മീനച്ചിലാറ്റിൽ ഇന്ന്​ തീപ്പൊരി

കോ​ട്ട​യം: ഇ​നി ഏ​താ​നും നി​മി​ഷ​ങ്ങ​ൾ മാ​ത്രം... ആ​വേ​ശ​ത്തി​ര​യി​ള​ക്ക​ത്തി​ൽ മീ​ന​ച്ചി​ലാ​ർ ക​ര​ക​വി​യും. തു​ഴ​പ്പാ​ടു​ക​ൾ കൊ​ണ്ട്​ വെ​ള്ള​ത്തി​നു മേ​ൽ രാ​കി തീ​പ്പൊ​രി പാ​റി​ച്ച്​ ഒ​മ്പ​ത്​ ജ​ല​കൊ​മ്പ​ൻ​മാ​ർ താ​ഴ​ത്ത​ങ്ങാ​ടി​യു​ടെ വി​രി​മാ​റി​ലൂ​ടെ പാ​യും. നെ​ഹ്​​റു ട്രോ​ഫി​യു​ടെ ത​നി​യാ​വ​ർ​ത്ത​നം പോ​ലെ വി​ല്ലേ​ജ്​ ബോ​ട്ട്​ ക്ല​ബ്​ കൈ​ന​ക​രി​യു​ടെ വീ​രു എ​ന്ന​റി​യ​പ്പെ​ടു​ന്ന വീ​യ​പു​രം ചു​ണ്ട​ൻ ഒ​ന്നാ​മ​നാ​കു​മോ..? പു​ന്ന​മ​ട​യി​ൽ ഡ​ബി​ൾ ഹാ​ട്രി​ക്​ സ്വ​പ്നം ത​ക​ർ​ത്ത​തി​ന്​ പ​ള്ളാ​ത്തു​രു​ത്തി ബോ​ട്ട്​ ക്ല​ബ്ബി​ന്‍റെ മേ​ൽ​പ്പാ​ടം ചു​ണ്ട​ൻ പ​ക​രം വീ​ട്ടു​മോ..? അ​ല്ലെ​ങ്കി​ൽ ക​റു​ത്ത​കു​തി​ര​ക​ളാ​യി പു​ന്ന​മ​ട ​ബോ​ട്ട്​ ക്ല​ബ്ബി​ന്‍റെ നി​ര​ണം ചു​ണ്ട​ൻ മാ​റു​മോ...? കോ​ട്ട​യ​ത്തി​ന്‍റെ ക​രു​ത്ത്​ തി​രി​ച്ചു​പി​ടി​ച്ച്​ കു​മ​ര​കം ടൗ​ൺ ബോ​ട്ട്​ ക്ല​ബ്ബി​ന്‍റെ പാ​യി​പ്പാ​ട​ൻ ക​പ്പ​ടി​ക്കു​മോ...? വ​ള്ളം​ക​ളി​ക​ളി​ലെ രാ​ജാ​വാ​യ കാ​രി​ച്ചാ​ൽ പ്ര​താ​പം തി​രി​ച്ചു​പി​ടി​ക്കു​മോ...?

താ​ഴ​ത്ത​ങ്ങാ​ടി​യി​ൽ ന​ട​ക്കു​ന്ന ​ചാ​മ്പ്യ​ൻ​സ്​ ബോ​ട്ട്​ ലീ​ഗി​ൽ (സി.​ബി.​എ​ൽ) ഒ​മ്പ​ത്​ ചു​ണ്ട​ൻ വ​ള്ള​ങ്ങ​ളും ഒ​ന്നി​നൊ​ന്ന്​ മി​ക​ച്ച മ​ത്സ​രം കാ​ഴ്ച​വെ​ക്കു​മെ​ന്നി​രി​ക്കെ ജേ​താ​ക്ക​ളെ ക​ണ്ടെ​ത്താ​ൻ ഫോ​ട്ടോ ഫി​നി​ഷി​ങ്ങി​ലേ​ക്ക്​ പോ​കേ​ണ്ടി​വ​രു​മെ​ന്നാ​ണ്​ വ​ള്ളം​ക​ളി പ്രേ​മി​ക​ൾ ക​രു​തു​ന്ന​ത്. നെ​ഹ്​​റു ട്രോ​ഫി​യി​ൽ ഏ​റ്റ​വും മി​ക​ച്ച വേ​ഗം കു​റി​ച്ച ഒ​മ്പ​ത്​ ജ​ല​രാ​ജാ​ക്ക​ന്മാ​രാ​ണ്​ സി.​ബി.​എ​ല്ലി​ൽ മാ​റ്റു​ര​യ്​​ക്കു​ന്ന​ത്.

