റോഡ്​ കുഴിച്ച്​ കുളമാക്കി; ജൽ ജീവൻ മിഷന്‍റെ ക്രൂരതയിൽ വലഞ്ഞ്​​ ജനം

കോ​ട്ട​യം: പൈ​പ്പ്​ സ്ഥാ​പി​ക്കാ​ൻ കു​ഴി​ച്ച റോ​ഡ്​ ര​ണ്ടു​വ​ർ​ഷം പി​ന്നി​ട്ടി​ട്ടും പു​ന​ർ​നി​ർ​മി​ക്കാ​തെ ജ​ൽ ജീ​വ​ൻ മി​ഷ​ന്‍റെ ക്രൂ​ര​ത. പ​ന​ച്ചി​ക്കാ​ട്​ പ​ഞ്ചാ​യ​ത്തി​ന്‍റെ ഒ​ന്ന്, 23 വാ​ർ​ഡു​ക​ളി​ൽ​പെ​ട്ട പ​ഞ്ചാ​യ​ത്ത്​ റോ​ഡു​ക​ൾ ത​ക​ർ​ന്നി​ട്ട്​ വ​ർ​ഷ​ങ്ങ​ളാ​യി.

കു​ന്നം​പ​ള്ളി, ഏ​ദ​ൻ​തോ​ട്ടം പു​ള്ളി​യി​ൽ റോ​ഡ്, ത​കി​ടി​യി​ൽ കാ​ലാ​യി​ൽ റോ​ഡ്, ശാ​സ്താം​കു​ന്ന്, ക​ള​ത്തി​ക്ക​ട​വ്​ ബ​ണ്ട്​ റോ​ഡ്, മൂ​ല​വ​ട്ടം, ദി​വാ​ൻ​ക​വ​ല തു​ട​ങ്ങി​യ​ പ്ര​ദേ​ശ​ങ്ങ​ളി​ലെ ഉ​ൾ​റോ​ഡു​ക​ളെ ആ​ശ്ര​യി​ക്കു​ന്ന നി​ര​വ​ധി കു​ടും​ബ​ങ്ങ​ളാ​ണ്​ യാ​ത്രാ​ദു​രി​ത​ത്താ​ൽ വ​ല​യു​ന്ന​ത്. ഈ ​റോ​ഡു​ക​ളി​ൽ കാ​ൽ​ന​ട​പോ​ലും ദു​സ്സ​ഹ​മാ​ണ്. അ​സു​ഖ​ബാ​ധി​ത​രെ ആ​ശു​പ​ത്രി​യി​ൽ എ​ത്തി​ക്കാ​ൻ ഓ​ട്ടോ​റി​ക്ഷ വി​ളി​ച്ചാ​ൽ​പോ​ലും വാ​രാ​റി​ല്ലെ​ന്ന്​ പ്ര​ദേ​ശ​വാ​സി​ക​ൾ പ​രാ​തി​പ്പെ​ടു​ക​യാ​ണ്.

അ​ഞ്ച​ടി​പോ​ലും വീ​തി​യി​ല്ലാ​ത്ത റോ​ഡി​ന്​ മു​ക്കാ​ൽ ഭാ​ഗ​വും ത​ക​ർ​ന്നു​കി​ട​ക്കു​ക​യാ​ണ്. മ​ഴ​വെ​ള്ളം ഒ​ഴു​കി റോ​ഡി​ന്‍റെ ബാ​ക്കി ഭാ​ഗ​ത്തും കു​ഴി രൂ​പ​പ്പെ​ട്ടു. പൈ​പ്പി​ടാ​ൻ കു​ഴി​ച്ച ഭാ​ഗ​ത്തെ കു​ഴി​ക​ൾ വേ​ണ്ട രീ​തി​യി​ൽ പു​ന​ർ​നി​ർ​മി​ക്കാ​തെ മെ​റ്റ​ലും മ​ണ്ണും ഉ​പ​യോ​ഗി​ച്ചാ​ണ്​ അ​ട​ച്ച​ത്. മ​ഴ പെ​യ്ത​തോ​ടെ മ​ണ്ണും മെ​റ്റ​ലും മാ​റി വ​ലി​യ കു​ഴി​ക​ൾ രൂ​പ​പ്പെ​ട്ട നി​ല​യി​ലാ​ണ്. ന​ഗ​ര​ത്തി​ലെ പ്ര​ധാ​ന റോ​ഡി​ലേ​ക്ക്​ ബ​ന്ധി​പ്പി​ക്കു​ന്ന വി​വി​ധ ഗ്രാ​മീ​ണ റോ​ഡു​ക​ളാ​ണ്​ ഇ​ത്ത​ര​ത്തി​ൽ ത​ക​ർ​ന്നു​കി​ട​ക്കു​ന്ന​ത്.

