ശബരി ഗ്രീന്‍ഫീല്‍ഡ് ഇന്റര്‍നാഷനല്‍ എയര്‍പോര്‍ട്ട്

പൊ​ൻ​കു​ന്നം: ശ​ബ​രി ഗ്രീ​ന്‍ഫീ​ല്‍ഡ് ഇ​ന്റ​ര്‍നാ​ഷ​ന​ല്‍ എ​യ​ര്‍പോ​ര്‍ട്ട് സ്ഥ​ല​മേ​റ്റെ​ടു​ക്ക​ലി​ന്റെ പ്രാ​ഥ​മി​ക ന​ട​പ​ടി​ക​ള്‍ അ​ന്തി​മ​ഘ​ട്ട​ത്തി​ലാ​യെ​ന്ന് ചീ​ഫ് വി​പ്പ് ഡോ. ​എ​ന്‍. ജ​യ​രാ​ജ്.

ചെ​റു​വ​ള്ളി എ​സ്റ്റേ​റ്റും കാ​ഞ്ഞി​ര​പ്പ​ള്ളി നി​യോ​ജ​ക​മ​ണ്ഡ​ല​ത്തി​ലെ മ​ണി​മ​ല പ​ഞ്ചാ​യ​ത്തി​ലെ സ​മീ​പ​പ്ര​ദേ​ശ​ങ്ങ​ളും ഉ​ള്‍പ്പെ​ടെ 2570 ഏ​ക്ക​ര്‍ സ്ഥ​ല​മാ​ണ് എ​യ​ര്‍പോ​ര്‍ട്ടി​നാ​യി ഏ​റ്റെ​ടു​ക്കു​ന്ന​ത്. പ്രാ​ഥ​മി​ക ന​ട​പ​ടി​യാ​യ സാ​മൂ​ഹി​കാ​ഘാ​ത പ​ഠ​നം ന​ട​ത്തി സ​മ​ര്‍പ്പി​ച്ച റി​പ്പോ​ര്‍ട്ട് സ​ര്‍ക്കാ​ര്‍ അം​ഗീ​ക​രി​ച്ചി​രു​ന്നു. അ​ടു​ത്ത ഘ​ട്ട​മാ​യി ഏ​റ്റെ​ടു​ക്കു​ന്ന സ്ഥ​ലം ഉ​ട​മ​ക​ളെ നേ​രി​ല്‍ കേ​ള്‍ക്കു​ന്ന ന​ട​പ​ടി​യാ​ണ് ഇ​നി​യു​ള്ള​ത്. പു​ന​ര​ധി​വാ​സ പാ​ക്കേ​ജ് അ​ട​ക്കം ഏ​റ്റ​വും മെ​ച്ച​പ്പെ​ട്ട ന​ഷ്ട​പ​രി​ഹാ​രം ല​ഭ്യ​മാ​ക്കാ​ൻ ഈ ​കൂ​ടി​ക്കാ​ഴ്ച​യി​ലൂ​ടെ ല​ഭി​ക്കു​ന്ന ശി​പാ​ര്‍ശ​ക​ള്‍ അ​ധി​ക​മാ​യി പ​രി​ഗ​ണി​ക്കും.

കു​മ​ര​ക​വും വാ​ഗ​മ​ണ്ണും തേ​ക്ക​ടി​യും ഉ​ള്‍പ്പെ​ടെ മ​ധ്യ​കേ​ര​ള​ത്തി​ലെ പ്ര​ധാ​ന​പ്പെ​ട്ട ടൂ​റി​സം കേ​ന്ദ്ര​ങ്ങ​ളി​ലേ​ക്കും കാ​ഞ്ഞി​ര​പ്പ​ള്ളി നി​യോ​ജ​ക​മ​ണ്ഡ​ല​ത്തി​ലെ ക​ങ്ങ​ഴ​യി​ല്‍ അ​നു​മ​തി​യാ​യ അ​ന്താ​രാ​ഷ്ട്ര സാം​സ്‌​കാ​രി​ക കേ​ന്ദ്ര​ത്തി​ലേ​ക്കും എ​ത്തു​ന്ന ആ​ഭ്യ​ന്ത​ര- വി​ദേ​ശ ടൂ​റി​സ്റ്റു​ക​ള്‍ക്ക് ഈ ​എ​യ​ര്‍പോ​ര്‍ട്ടി​ലൂ​ടെ എ​ളു​പ്പ​ത്തി​ല്‍ എ​ത്താ​ന്‍ ക​ഴി​യും.

എ​യ​ര്‍പോ​ര്‍ട്ടി​ന് ഏ​റ്റെ​ടു​ക്കു​ന്ന ഭൂ​മി അ​ള​വി​ല്‍ കൂ​ടു​ത​ലാ​ണെ​ങ്കി​ലും അ​വ ഉ​ള്‍പ്പെ​ട്ടി​രി​ക്കു​ന്ന​ത് ചു​രു​ക്കം സ​ര്‍വേ ന​മ്പ​റു​ക​ളി​ല്‍ മാ​ത്ര​മാ​യ​തി​നാ​ല്‍ ന​ഷ്ട​പ​രി​ഹാ​ര പാ​ക്കേ​ജ് ത​യാ​റാ​ക്കു​ന്ന ന​ട​പ​ടി​ക​ള്‍ വേ​ഗ​ത്തി​ല്‍ പൂ​ര്‍ത്തി​യാ​കും. നി​ര്‍ദി​ഷ്ട വി​മാ​ന​ത്താ​വ​ള​ത്തി​ന് കേ​ന്ദ്ര വ്യോ​മ​യാ​ന മ​ന്ത്രാ​ല​യം നി​ർ​ദേ​ശി​ച്ച മാ​റ്റ​ങ്ങ​ള്‍കൂ​ടി ഉ​ള്‍പ്പെ​ടു​ത്തി​യ വി​ശ​ദ പ്രോ​ജ​ക്ട് റി​പ്പോ​ര്‍ട്ട് ത​യാ​റാ​ക്കി​യി​രി​ക്കു​ന്ന​തി​നാ​ല്‍ അ​ന്തി​മ അ​നു​മ​തി വേ​ഗം ല​ഭി​ക്കു​മെ​ന്നാ​ണ് പ്ര​തീ​ക്ഷി​ക്കു​ന്ന​തെ​ന്നും ചീ​ഫ് വി​പ്പ് അ​റി​യി​ച്ചു.