വീ​യ​പു​രം (വി.​ബി.​സി, കൈ​ന​ക​രി), ന​ടു​ഭാ​ഗം (പി.​ബി.​സി, പു​ന്ന​മ​ട), മേ​ൽ​പ്പാ​ടം (പി.​ബി.​സി. പ​ള്ളാ​ത്തു​രു​ത്തി), നി​ര​ണം (നി​ര​ണം ബോ​ട്ട്ക്ല​ബ്), പാ​യി​പ്പാ​ട​ൻ (കെ.​ടി.​ബി.​സി ബോ​ട്ട്ക്ല​ബ്, കു​മ​ര​കം), ന​ടു​വി​ലേ​പ്പ​റ​മ്പ​ൻ (ഇ​മ്മാ​നു​വേ​ൽ ബോ​ട്ട്ക്ല​ബ്, കു​മ​ര​കം), കാ​രി​ച്ചാ​ൽ (കെ.​സി.​ബി.​സി, കാ​രി​ച്ചാ​ൽ), ചെ​റു​ത​ന (തെ​ക്കേ​ക്ക​ര ബി.​സി), ച​മ്പ​ക്കു​ളം (ച​ങ്ങ​നാ​ശ്ശേ​രി ബോ​ട്ട്ക്ല​ബ്) ചു​ണ്ട​നു​ക​ൾ.

താ​ഴ​ത്ത​ങ്ങാ​ടി​യാ​റി​ന്‍റെ ഇ​രു​ക​ര​ക​ളി​ലും മ​ത്സ​രം സു​ഗ​മ​മാ​യി കാ​ണാ​ൻ സൗ​ക​ര്യം ഒ​രു​ക്കി​യി​ട്ടു​ണ്ട്. ഉ​ച്ച​യ്ക്ക്​ 2.15ന്​ ​വ​ള്ള​ങ്ങ​ളു​ടെ മാ​സ്​ ഡ്രി​ൽ. 2.45ന്​ ​ചു​ണ്ട​ൻ വ​ള്ള​ങ്ങ​ളു​ടെ ഹീ​റ്റ്​​സ്​ മ​ത്സ​ര​ങ്ങ​ൾ തു​ട​ങ്ങും. വി​വി​ധ ഗ്രേ​ഡു​ക​ളി​ലെ വെ​പ്പ്, ഇ​രു​ട്ടു​കു​ത്തി വ​ള്ള​ങ്ങ​ളും മ​ത്സ​രി​ക്കും.

മ​ന്ത്രി വി.​എ​ൻ. വാ​സ​വ​ൻ വ​ള്ളം​ക​ളി ഉ​ദ്​​ഘാ​ട​നം ചെ​യ്യും. തി​രു​വ​ഞ്ചൂ​ർ രാ​ധാ​കൃ​ഷ്ണ​ൻ എം.​എ​ൽ.​എ അ​ധ്യ​ക്ഷ​ത വ​ഹി​ക്കും. ക​ല​ക്ട​ർ ചേ​ത​ൻ​കു​മാ​ർ മീ​ണ പ​താ​ക ഉ​യ​ർ​ത്തും. മ​ത്സ​രം കാ​ണാ​ൻ പ്ര​വേ​ശ​നം പാ​സ്​ മൂ​ലം നി​യ​ന്ത്രി​ച്ചി​ട്ടു​ണ്ട്.