മത്തി കിട്ടാനില്ല...

കോ​ട്ട​യം: മ​ല​യാ​ളി​ക​ളു​ടെ പ്രി​യ​പ്പെ​ട്ട മ​ൽ​സ്യ​മാ​യ മ​ത്തി കി​ട്ടാ​നി​ല്ല. കാ​ലാ​വ​സ്ഥാ​വ്യ​തി​യാ​ന​മാ​ണ്​ മ​ത്തി​യു​ടെ ല​ഭ്യ​ത കു​റ​യാ​നി​ട​യാ​ക്കി​യ​ത്. ല​ഭ്യ​ത കു​റ​ഞ്ഞ​തോ​ടെ വ​ലി​യ മ​ത്തി​ക്ക് വി​ല 320-380 നി​ര​ക്കി​ലേ​ക്ക് ഉ​യ​ർ​ന്നു. വി​ല​യി​ൽ അ​ൽ​പം കു​റ​വു​ണ്ടാ​യി​രു​ന്ന ചെ​റി​യ മ​ത്തി​യു​ടെ​യും ല​ഭ്യ​ത കു​റ​ഞ്ഞി​ട്ടു​ണ്ട്. മ​ത്തി ത​ത്​​കാ​ലം ക​ള​മൊ​ഴി​ഞ്ഞ​തോ​ട അ​യ​ല​ക്കും ആ​വോ​ലി​ക്കും ചൂ​ര​ക്കു​മൊ​ക്കെ​യാ​ണ് ഇ​പ്പോ​ള്‍ ഡി​മാ​ന്‍ഡ്. ചെ​റു​വ​ള്ള​ങ്ങ​ള്‍ക്ക് പോ​ലും ഇ​പ്പോ​ള്‍ മ​ത്തി കി​ട്ടാ​നി​ല്ല. കാ​ലാ​വ​സ്ഥ വ്യ​തി​യാ​നം, അ​പ്ര​തീ​ക്ഷി​ത മ​ഴ, അ​ന​ധി​കൃ​ത മ​ല്‍സ്യ​ബ​ന്ധ​നം തു​ട​ങ്ങി​യ​വ​യാ​ണ് മ​ത്തി​യു​ടെ ല​ഭ്യ​ത​യെ ബാ​ധി​ച്ച​ത്.

മം​ഗ​​ളൂ​രു​വി​ല്‍ നി​ന്നും ത​മി​ഴ് നാ​ട്ടി​ല്‍ നി​ന്നു​മാ​ണ് കേ​ര​ള​ത്തി​ലേ​ക്ക് ഇ​പ്പോ​ള്‍ മ​ത്തി​യെ​ത്തു​ന്ന​ത്. ഉ​യ​ർ​ന്ന ചൂ​ട് മ​ത്തി​യു​ടെ വ​ള​ർ​ച്ച മു​ര​ടി​പ്പി​ക്കും. ക​ഴി​ഞ്ഞ​വ​ർ​ഷം പൊ​ടി​മ​ത്തി മാ​ത്രം ല​ഭി​ച്ച​ത് ഇ​ക്കാ​ര​ണ​ത്താ​ലാ​ണ്. വേ​ന​ൽ​ക്കാ​ല​ത്ത്​ ല​ഭി​ക്കു​ന്ന മ​ത്തി​ക്ക് എ​ട്ട്​ സെ​ന്‍റീ​മീ​റ്റ​റി​ൽ താ​ഴെ​യാ​ണ് വ​ലു​പ്പം. അ​തേ​സ​മ​യം, ചൂ​ട്​ കു​റ​വു​ള്ള ത​മി​ഴ്‌​നാ​ട് തീ​ര​ങ്ങ​ളി​ലെ മ​ത്തി, ശ​രാ​ശ​രി 12 സെ​ന്‍റീ​മീ​റ്റ​ർ വ​രെ​യു​ണ്ട്. കേ​ര​ള​ത്തി​ലേ​ക്ക്​ പ​രി​മി​ത​മാ​യ തോ​തി​ൽ ഇ​പ്പോ​ൾ മ​ത്തി കൊ​ണ്ടു​വ​രു​ന്ന​ത് ത​മി​ഴ്‌​നാ​ട്ടി​ൽ നി​ന്നാ​ണ്.

ഭൂ​മി​യി​ൽ മ​ഴ​യു​ടെ​യും ചൂ​ടി​ന്‍റെ​യും കാ​റ്റി​ന്‍റെ​യും ഗ​തി​യും ദി​ശ​യും കാ​ല​വും മാ​റു​ന്ന പ്ര​തി​ഭാ​സ​മാ​യ എ​ൽ​നി​നോ ആ​ണ്​ മ​ത്തി​യു​ടെ ക്ഷാ​മ​ത്തി​ന്​ പ്ര​ധാ​ന​കാ​ര​ണം. നി​ല​വി​ലെ കേ​ര​ള​തീ​ര​ത്തെ കാ​ലാ​വ​സ്ഥ മ​ത്തി​യു​ടെ പ്ര​ജ​ന​ന​ത്തി​ന് അ​നു​യോ​ജ്യ​മ​ല്ല. താ​പ​നി​ല ഉ​യ​രു​ന്ന​തി​നു​സ​രി​ച്ച് മ​ത്തി ഉ​ൾ​ക്ക​ട​ലി​ലേ​ക്ക് വ​ലി​യു​ന്ന​തും ക്ഷാ​മ​ത്തി​ന്​ കാ​ര​ണ​മാ​കു​ക​യാ​ണ്.