ലാഭം ചോരുന്നു; അരി വിലയിൽ കിതച്ച്​ ജനകീയ ഹോട്ടലുകൾ

കോ​ട്ട​യം: അ​രി വി​ല​യി​ലെ കു​തി​പ്പി​ൽ കി​ത​ച്ച്​ ജ​ന​കീ​യ ഹോ​ട്ട​ലു​ക​ളും വീ​ട്ടി​ല്‍ ഊ​ണ് ഭ​ക്ഷ​ണ​സ്ഥാ​പ​ന​ങ്ങ​ളും.

കോ​വി​ഡു​കാ​ല ദു​രി​ത​ത്തി​നു​ശേ​ഷം സ​ജീ​വ​മാ​യി വ​രു​ന്ന​തി​നി​ടെ​യാ​ണ്​ ഇ​വ​ർ​ക്ക്​ അ​രി വി​ല പ്ര​തി​സ​ന്ധി തീ​ര്‍ക്കു​ന്ന​ത്. പ​ദ്ധ​തി തു​ട​ങ്ങി​യ​പ്പോ​ള്‍ നി​ശ്ച​യി​ച്ച 20 രൂ​പ ത​ന്നെ​യാ​ണ്​ ഇ​പ്പോ​ഴും ജ​ന​കീ​യ ഹോ​ട്ട​ലു​ക​ളി​ല്‍ ഊ​ണി​ന്​ ഈ​ടാ​ക്കു​ന്ന​ത്. എ​ന്നാ​ല്‍, അ​തി​നു​ശേ​ഷം അ​രി​യു​ടെ​യും പ​ച്ച​ക്ക​റി​യു​ടെ​യും വി​ല പ​ല​ത​വ​ണ വ​ര്‍ധി​ച്ച​താ​യി ഇ​വ​ർ ചൂ​ണ്ടി​ക്കാ​ട്ടു​ന്നു.

20 രൂ​പ​ക്ക്​ ഊ​ണ് ന​ല്‍കു​മ്പോ​ള്‍ 10 രൂ​പ സ​ബ്‌​സി​ഡി ല​ഭി​ക്കു​മാ​യി​രു​ന്നു. മീ​ൻ അ​ട​ക്കം സ്‌​പെ​ഷ​ല്‍ വി​ഭ​വ​ങ്ങ​ളി​ല്‍നി​ന്നു​ള്ള ലാ​ഭം കൂ​ടി​യാ​കു​മ്പോ​ള്‍ കാ​ര്യ​ങ്ങ​ള്‍ സു​ഗ​മ​മാ​യി പോ​യി​രു​ന്നു. എ​ന്നാ​ല്‍, അ​രി വി​ല കു​തി​ച്ച​തോ​ടെ ലാ​ഭ​മൊ​ക്കെ അ​തു​വ​ഴി പോ​കു​ക​യാ​ണെ​ന്നു മി​ക്ക ജ​ന​കീ​യ ഹോ​ട്ട​ലു​ക​ളു​ടെ​യും ന​ട​ത്തി​പ്പു​കാ​രാ​യ കു​ടും​ബ​ശ്രീ പ്ര​വ​ര്‍ത്ത​ക​ര്‍ പ​റ​യു​ന്നു. അ​രി​വി​ല 55​ ക​ട​ന്ന​തോ​ടെ കൈ​യി​ൽ​നി​ന്ന്​ പ​ണം ക​ണ്ടെ​ത്തേ​ണ്ട സ്ഥി​തി​യാ​ണെ​ന്ന്​ ഇ​വ​ർ പ​റ​യു​ന്നു.

മാ​വേ​ലി സ്‌​റ്റോ​റി​ല്‍നി​ന്ന്​ കു​റ​ഞ്ഞ വി​ല​യ്​​ക്ക്​ ല​ഭി​ക്കു​ന്ന അ​രി ഉ​പ​യോ​ഗി​ക്കു​ന്ന ഭ​ക്ഷ​ണ​ശാ​ല​ക​ൾ​ക്കൊ​പ്പം കൂ​ടി​യ വി​ല​യ്​​ക്ക്​ ജ​യ അ​രി വാ​ങ്ങി ഉ​പ​യോ​ഗി​ക്കു​ന്ന​വ​രു​മു​ണ്ട്. പ​തി​വാ​യി എ​ത്തു​ന്ന പ​ല​ര്‍ക്കും ജ​യ അ​രി​യോ​ടാ​ണ് താ​ൽ​പ​ര്യ​മെ​ന്ന​തി​നാ​ല്‍ ക​ച്ച​വ​ടം ന​ഷ്ട​മാ​കാ​തി​രി​ക്കാ​നാ​ണ്​ ഈ ​അ​രി ഉ​പ​​യോ​ഗി​ക്കു​ന്ന​ത്. ഇ​വ​ർ​ക്ക്​ വി​ല വ​ർ​ധ​ന വ​ൻ​തി​രി​ച്ച​ടി​യാ​ണ്. അ​രി​ക്ക്​ ത​ന്നെ വ​ലി​യൊ​രു തു​ക ക​െ​ണ്ട​ത്തേ​ണ്ട സ്ഥി​തി​യാ​ണെ​ന്ന്​ സ്ഥാ​പ​ന ന​ട​ത്തി​പ്പു​കാ​ർ പ​റ​യു​ന്നു.

