തളിപ്പറമ്പിലും പിങ്ക് പൊലീസ് വരുന്നു

ത​ളി​പ്പ​റ​മ്പ്: സ്ത്രീ ​സു​ര​ക്ഷ ല​ക്ഷ്യ​മാ​ക്കി ത​ളി​പ്പ​റ​മ്പി​ലും ഒ​രാ​ഴ്ച​ക്കു​ള്ളി​ൽ പി​ങ്ക് പൊ​ലീ​സ് സം​വി​ധാ​നം ആ​രം​ഭി​ക്കും. ക​ണ്ണൂ​ര്‍ റൂ​റ​ല്‍ പൊ​ലീ​സ് ആ​സ്ഥാ​നം മാ​ങ്ങാ​ട്ടു​പ​റ​മ്പി​ല്‍ പ്ര​വ​ര്‍ത്ത​നം തു​ട​ങ്ങി​യ​തോ​ടെ​യാ​ണ് ത​ളി​പ്പ​റ​മ്പി​ല്‍ പി​ങ്ക് പൊ​ലീ​സ് സേ​വ​നം ല​ഭി​ക്കു​ന്ന​ത്. ക​ണ്ണൂ​ർ ജി​ല്ല​യി​ൽ നി​ല​വി​ല്‍ സി​റ്റി പൊ​ലീ​സ് പ​രി​ധി​യി​ലെ ത​ല​ശ്ശേ​രി, ക​ണ്ണൂ​ര്‍ എ​ന്നി​വി​ട​ങ്ങ​ളി​ൽ മാ​ത്ര​മാ​ണ് പി​ങ്ക് പൊ​ലീ​സ് സേ​വ​ന​മു​ള്ള​ത്.

സ്ത്രീ​ക​ള്‍ക്കും കു​ട്ടി​ക​ള്‍ക്കും നേ​രെ വ​ര്‍ധി​ച്ചു​വ​രു​ന്ന അ​തി​ക്ര​മ​ങ്ങ​ള്‍ ത​ട​യു​ന്ന​തി​നും ക്രി​മി​ന​ലു​ക​ളെ ക​ണ്ടെ​ത്തി പി​ടി​കൂ​ടു​ന്ന​തി​നു​മാ​ണ് പി​ങ്ക് പൊ​ലീ​സ് പ്ര​വ​ര്‍ത്തി​ക്കു​ന്ന​ത്. പ്ര​ത്യേ​ക പ​രി​ശീ​ല​നം ല​ഭി​ച്ച വ​നി​ത പൊ​ലീ​സ്​ ഉ​ദ്യോ​ഗ​സ്​​ഥ​രാ​ണ്​ വി​ളി​പ്പു​റ​ത്തെ​ത്തു​ന്ന ഇൗ ​വി​ഭാ​ഗ​ത്തി​ൽ സേ​വ​നം ചെ​യ്യു​ന്ന​ത്.

റൂ​റ​ൽ ജി​ല്ല​യി​ലെ ആ​ദ്യ​ത്തെ പി​ങ്ക് പൊ​ലീ​സ് സം​വി​ധാ​ന​മാ​ണ് ത​ളി​പ്പ​റ​മ്പി​ലേ​ത്. ത​ളി​പ്പ​റ​മ്പ് കേ​ന്ദ്രീ​ക​രി​ച്ചു​ള്ള പ്ര​വ​ര്‍ത്ത​ന​മാ​ണ് അ​ടു​ത്ത​യാ​ഴ്ച മു​ത​ൽ ആ​രം​ഭി​ക്കു​ക. പി​ന്നീ​ട് റൂ​റ​ല്‍ എ​സ്.​പി​യു​ടെ കീ​ഴി​ലു​ള്ള മ​റ്റ് പൊ​ലീ​സ് സ്‌​റ്റേ​ഷ​ന്‍ പ​രി​ധി​യി​ലേ​ക്കും പി​ങ്ക് പൊ​ലീ​സ്​ പ്ര​വ​ർ​ത്ത​നം വ്യാ​പി​പ്പി​ക്കും. പൂ​വാ​ല ശ​ല്യം ത​ട​യു​ന്ന​തി​ന് ബ​സ് സ്​​റ്റാ​ന്‍ഡു​ക​ളി​ലും മ​റ്റ് പ്ര​ധാ​ന കേ​ന്ദ്ര​ങ്ങ​ളി​ലും പ്ര​ത്യേ​ക നി​രീ​ക്ഷ​ണം ഏ​ര്‍പ്പെ​ടു​ത്തും.

രാ​വി​ലെ എ​ട്ടു​മു​ത​ല്‍ രാ​ത്രി എ​ട്ടു​വ​രെ​യാ​ണ് പ്ര​വ​ര്‍ത്ത​നം. നാ​ലു വ​നി​ത പൊ​ലീ​സു​കാ​രാ​ണ് സേ​വ​ന​ത്തി​ലു​ള്ള​ത്. തു​ട​ക്ക​ത്തി​ൽ ക​ണ്ണൂ​ർ കേ​ന്ദ്രീ​ക​രി​ച്ചാ​ണ് പി​ങ്ക് പൊ​ലീ​സ് ക​ൺ​ട്രോ​ൾ റൂം ​പ്ര​വ​ർ​ത്തി​ക്കു​ക. പി​ന്നീ​ട് റൂ​റ​ൽ പൊ​ലീ​സി​ന്‍റെ ഭാ​ഗ​മാ​യി ക​ൺ​ട്രോ​ൾ റൂം ​സ​ജ്ജീ​ക​ര​ണ​ങ്ങ​ൾ മാ​ങ്ങാ​ട്ടു​പ​റ​മ്പി​ൽ ഒ​രു​ക്കാ​ൻ സാ​ധി​ക്കു​മെ​ന്ന്​ അ​ധി​കൃ​ത​ർ അ​റി​യി​ച്ചു.