കര്മശ്രേഷ്ഠ പുരസ്കാരം സണ്ണി തോമസ് ഏറ്റുവാങ്ങി
text_fields
കര്മശ്രേഷ്ഠ പുരസ്കാരം ട്രിവാന്ഡ്രം സ്പിന്നിങ് മില്സ് ചെയര്മാന് സണ്ണി തോമസ് മന്ത്രി വി.എന്. വാസവനിൽനിന്ന് ഏറ്റുവാങ്ങുന്നു
കോട്ടയം: പൊന്നറ ശ്രീധര് സാംസ്കാരിക സമിതി ഏര്പ്പെടുത്തിയ 2026ലെ കര്മശ്രേഷ്ഠ പുരസ്കാരം ട്രിവാന്ഡ്രം സ്പിന്നിങ് മില്സ് ചെയര്മാന് സണ്ണി തോമസ് മന്ത്രി വി.എന്. വാസവനിൽനിന്ന് ഏറ്റുവാങ്ങി. നഷ്ടത്തില് പ്രവര്ത്തിച്ചിരുന്ന ട്രിവാന്ഡ്രം സ്പിന്നിങ് മില്സിനെ കഴിഞ്ഞ രണ്ടു വര്ഷം തുടര്ച്ചയായി ലാഭത്തില് എത്തിക്കുന്നതിന് ചെയര്മാന് എന്ന നിലയില് നടത്തിയ പ്രവര്ത്തനങ്ങളെ വിലയിരുത്തിയാണ് സണ്ണി തോമസിനെ പുരസ്കാരത്തിനായി തിരഞ്ഞെടുത്തത്.
സാംസ്കാരിക സമിതി പ്രസിഡന്റ് അഡ്വ. കാട്ടാക്കട അനില് അധ്യക്ഷത വഹിച്ചു. മുന്മന്ത്രിമാരായ വി.എസ്. ശിവകുമാര്, ഡോ. എ. നീലലോഹിതദാസ്, ഗാന്ധി സ്മാരക നിധി ചെയര്മാന് ഡോ. എന്. രാധാകൃഷ്ണന് എന്നിവര് മുഖ്യ സന്ദേശം നല്കി. അഡ്വ. ബി. ജയചന്ദ്രന് നായര്, ആഗ്രോ ഇന്ഡസ്ട്രീസ് ചെയര്മാന് വി. കുഞ്ഞാലി, ഡോ. എന്.എം. നായര്, സമിതി കണ്വീനര് ജി. സതീഷ് കുമാര്, സി.സി. റൈസ്റ്റന് പ്രകാശ് എന്നിവര് സംസാരിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.