തണ്ണീർമുക്കം ബണ്ടിന്‍റെ ഷട്ടറുകൾ ഉയരുന്നു; മത്സ്യ സമ്പത്ത് വർധിക്കും; പ്രതീക്ഷയിൽ മത്സ്യത്തൊഴിലാളികൾ

കോ​ട്ട​യം: ത​ണ്ണീ​ർ​മു​ക്കം ബ​ണ്ടി​ന്‍റെ ഷ​ട്ട​റു​ക​ൾ ഉ​യ​ർ​ത്താ​ൻ തു​ട​ങ്ങി​യ​തോ​ടെ ഉ​ൾ​നാ​ട​ൻ മ​ത്സ്യ​ത്തൊ​ഴി​ലാ​ളി​ക​ൾ പ്ര​തീ​ക്ഷ​യി​ൽ. കാ​യ​ലി​ൽ ഉ​പ്പു​​വെ​ള്ളം ക​യ​റു​ന്ന​ത്​ മ​ത്സ്യ​ങ്ങ​ളു​ടെ പ്ര​ജ​ന​നം വ​ർ​ധി​പ്പി​ക്കു​മെ​ന്ന​തും മ​ത്സ്യ​ല​ഭ്യ​ത കൂ​ട്ടു​മെ​ന്ന​തു​മാ​ണ് തൊ​ഴി​ലാ​ളി​ക​ൾ​ക്ക്​ പ്ര​തീ​ക്ഷ ന​ൽ​കു​ന്ന​ത്. ​കാ​യ​ലി​ലെ മാ​ലി​ന്യം ഒ​​ഴു​കി​നീ​ങ്ങു​ന്ന​തോ​ടെ തോ​ടു​ക​ൾ തെ​ളി​ഞ്ഞൊ​ഴു​കാ​നും തു​ട​ങ്ങും.

സാ​ധാ​ര​ണ ഡി​സം​ബ​ർ 15ന്​ ​അ​ട​ച്ച്​ മാ​ർ​ച്ച്​ 15നാ​ണ്​ ബ​ണ്ട്​ തു​റ​ക്കേ​ണ്ട​ത്. എ​ന്നാ​ൽ, കു​ട്ട​നാ​ട്ടി​ലെ വി​ള​വെ​ടു​പ്പ്​ തീ​രാ​ൻ വൈ​കു​ന്ന​ത്​ ബ​ണ്ട്​ തു​റ​ക്ക​ലി​നെ​യും ബാ​ധി​ക്കും. ഉ​പ്പു​​വെ​ള്ളം ക​യ​റി കൃ​ഷി ന​ശി​ക്കു​മെ​ന്ന​തി​നാ​ൽ നെ​ൽ​ക​ർ​ഷ​ക​ർ​ക്ക്​ ബ​ണ്ട്​ തു​റ​ക്കു​ന്ന​ത്​ തി​രി​ച്ച​ടി​യാ​ണ്. കൃ​ഷി തീ​രു​ന്ന മു​റ​ക്കാ​ണ്​ ഷ​ട്ട​റു​ക​ൾ ഘ​ട്ടം​ഘ​ട്ട​മാ​യി തു​റ​ക്കു​ക. ഇ​ത്ത​വ​ണ ഒ​രു​മാ​സ​ത്തോ​ളം ​വൈ​കി ഈ ​മാ​സം 11നാ​ണ്​ ബ​ണ്ടി​ന്‍റെ ഷ​ട്ട​റു​ക​ൾ തു​റ​ന്നു​തു​ട​ങ്ങി​യ​ത്.

ഉ​പ്പു​വെ​ള്ള​ത്തി​ലാ​ണ്​ മ​ത്സ്യ​ങ്ങ​ളു​ടെ പ്ര​ജ​ന​നം കാ​ര്യ​ക്ഷ​മ​മാ​യി ന​ട​ക്കു​ക. പ്ര​ത്യേ​കി​ച്ച്​ കൊ​ഞ്ചി​ന്‍റെ മു​ട്ട വി​രി​യു​ക ഉ​പ്പു​വെ​ള്ള​ത്തി​ലാ​ണ്.​ ബ​ണ്ടി​നി​പ്പു​റം ​കൊ​ഞ്ചി​ന്‍റെ മു​ട്ട വി​രി​ഞ്ഞ്​ കു​ഞ്ഞു​ങ്ങ​ൾ ഉ​ണ്ടാ​യാ​ലും അ​ത്​ ഉ​പ്പു​വെ​ള്ളം തേ​ടി പോ​വു​മെ​ന്നും അ​ട​ച്ചി​ട്ട ഷ​ട്ട​റി​ൽ ത​ട്ടി ചാ​വു​മെ​ന്നു​മാ​ണ്​ മ​ത്സ്യ​ത്തൊ​ഴി​ലാ​ളി​ക​ൾ പ​റ​യു​ന്ന​ത്. അ​തു​കൊ​ണ്ടു​ത​​ന്നെ കാ​യ​ലി​ൽ കൊ​ഞ്ച്​ ഇ​ല്ലാ​താ​യി​ക്കൊ​ണ്ടി​രി​ക്കു​ക​യാ​ണ്.

അ​തേ​സ​മ​യം, 365 ദി​വ​സ​വും പ്ര​ജ​ന​ന​ശേ​ഷി​യു​ള്ള​തി​നാ​ൽ​ ക​രി​മീ​ൻ വം​ശ​നാ​ശം സം​ഭ​വി​ക്കാ​തെ ര​ക്ഷ​പ്പെ​ടു​ന്നു. ബ​ണ്ട്​ കാ​യ​ലി​ലെ മ​ത്സ്യ​സ​മ്പ​ത്തി​നെ കാ​ര്യ​മാ​യി ബാ​ധി​ച്ചി​ട്ടു​​ണ്ടെ​ന്നാ​ണ്​ ക​ണ​ക്കു​ക​ൾ കാ​ണി​ക്കു​ന്ന​ത്. ബ​ണ്ട്​​ വ​രു​ന്ന​തി​മു​മ്പ്​​ 16 ല​ക്ഷം ട​ൺ ​കൊ​ഞ്ച്​ ഉ​ൽ​പാ​ദ​നം ന​ട​ന്നി​രു​ന്ന സ്ഥാ​ന​ത്ത്​ ക​ഴി​ഞ്ഞ വ​ർ​ഷ​ങ്ങ​ളി​ൽ മൂ​ന്ന്​ ല​ക്ഷം ട​ണ്ണാ​യി ചു​രു​ങ്ങി. 172 ഇ​ന​ങ്ങ​ൾ മ​ത്സ്യ​ങ്ങ​ളു​ണ്ടാ​യി​രു​ന്ന കാ​യ​ലി​ൽ ഇ​പ്പോ​ൾ 40ഓ​ളം ഇ​ന​ങ്ങ​ളേ അ​വ​ശേ​ഷി​ക്കു​ന്നു​ള്ളൂ എ​ന്ന്​​ പ​ഠ​ന​ങ്ങ​ൾ പ​റ​യു​ന്നു.