സാ​മൂ​ഹി​ക വി​രു​ദ്ധ​ർ റോ​ഡി​ൽ ശു​ചി​മു​റി മാ​ലി​ന്യം ത​ള്ളി

ഏറ്റുമാനൂർ: ഏറ്റുമാനൂർ പട്ടിത്താനം മണർകാട് ബൈപാസ് റോഡിൽ സാമൂഹിക വിരുദ്ധർ റോഡിന് നടുവിൽ ടാങ്കർ ലോറിയിലെത്തിച്ച ശുചിമുറി മാലിന്യം തള്ളി.

ഇതേ തുടർന്ന് വാഹനങ്ങൾ കടന്നുപോകുമ്പോൾ റോഡരികിലേക്ക് തെറിച്ച് മാലിന്യം പ്രദേശമാകെ പരന്ന നിലയിലായി. തുടർച്ചയായി ടാങ്കർ ലോറികളിൽ രാത്രിയുടെ മറവിൽ ശുചിമുറി മാലിന്യം തള്ളുന്നത് പതിവായതോടെ ജലജന്യ രോഗം പൊട്ടിപ്പുറപ്പെടുമെന്ന ആശങ്കയിലാണ് ജനം. സംഭവത്തിൽ ശക്തമായ നടപടി വേണമെന്ന് നാട്ടുകാർ ആവശ്യപ്പെട്ടു. സംഭവുമായി ബന്ധപ്പെട്ട് രണ്ടുപേർ പൊലീസ് പിടിയിലായതായി വിവരമുണ്ട്.