പ്രതിസന്ധിയിൽ തേക്ക് കൃഷി; തൈകൾ കിട്ടാനില്ല

കോ​ട്ട​യം: തേ​ക്കു​ത​ടി വി​പ​ണി പ​ഴ​യ​പ്ര​താ​പ​ത്തി​ലേ​ക്ക് തി​രി​ച്ചെ​ത്തി​യി​ട്ടും തൈ​ക​ളു​ടെ ല​ഭ്യ​ത​ക്കു​റ​വ് തി​രി​ച്ച​ടി​യാ​കു​ന്നു. കു​റേ​വ​ർ​ഷ​മാ​യി വി​ല​യി​ടി​ഞ്ഞി​രു​ന്ന തേ​ക്ക് ത​ടി വ്യ​വ​സാ​യം ഒ​രു​വ​ർ​ഷ​മാ​യി ത​ടി​വി​ല വ​ർ​ധ​ന​യെ തു​ട​ർ​ന്ന് ലാ​ഭ​ക​ര​മാ​യ നി​ല​യി​ലാ​ണ്. ഇ​തി​നു​പി​ന്നാ​ലെ തേ​ക്ക് കൃ​ഷി​യി​റ​ക്കാ​ൻ ത​യാ​റെ​ടു​ത്ത ക​ർ​ഷ​ക​ർ​ക്ക് തൈ​ക​ൾ ല​ഭ്യ​മ​ല്ലാ​ത്ത​ത് ക​ന​ത്ത തി​രി​ച്ച​ടി​യാ​യി.

നി​ല​മ്പൂ​ർ തേ​ക്കി​നാ​ണ് ഏ​റ്റ​വും കൂ​ടു​ത​ൽ ആ​വ​ശ്യ​ക്കാ​ർ. സാ​ധാ​ര​ണ​യാ​യി ഇ​വ​യു​ടെ തൈ​ക​ളോ വേ​രു​ക​ളോ (സ്റ്റ​മ്പു​ക​ൾ) ആ​ണ് ന​ടു​ന്ന​ത്. വ​നം​വ​കു​പ്പ്​ ന​ഴ്സ​റി​ക​ൾ വ​ഴി​യാ​ണ് ക​ർ​ഷ​ക​ർ​ക്ക് ഇ​വ ല​ഭി​ച്ചി​രു​ന്ന​ത്. എ​ന്നാ​ൽ ഇ​ത്ത​വ​ണ വ​നം​വ​കു​പ്പി​ന് ഇ​ത് ത​യാ​റാ​ക്കാ​ൻ ക​ഴി​യാ​ത്ത​ത്​ പ്ര​തി​സ​ന്ധി​യാ​യി. വി​ല​വ​ർ​ധ​ന പ്ര​തീ​ക്ഷി​ക്കാ​തി​രു​ന്ന​താ​ണ് തൈ​ക​ൾ സം​ഭ​രി​ക്കാ​ൻ വ​നം​വ​കു​പ്പി​ന് ക​ഴി​യാ​തി​രു​ന്ന​ത്. സ്വ​കാ​ര്യ ന​ഴ്​​സ​റി​ക​ളി​ലും തൈ ​സു​ല​ഭ​മ​ല്ല. ഇ​തോ​ടെ ഇ​ത്ത​വ​ണ​ത്തെ മ​ഴ​ക്കാ​ല​ത്ത് തു​ട​ങ്ങേ​ണ്ട തേ​ക്ക് കൃ​ഷി പ്ര​തി​സ​ന്ധി​യി​ലാ​യി. സ​മീ​പ​കാ​ല​ത്തെ​ങ്ങു​മി​ല്ലാ​ത്ത വി​ധം തേ​ക്ക് ത​ടി​ക്ക് വി​ല ഉ​യ​ർ​ന്ന സാ​ഹ​ച​ര്യ​ത്തി​ലാ​ണ് തൈ​ക​ളു​ടെ ല​ഭ്യ​ത​ക്കു​റ​വ്. വ​ട​ക്ക്​-​കി​ഴ​ക്ക​ൻ സം​സ്ഥാ​ന​ങ്ങ​ളി​ല​ട​ക്കം തേ​ക്ക് ത​ടി​ക്ക്​ ആ​വ​ശ്യ​ക്കാ​രേ​റി​യ​താ​ണ് കേ​ര​ള​ത്തി​ൽ വി​ല ഉ​യ​രാ​ൻ കാ​ര​ണം.

മു​മ്പ്​​ ജ​ന​ൽ, വാ​തി​ൽ, ക​ട്ട്​​ള തു​ട​ങ്ങി​യ​വ നി​ർ​മി​ക്കാ​ൻ ത​ടി​യാ​യി​രു​ന്നു വ്യാ​പ​ക​മാ​യി ഉ​പ​യോ​ഗി​ച്ചി​രു​ന്ന​ത്. സ്റ്റീ​ൽ, സി​മ​ന്‍റ്​ റെ​ഡി​മെ​യ്​​ഡ്​ ജ​നാ​ല​യും ക​ത​കു​ക​ളും മ​റ്റും എ​ത്തി​യ​തോ​ടെ ത​ടി ഉ​പ​യോ​ഗം കു​ത്ത​നെ കു​റ​ഞ്ഞു. എ​ന്നാ​ൽ ചൈ​നീ​സ് ഉ​ൽ​പ​ന്ന​ങ്ങ​ളു​ടെ ഗു​ണ​നി​ല​വാ​ര​ത്തി​ൽ പ​രാ​തി​ക​ൾ ഉ​യ​ർ​ന്ന​തോ​ടെ ത​ടി​ക്ക് വീ​ണ്ടും ആ​വ​ശ്യ​ക്കാ​ർ ഏ​റി. കൂ​ടാ​തെ വെ​ട്ടി​യ ത​ടി കൊ​ണ്ടു​പോ​കു​ന്ന​തി​ന് അ​ന്ത​ർ സം​സ്ഥാ​ന നി​കു​തി കേ​ന്ദ്ര സ​ർ​ക്കാ​ർ ഏ​കീ​ക​രി​ച്ച​തും ക​ച്ച​വ​ട​ക്കാ​ർ​ക്ക് സ​ഹാ​യ​ക​മാ​യി. അ​തോ​ടെ തേ​ക്ക് ത​ടി വി​ല​യി​ൽ വ​ൻ വ​ർ​ധ​ന​വു​ണ്ടാ​യി.