റോ​ഡു​ക​ൾ കു​ള​മാ​ക്കി​യ ജ​ൽ ജീ​വ​ൻ മി​ഷ​ൻ അ​ധി​കൃ​ത​ർ പ​ക്ഷേ, പി.​ഡ​ബ്ല്യു.​ഡി റോ​ഡു​ക​ളെ തൊ​ടാ​ൻ​പോ​ലും ത​യാ​റാ​കു​ന്നി​ല്ലെ​ന്ന്​ ജ​ന​പ്ര​തി​നി​ധി​ക​ൾ പ​റ​യു​ന്നു. കൊ​ല്ലാ​ട്​ വാ​ട്ട​ർ ടാ​ങ്കി​ൽ​നി​ന്നാ​ണ്​ പ്ര​ദേ​ശ​ങ്ങ​ളി​ലേ​ക്ക്​ വെ​ള്ളം എ​ത്തി​ച്ചു​കൊ​ണ്ടി​രി​ക്കു​ന്ന​ത്. 100 കു​ടും​ബ​ങ്ങ​ൾ​ക്ക്​ വെ​ള്ള​മെ​ത്തി​ക്കേ​ണ്ടി​ട​ത്തു​നി​ന്ന്​ 800ഓ​ളം കു​ടും​ബ​ങ്ങ​ൾ​ക്കാ​ണ്​ നി​ല​വി​ൽ വെ​ള്ളം എ​ത്തി​ക്കു​ന്ന​ത്. ഇ​തോ​ടെ പ്ര​ദേ​ശ​ത്തെ ജ​ല​വി​ത​ര​ണ​വും ബു​ദ്ധി​മു​ട്ടി​ലാ​ണ്. ജ​ൽ ജീ​വ​ൻ മി​ഷ​ന്‍റെ ‘100 ശ​ത​മാ​നം ജ​ല​വി​ത​ര​ണം’ എ​ന്ന വാ​ഗ്ദാ​ന​മാ​ണ്​ ഇ​തോ​ടെ പൊ​ളി​ഞ്ഞ​ത്.

തു​ട​ക്ക​ത്തി​ൽ സൗ​ജ​ന്യ​മാ​യി​രു​ന്നെ​ങ്കി​ലും ഇ​പ്പോ​ൾ 140 രൂ​പ നി​ര​ക്ക്​ വ​കു​പ്പ്​ ഈ​ടാ​ക്കു​ന്നു​ണ്ട്. ഉ​യ​ർ​ന്ന പ്ര​ദേ​ശ​ങ്ങ​ളി​ലെ കു​ടും​ബ​ങ്ങ​ൾ​ക്ക്​ വെ​ള്ളം ഇ​പ്പോ​ഴും കി​ട്ടാ​ക്ക​നി​യാ​ണ്. ആ​ഴ്ച​യി​ലൊ​രി​ക്ക​ലു​ള്ള ജ​ല​വി​ത​ര​ണം ത​ട​സ്സ​പ്പെ​ടു​ന്ന​താ​യും ആ​ക്ഷേ​പ​മു​ണ്ട്. പ​ദ്ധ​തി പൂ​ർ​ത്തി​യാ​ക്കി​യ കു​ന്നം​പ​ള്ളി​യി​ൽ 200ഓ​ളം വീ​ടു​ക​ൾ​ക്ക്​ ഇ​പ്പോ​ഴും ജ​ല​വി​ത​ര​ണം പൂ​ർ​ത്തി​യാ​യി​ട്ടി​ല്ല. മി​ക്ക ​പ്ര​ദേ​ശ​ങ്ങ​ളി​ലും പ​ണി പ​കു​തി​ക്ക്​ നി​ർ​ത്തി​യ നി​ല​യി​ലാ​ണ്.

പ​ഞ്ചാ​യ​ത്ത്​ ക​രാ​ർ വെ​ച്ചി​രി​ക്കു​ന്ന​ത്​ ജ​ല അ​തോ​റി​റ്റി​യു​മാ​യാ​ണ്. പ​ന​ച്ചി​ക്കാ​ട്​ ഒ​ന്നാം വാ​ർ​ഡി​ൽ 50 ശ​ത​മാ​നം മാ​ത്ര​മാ​ണ്​ പ​ദ്ധ​തി പൂ​ർ​ത്തി​യാ​യ​ത്. പൈ​പ്പു​ക​ളി​ൽ ചേ​ർ​ച്ച​യോ വെ​ള്ളം കി​ട്ടാ​ത്ത​തു​മാ​യ പ​രാ​തി​ക​ൾ അ​റി​യി​ച്ചാ​ലും അ​ധി​കൃ​ത​രി​ൽ​നി​ന്ന്​ ‘ഒ.​കെ’ എ​ന്ന മ​റു​പ​ടി ല​ഭി​ക്കു​ന്ന​ത​ല്ലാ​തെ പ​രി​ഹാ​രം കാ​ണു​ന്നി​ല്ലെ​ന്നാ​ണ്​ ജ​ന​പ്ര​തി​നി​ധി​ക​ളു​ടെ ആ​ക്ഷേ​പം.

പ​ഞ്ചാ​യ​ത്ത് ​പ്ര​സി​ഡ​ന്‍റും സ്ഥി​രം​സ​മി​തി അ​ധ്യ​ക്ഷ​രും തി​രു​വ​ന​ന്ത​പു​ര​ത്തേ​ക്ക്​ പ​ല​ത​വ​ണ പ​രാ​തി​യു​മാ​യി ജ​ൽ ജീ​വ​ൻ മി​ഷ​ന്‍റെ ഓ​ഫി​സി​നെ സ​മീ​പി​ച്ചെ​ങ്കി​ലും സ​ർ​ക്കാ​ർ ഫ​ണ്ട്​ ല​ഭി​ക്കാ​തെ റോ​ഡി​ന്‍റെ അ​റ്റ​കു​റ്റ​പ്പ​ണി​ക​ൾ സാ​ധ്യ​​മ​ല്ലെ​ന്ന നി​ല​പാ​ടി​ലാ​ണ്​ വ​കു​പ്പ്. ജ​ൽ ജീ​വ​ൻ മി​ഷ​ന്‍റെ ക്രൂ​ര വി​നോ​ദ​ത്തി​ൽ വെ​ള്ളം കി​ട്ടാ​തെ​യും സു​ഗ​മ​മാ​യ യാ​ത്ര നി​ഷേ​ധി​ച്ചും വ​ല​യു​ന്ന​ത്​ നൂ​റി​ല​ധി​കം കു​ടും​ബ​ങ്ങ​ളാ​ണ്.