക്കാ​ൻ ശ്ര​മി​ക്കു​ന്ന​ത്​ വ്യ​ക്ത​മാ​യി​ട്ടു​ണ്ട്.

ആ​ശാ​ല​യം വീ​ട്ടി​ൽ ര​വീ​ന്ദ്ര​ന്‍റെ കൊ​ച്ചു​മ​ക​ൾ അ​ഞ്ചാം ക്ലാ​സ് വി​ദ്യാ​ർ​ഥി​നി ഉ​ത്ത​ര കി​ട​ന്നി​രു​ന്ന മു​റി​യി​ലാ​ണ് ക​ള്ള​ൻ ക​യ​റി​യ​ത്. ശ​ബ്ദം കേ​ട്ട് ഉ​ണ​ർ​ന്ന കു​ട്ടി ബ​ഹ​ളം​വെ​ച്ച​പ്പോ​ൾ മോ​ഷ്ടാ​വ് ഇ​റ​ങ്ങി​യോ​ടി. ചേ​രി​ക്ക​ൽ ര​വീ​ന്ദ്ര​ന്റെ അ​ടു​ക്ക​ള വാ​തി​ൽ അ​ഗ്രം വ​ള​ഞ്ഞ ഇ​രു​മ്പ് ക​മ്പി വ​ടി ഉ​പ​യോ​ഗി​ച്ച് പാ​തി തു​റ​ന്ന​നി​ല​യി​ലാ​ണ്.

വാ​തി​ലി​ന്റെ ഒ​രു കൊ​ളു​ത്ത് അ​ക​ത്തി​യ​പ്പോ​ൾ ത​ന്നെ വീ​ട്ടു​കാ​ർ ഉ​ണ​ർ​ന്ന​തി​നാ​ലാ​ണ് ഇ​വി​ടെ​യും മോ​ഷ​ണ​ശ്ര​മം പ​രാ​ജ​യ​പ്പെ​ട്ട​ത്. ചി​ങ്ങ​വ​നം പൊ​ലീ​സി​ൽ വി​വ​രം അ​റി​യി​ച്ച​തി​നെ​തു​ട​ർ​ന്ന്​ ഫോ​റ​ൻ​സി​ക് വി​ദ​ഗ്ധ​രും വി​ര​ല​ട​യാ​ള വി​ദ​ഗ്​​ധ​രും സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി.