ആനക്കൽ കൃഷിഭവനിൽ മോഷണശ്രമം

കാ​ഞ്ഞി​ര​പ്പ​ള്ളി: കെ.​ഇ റോ​ഡി​ൽ ആ​ന​ക്ക​ല്ലി​ലു​ള്ള കൃ​ഷി​ഭ​വ​ൻ, അ​സി.​ഡ​യ​റ​ക്ട​ർ ഓ​ഫ് അ​ഗ്രി​ക​ൾ​ച​ർ, ആ​ത്മ ട്രെ​യി​നി​ങ്​ സെ​ന്‍റ​ർ എ​ന്നീ ഓ​ഫി​സു​ക​ൾ പ്ര​വ​ർ​ത്തി​ക്കു​ന്ന കെ​ട്ടി​ട​ത്തി​ൽ മോ​ഷ​ണ​ശ്ര​മം. മൂ​ന്ന് ഓ​ഫി​സു​ക​ളു​ടെ​യും വാ​തി​ലു​ക​ളു​ടെ താ​ഴു​ക​ൾ ത​ക​ർ​ത്താ​ണ് മോ​ഷ്ടാ​വ് അ​ക​ത്ത് ക​ട​ന്ന​ത്. കൃ​ഷി​ഭ​വ​ൻ, അ​സി.​ഡ​യ​റ​ക്ട​ർ ഓ​ഫ് അ​ഗ്രി​ക​ൾ​ച​ർ എ​ന്നീ ഓ​ഫി​സു​ക​ളി​ൽ മോ​ഷ​ണ​ശ്ര​മ​ത്തി​നി​ടെ ഫ​യ​ലു​ക​ൾ വാ​രി​വ​ലി​ച്ചി​ട്ട നി​ല​യി​ലാ​ണ്.

ആ​ത്മ ട്രെ​യി​നി​ങ്​ സെ​ന്‍റ​റി​ലെ അ​ല​മാ​ര​യി​ൽ സൂ​ക്ഷി​ച്ചി​രു​ന്ന ലാ​പ്ടോ​പ്പു​ക​ൾ, കാ​മ​റ, പ്രൊ​ജ​ക്ട​റു​ക​ൾ എ​ന്നി​വ​യും നി​ല​ത്തേ​ക്ക് വ​ലി​ച്ചി​ട്ട നി​ല​യി​ൽ ക​ണ്ടെ​ത്തി. മൂ​ന്ന് ഓ​ഫി​സു​ക​ളി​ൽ ഒ​ന്നി​ലും വി​ല​പി​ടി​പ്പു​ള്ള​വ ഒ​ന്നും ന​ഷ്ട​പ്പെ​ട്ടി​ട്ടി​ല്ല. മൊ​ബൈ​ൽ ഫോ​ണു​ക​ൾ, ക​മ്പ്യൂ​ട്ട​റു​ക​ൾ എ​ന്നി​വ അ​ട​ക്കം ഉ​ണ്ടാ​യി​രു​ന്നെ​ങ്കി​ലും ഇ​വ​യും മോ​ഷ്ടി​ക്ക​പ്പെ​ട്ടി​ട്ടി​ല്ല. ഫ​യ​ലു​ക​ൾ എ​ന്തെ​ങ്കി​ലും ന​ഷ്ട​പ്പെ​ട്ടി​ട്ടു​ണ്ടോ എ​ന്ന് വി​ശ​ദ​മാ​യ അ​ന്വേ​ഷ​ണ​ത്തി​ലെ വ്യ​ക്ത​മാ​കൂ. മു​റ്റ​ത്തു​നി​ന്ന് മോ​ഷ്ടാ​വ് ഉ​പേ​ക്ഷി​ച്ചെ​ന്ന് ക​രു​തു​ന്ന കൈ​യു​റ​ക​ൾ ക​ണ്ടെ​ത്തി. ക​ഴി​ഞ്ഞ വ്യാ​ഴാ​ഴ്ച വൈ​കീ​ട്ട് അ​ട​ച്ച ഓ​ഫി​സു​ക​ൾ മൂ​ന്ന് ദി​വ​സ​ത്തെ അ​വ​ധി​ക്ക് ശേ​ഷം തി​ങ്ക​ളാ​ഴ്ച രാ​വി​ലെ ഒ​മ്പ​തോ​ടെ തു​റ​ക്കാ​നെ​ത്തി​യ​പ്പോ​ഴാ​ണ് മോ​ഷ​ണ​വി​വ​രം അ​റി​യു​ന്ന​ത്. കാ​ഞ്ഞി​ര​പ്പ​ള്ളി എ​സ്.​എ​ച്ച്.​ഒ ഷി​ന്‍റോ പി. ​കു​ര്യ​ന്‍റെ നേ​തൃ​ത്വ​ത്തി​ലെ​ത്തി​യ സം​ഘം സ്ഥ​ല​ത്ത് പ​രി​ശോ​ധ​ന ന​ട​ത്തി. ഉ​ദ്യോ​ഗ​സ്ഥ​രു​ടെ പ​രാ​തി​യു​ടെ അ​ടി​സ്ഥാ​ന​ത്തി​ൽ കേ​സെ​ടു​ത്ത പൊ​ലീ​സ് അ​ന്വേ​ഷ​ണം ആ​രം​ഭി​ച്ചു. വി​ര​ല​ട​യാ​ള വി​ദ​ഗ്ധ​രും ഡോ​ഗ് സ്ക്വാ​ഡും തെ​ളി​വു​ക​ൾ ശേ​ഖ​രി​ച്ചി​ട്ടു​ണ്ട്.