പാ​ച​ക വാ​ത​ക വി​ല​യി​ലെ വ​ർ​ധ​ന​യും ജ​ന​കീ​യ ഹോ​ട്ട​ലു​ക​ള്‍ക്ക് തി​രി​ച്ച​ടി​യാ​ണ്. സ​ജീ​വ​മാ​യി പ്ര​വ​ര്‍ത്തി​ക്കു​ന്ന ഹോ​ട്ട​ലു​ക​ള്‍ക്ക് ര​ണ്ടു സി​ലി​ണ്ട​ർ ഒ​രാ​ഴ്ച തി​ക​യി​ല്ല.

ജ​ന​കീ​യ ഹോ​ട്ട​ലു​ക​ള്‍ക്കു​ള്ള സ​ബ്‌​സി​ഡി യ​ഥാ​സ​മ​യം കി​ട്ടാ​ത്ത​തും ന​ട​ത്തി​പ്പു​കാ​രെ വ​ല​ക്കു​ന്നു​ണ്ട്. മ​റ്റു വ​രു​മാ​ന മാ​ര്‍ഗ​ങ്ങ​ളൊ​ന്നു​മി​ല്ലാ​ത്ത കു​ടും​ബ​ശ്രീ അം​ഗ​ങ്ങ​ള്‍ വീ​ട്ടി​ലെ ആ​വ​ശ്യ​ങ്ങ​ള്‍പോ​ലും മാ​റ്റി​വെ​ച്ചാ​ണ് ഹോ​ട്ട​ലി​ലേ​ക്ക് സാ​ധ​ന​ങ്ങ​ള്‍ വാ​ങ്ങു​ന്ന​ത്. മാ​സ​ങ്ങ​ളാ​യി സ​ബ്‌​സി​ഡി ല​ഭി​ക്കാ​ത്ത ഹോ​ട്ട​ലു​ക​ളു​ണ്ട്.

ഇ​തോ​ടെ, പ​ച്ച​ക്ക​റി​യും തേ​ങ്ങ​യും മ​റ്റും വീ​ട്ടി​ല്‍ നി​ന്നു കൊ​ണ്ടു​വ​ന്ന് വി​ഭ​വ​ങ്ങ​ളു​ണ്ടാ​ക്കു​ന്ന ഹോ​ട്ട​ലു​ക​ളു​മു​ണ്ട്. സ​പ്ലൈ​കോ വി​ൽ​പ​ന​കേ​ന്ദ്ര​ങ്ങ​ളി​ൽ സ​ബ്​​സി​ഡി ഉ​ൽ​പ​ന്ന​ങ്ങ​ൾ​ക്ക്​ ക്ഷാ​മം നേ​രി​ടു​ന്ന​തും ഇ​വ​ർ​ക്ക്​ ബു​ദ്ധി​മു​ട്ട്​ സൃ​ഷ്ടി​ക്കു​ന്നു​ണ്ട്. വെ​ളി​​ച്ചെ​ണ്ണ അ​ട​ക്കം അ​വ​ശ്യ​വ​സ്തു​ക്ക​ൾ ല​ഭി​ക്കു​ന്നി​ല്ലെ​ന്നും പ​രാ​തി​യു​ണ്ട്.

ജി​ല്ല​യി​ലെ നി​ര​വ​ധി കു​ടും​ബ​ങ്ങ​ളു​ടെ വ​രു​മാ​ന​മാ​ര്‍ഗ​മാ​യ വീ​ടു​ക​ളോ​ട് ചേ​ര്‍ന്ന്​ ഊ​ണ് ന​ൽ​കു​ന്ന​വ​രു​ടെ​യും ന​ട്ടെ​ല്ല് ത​ക​ര്‍ത്തി​രി​ക്കു​ക​യാ​ണ് അ​രി വി​ല. വി​ല കൂ​ട്ടാ​നും വ​യ്യ സം​രം​ഭം നി​ര്‍ത്താ​നും ക​ഴി​യാ​ത്ത അ​വ​സ്ഥ​യി​ലാ​ണ് പ​ല​രും. മി​ക്ക ഊ​ണ് കേ​ന്ദ്ര​ങ്ങ​ളി​ലും സ്ഥി​ര​മെ​ത്തു​ന്ന​വ​രാ​ണ് ഏ​റെ​യും.

രു​ചി, ഗു​ണം എ​ന്നി​വ​യെ അ​ടി​സ്ഥാ​ന​മാ​ക്കി​യാ​ണ് ഇ​ത്ത​രം കേ​ന്ദ്ര​ങ്ങ​ള്‍ ഏ​റെ പേ​രും തെ​ര​ഞ്ഞെ​ടു​ക്കു​ന്ന​ത്.

മി​ത​മാ​യ വി​ല​യും ഇ​വ​രെ ഇ​ത്ത​രം കേ​ന്ദ്ര​ങ്ങ​ളി​ലേ​ക്ക്​ ആ​ക​ർ​ഷി​ക്കു​ന്നു. അ​തി​നാ​ൽ വി​ല വ​ർ​ധി​പ്പി​ച്ചാ​ൽ ക​ച്ച​വ​ടം നി​ല​ക്കു​മോ​യെ​ന്ന ഭ​യ​വും ഇ​ത്ത​രം സ്ഥാ​പ​ന ന​ട​ത്തി​പ്പു​കാ​ർ​ക്കു​ണ്ട്.