മോഷണശ്രമം: ഒരാൾ അറസ്റ്റിൽ

കുറവിലങ്ങാട്: വീട്ടിൽ അതിക്രമിച്ചു കയറി മോഷണം നടത്താൻ ശ്രമിച്ചയാളെ കുറവിലങ്ങാട് പൊലീസ് അറസ്റ്റ് ചെയ്തു. എറണാകുളം നാമക്കുഴി സ്കൂൾ ഭാഗത്ത് മേൽക്കണ്ണായി വീട്ടിൽ ജോയ് വർഗീസാണ് (56) പിടിയിലായത്. കഴിഞ്ഞ ദിവസം രാത്രി കുറവിലങ്ങാട് കോഴ ഭാഗത്തെ വീട്ടിലാണ് മോഷണശ്രമം നടത്തിയത്.

ഇതിനിടയിൽ വീട്ടുകാർ അറിയിച്ചതനുസരിച്ച് കുറവിലങ്ങാട് പൊലീസ് എത്തി ഇയാളെ പിടികൂടുകയായിരുന്നു. ഇയാൾക്കെതിരെ കൂത്താട്ടുകുളം സ്റ്റേഷനിൽ മോഷണക്കേസും തിടനാട് സ്റ്റേഷനിൽ പോക്സോ കേസും നിലവിലുണ്ടെന്ന് പൊലീസ് പറഞ്ഞു.