മഴയിൽ വീട് തകർന്നു

ചെമ്പ്: ശക്തമായ കാറ്റിലും മഴയിലും വീട് ഇടിഞ്ഞുവീണു. വീടിന്‍റെ മേൽക്കൂര വലിയ ശബ്ദത്തോടെ താഴേക്ക് പതിക്കുന്നത് കണ്ട് ഗൃഹനാഥൻ കുട്ടികളുമായി പുറത്തേക്ക് ഓടിയതിനാൽ പരിക്കേൽക്കാതെ രക്ഷപ്പെട്ടു.

ചെമ്പ് പഞ്ചായത്ത് 13ാം വാർഡിൽ കാട്ടാമ്പള്ളി ഷിജുവിന്‍റെ വീടാണ് ചൊവ്വാഴ്ച പുലർച്ച 6.30ഓടെ തകർന്നത്. മത്സ്യത്തൊഴിലാളിയായ ഷിജുവും ഭാര്യ പ്രിജിതയും മക്കളായ അഭിനയ (നാല് ), ആരാധ്യ (രണ്ട്) എന്നിവരുമാണ് താമസിച്ചിരുന്നത്. വീട് തകർന്നതോടെ നിർധന കുടുംബത്തിന് കിടക്കാനിടമില്ലാതെയായി.