തുരുത്തി-മുളക്കാന്തുരുത്തി റോഡ് നിര്‍മാണം എസ്.പി.എല്‍ ഇന്‍ഫ്രാ ലിമിറ്റഡ് കമ്പനിക്ക്

ച​ങ്ങ​നാ​ശ്ശേ​രി: തു​രു​ത്തി - മു​ള​ക്കാ​ന്തു​രു​ത്തി - വി​യ​പു​രം - എ​ട​ത്വ - പു​തു​ക്ക​രി -മാ​മ്പു​ഴ​ക്ക​രി - കി​ട​ങ്ങ​റ - കു​ന്നം​ക​രി - കു​മ​ര​ങ്ക​രി - വാ​ല​ടി - റോ​ഡി​ന്‍റെ ടെ​ൻ​ഡ​ര്‍ ന​ട​പ​ടി​ക​ള്‍ പൂ​ര്‍ത്തി​യാ​യി നി​ര്‍മാ​ണ​ചു​മ​ത​ല എ​സ്.​പി.​എ​ല്‍ ഇ​ന്‍ഫ്രാ ലി​മി​റ്റ​ഡ് ക​മ്പ​നി​ക്ക് ല​ഭി​ച്ച​താ​യി അ​ഡ്വ. ജോ​ബ് മൈ​ക്കി​ൾ എം.​എ​ൽ.​എ അ​റി​യി​ച്ചു.

റീ​ബി​ല്‍ഡ് കേ​ര​ള ഇ​നി​ഷ്യേ​റ്റീ​വി​ന്‍റെ നാ​ലാം പാ​ക്കേ​ജി​ല്‍ ഉ​ള്‍പ്പെ​ടു​ത്തി ജ​ര്‍മ്മ​ന്‍ ബാ​ങ്കി​ന്‍റെ ധ​ന​സ​ഹാ​യ​ത്തോ​ടെ കെ.​എ​സ്.​ടി.​പി മു​ഖാ​ന്ത​രം നി​ർ​മി​ക്കു​ന്ന റോ​ഡി​ന്‍റെ ടെ​ൻ​ഡ​ര്‍ ന​ട​പ​ടി​ക​ളാ​ണ് പൂ​ര്‍ത്തീ​ക​രി​ച്ച​ത്. ഭ​ര​ണാ​നു​മ​തി ല​ഭി​ച്ച തു​ക​യി​ല്‍ (156 കോ​ടി) നി​ന്ന് ജി.​എ​സ്.​ടി തു​ക ഒ​ഴി​വാ​ക്കി​യു​ള്ള 107 കോ​ടി രൂ​പ​യു​ടെ ടെ​ൻ​ഡ​റാ​ണ് ക്ഷ​ണി​ച്ച​ത്.

ആ​ധു​നി​ക രീ​തി​യി​ല്‍ ബി.​എം ആ​ൻ​ഡ്​ ബി.​സി നി​ല​വാ​ര​ത്തി​ലാ​ണ്​​ റോ​ഡ് പു​ന​ര്‍നി​ർ​മി​ക്കു​ന്ന​ത്. റോ​ഡി​ന്‍റെ ഇ​രു​വ​ശ​ങ്ങ​ളി​ലും റീ​റ്റെ​യി​നി​ങ്​ വാ​ളു​ക​ള്‍ നി​ർ​മി​ക്കും. ഉ​പ​രി​ത​ലം ബ​ല​പ്പെ​ടു​ത്തു​ന്ന​തി​ന് ജി​യോ​ഗ്രി​ഡ് സം​വി​ധാ​നം, ഭാ​ര​മേ​റി​യ വാ​ഹ​ന​ങ്ങ​ള്‍ ക​ട​ന്നു പോ​കു​മ്പോ​ള്‍ റോ​ഡ് താ​ഴ്ന്നു​പോ​കു​ന്ന അ​വ​സ്ഥ ഉ​ണ്ടാ​കാ​തി​രി​ക്കാ​ന്‍ റോ​ഡ് ബ​ല​പ്പെ​ടു​ത്തു​ന്ന​തി​നാ​യി തെ​ങ്ങി​ന്‍കു​റ്റി​ക​ള്‍ ഉ​പ​യോ​ഗി​ച്ചു​ള്ള കോ​ക്ക​ന​ട്ട് പൈ​ലി​ങ്​ എ​ന്നി​വ​യും പ്ര​വൃ​ത്തി​യി​ല്‍ ഉ​ള്‍പ്പെ​ടു​ത്തി​യി​ട്ടു​ണ്ട്. റോ​ഡി​ല്‍ നി​ല​വി​ലു​ള്ള എ​ല്ലാ ക​ള്‍വ​ര്‍ട്ടു​ക​ളും വീ​തി​കൂ​ട്ടി പു​ന​ർ​നി​ർ​മി​ക്കും. കൃ​ഷി​ക്കാ​ര്‍ക്ക് കൃ​ഷി ഉ​പ​ക​ര​ണ​ങ്ങ​ള്‍ കൊ​ണ്ട് പോ​കാ​ന്‍ സാ​ധി​ക്കു​ന്ന ത​ര​ത്തി​ല്‍ അ​മ്പ​തോ​ളം റാ​മ്പു​ക​ളും നി​ർ​മി​ക്കും.