മു​ൻ​കാ​ല​ങ്ങ​ളി​ൽ ക്യു​ബി​ക് അ​ടി ക​ണ​ക്കി​ലാ​യി​രു​ന്നു വി​ല​യി​ട്ട് ക​ച്ച​വ​ട​ങ്ങ​ൾ ന​ട​ന്ന​തെ​ങ്കി​ൽ ഇ​പ്പോ​ൾ ട​ൺ​ക​ണ​ക്കി​നും വി​ല ന​ൽ​കു​ന്നു​ണ്ട്. 80 ഇ​ഞ്ചി​ന് മു​ക​ളി​ൽ വ​ണ്ണ​മു​ള്ള ത​ടി​ക​ൾ​ക്ക് ക്യു​ബി​ക്ക് അ​ടി​ക്ക് 12000 രൂ​പ മു​ത​ൽ 13000 രൂ​പ വ​രെ ആ​യി​രു​ന്ന​ത് ഇ​പ്പോ​ൾ 17000 മു​ത​ൽ 20000 രൂ​പ വ​രെ​യാ​യി. 40 ഇ​ഞ്ചി​ന് താ​ഴെ വ​ണ്ണ​മു​ള്ള ത​ടി​ക​ൾ ക​ച്ച​വ​ട​ക്കാ​ർ എ​ടു​ത്തി​രു​ന്ന​ത് വ​ള​രെ വി​ര​ള​മാ​യി​രു​ന്നു. എ​ന്നാ​ൽ ഇ​പ്പോ​ൾ 40 ഇ​ഞ്ചി​ൽ കു​റ​വാ​യ​വ​ക്ക് ട​ണ്ണി​നാ​ണ് വി​ല ന​ൽ​കു​ന്ന​ത്. ഒ​രു ട​ണ്ണി​ന്​ 12000 രൂ​പ വ​രെ ഇ​തി​ന് ന​ൽ​കു​ന്നു​ണ്ട്. ക​ച്ച​വ​ടം ന​ട​ത്താ​നാ​യി ഉ​ത്ത​രേ​ന്ത്യ​യി​ൽ നി​ന്ന​ട​ക്കം ഏ​ജ​ന്‍റു​മാ​രും രം​ഗ​ത്തി​റ​ങ്ങി​യി​ട്ടു​ണ്ട്. ഇ​ത്ത​ര​ത്തി​ൽ ക​ർ​ഷ​ക​ർ​ക്ക് അ​നു​കൂ​ല സാ​ഹ​ച​ര്യ​മാ​ണ്. വ​രും​കാ​ല​ങ്ങ​ളി​ൽ സ​മാ​ന​നി​ല തു​ട​രു​മെ​ന്ന ക​ണ​ക്കു​കൂ​ട്ട​ലി​ലാ​ണ് ക​ർ​ഷ​ക​ർ. ഇ​തേ​തു​ട​ർ​ന്ന് റ​ബ​ർ​കൃ​ഷി ഒ​ഴി​വാ​ക്കി​യ​വ​ർ അ​ട​ക്കം നി​ര​വ​ധി പേ​രാ​ണ് തേ​ക്ക് കൃ​ഷി ചെ​യ്യാ​നൊ​രു​ങ്ങു​ന്ന​ത്. എ​ന്നാ​ൽ ഗു​ണ​നി​ല​വാ​ര​മു​ള്ള തൈ​ക​ളു​ടെ​യും സ്റ്റ​മ്പി​ന്‍റെ​യും ല​ഭ്യ​ത​ക്കു​റ​വ് ഇ​വ​രെ​യെ​ല്ലാം പി​ന്നോ​ട്ടു​വ​ലി​ച്ചു.

മ​ഴ​ക്കാ​ലം തു​ട​ങ്ങു​മ്പോ​ഴാ​ണ് സാ​ധാ​ര​ണ തേ​ക്ക് തൈ​ക​ൾ ന​ടു​ന്ന​ത്. അ​തി​നാ​യി കാ​ത്തി​രു​ന്ന​വ​ർ​ക്കാ​ണ് തി​രി​ച്ച​ടി നേ​രി​ട്ട​ത്. ഈ ​സാ​ഹ​ച​ര്യ​ത്തി​ൽ തൈ​ക​ളും സ്റ്റ​മ്പു​ക​ളും വ​നം വ​കു​പ്പി​ന്‍റെ ന​ഴ്സ​റി​ക​ൾ വ​ഴി വി​ത​ര​ണം ചെ​യ്യ​ണ​മെ​ന്നും തേ​ക്ക് കൃ​ഷി​ക്കു​ണ്ടാ​യി​രു​ന്ന വ​നം​വ​കു​പ്പി​ന്‍റെ സ​ബ്സി​ഡി പ​ദ്ധ​തി പു​നഃ​സ്ഥാ​പി​ക്ക​ണ​മെ​ന്നു​മാ​ണ്​ ക​ർ​ഷ​ക​രു​ടെ ആ​വ​ശ്യം.