ച​ങ്ങ​നാ​ശ്ശേ​രി മ​ണ്ഡ​ല​ത്തി​ലൂ​ടെ ക​ട​ന്നു​പോ​കു​ന്ന പ്ര​ധാ​ന റോ​ഡു​ക​ളി​ല്‍ ഒ​ന്നാ​യ തു​രു​ത്തി - മു​ള​ക്കാ​ന്തു​രു​ത്തി റോ​ഡി​ന്‍റെ നി​ർ​മാ​ണം റീ​ബി​ല്‍ഡ് കേ​ര​ള ഇ​ന്‍ഷ്യേ​റ്റീ​വി​ല്‍ ഉ​ള്‍പ്പെ​ടു​ത്തി ഭ​ര​ണാ​നു​മ​തി ന​ല്‍കി നി​ർ​മാ​ണ​പ്ര​വ​ര്‍ത്ത​ന​ങ്ങ​ള്‍ ആ​രം​ഭി​ക്കു​ക​യും ചെ​യ്ത പ്ര​വൃ​ത്തി പൂ​ര്‍ത്തീ​ക​രി​ക്കാ​ന്‍ ക​രാ​ര്‍ ഏ​റ്റെ​ടു​ത്ത ക​മ്പ​നി ത​യ്യാ​റാ​കാ​തെ വ​ന്ന​തോ​ടെ നി​ർ​മാ​ണ​പ്ര​വൃ​ത്തി മു​ട​ങ്ങു​ക​യി​രു​ന്നു.

തു​ട​ര്‍ന്ന് എം.​എ​ല്‍.​എ​യു​ടെ ശ്ര​മ​ഫ​ല​മാ​യി വീ​യ​പു​രം മു​ത​ല്‍ മു​ള​ക്കാം​തു​രു​ത്തി വ​രെ​യു​ള്ള 22കി​ലോ​മീ​റ്റ​ര്‍ റോ​ഡ് ആ​ധു​നി​ക രീ​തി​യി​ല്‍ പു​ന​ര്‍നി​ര്‍മ്മി​ക്കു​ന്ന​തി​ന് പു​തി​യ എ​സ്റ്റി​മേ​റ്റ് ത​യ്യാ​റാ​ക്കി ഭ​ര​ണാ​നു​മ​തി ല​ഭ്യ​മാ​ക്കി. ജ​നു​വ​രി​യി​ൽ ന​ട​പ​ടി​ക​ള്‍ ആ​രം​ഭി​ക്കു​ക​യും സാ​ങ്കേ​തി​ക യോ​ഗ്യ​ത പ​രി​ശോ​ധ​ന പൂ​ര്‍ത്തീ​ക​രി​ച്ച് ജ​ർ​മ​ന്‍ ബാ​ങ്കി​ന്‍റെ അ​നു​മ​തി​യും ല​ഭ്യ​മാ​യ ശേ​ഷം ടെ​ൻ​ഡ​ര്‍ ന​ട​പ​ടി​ക​ള്‍ പൂ​ര്‍ത്തീ​ക​രി​ച്ച് നി​ർ​മാ​ണ ചു​മ​ത​ല എ​സ്.​പി.​എ​ല്‍ ഇ​ന്‍ഫ്രാ ലി​മി​റ്റ​ഡ് ക​മ്പ​നി​ക്ക്​ ന​ൽ​കു​ക​യു​മാ​യി​രു​ന്നു. 18 മാ​സ​ത്തി​നു​ള്ളി​ല്‍ നി​ര്‍മാ​ണ​പ്ര​വ​ര്‍ത്ത​ന​ങ്ങ​ള്‍ പൂ​ര്‍ത്തീ​ക​രി​ക്കു​ന്ന ത​ര​ത്തി​ലാ​ണ് പ്ര​വൃ​ത്തി​ക​ള്‍‍ ക്ര​മീ​ക​രി​ച്ചി​ട്ടു​ള്ള​തെ​ന്ന് എം.​എ​ല്‍.​എ​ അ​റി​യി​ച്ചു.