കേരള കോൺഗ്രസ് ഉറച്ചുനിന്നു; കിട്ടി

കോ​ട്ട​യം: രാ​ജ്യ​സ​ഭ സീ​റ്റ് വി​ഷ​യ​ത്തി​ൽ വി​ട്ടു​വീ​ഴ്ച വേ​ണ്ടെ​ന്ന നി​ല​പാ​ടി​ലു​റ​ച്ചു​നി​ന്ന​ത്​​ കേ​ര​ള കോ​ൺ​ഗ്ര​സ്​ എ​മ്മി​ന്​ നേ​ട്ട​മാ​യി. മ​റ്റ്​ മു​ന്ന​ണി​ക​ളി​ൽ നി​ന്നു​ള്ള ക്ഷ​ണം ഇ​ട​തു​മു​ന്ന​ണി​യെ അ​റി​യി​ച്ച​തി​നൊ​പ്പം മു​ന്ന​ണി​മാ​റ്റ​ത്തി​ൽ ത​ങ്ങ​ൾ​ക്ക്​ ന​ഷ്ടം മാ​ത്ര​മാ​ണു​ണ്ടാ​യ​തെ​ന്ന ആ​വ​ർ​ത്തി​ച്ചു​ള്ള പ​രാ​തി​യും അ​വ​ർ​ക്ക്​​ ഗു​ണം ചെ​യ്തു. ലോ​ക്സ​ഭ തെ​ര​ഞ്ഞെ​ടു​പ്പി​ൽ ക​ന​ത്ത പ​രാ​ജ​യം ഏ​റ്റു​വാ​ങ്ങി​യ എ​ൽ.​ഡി.​എ​ഫി​ന്​ ഘ​ട​ക​ക​ക്ഷി​ക​ളു​ടെ കൊ​ഴി​ഞ്ഞു​പോ​ക്ക്​ ​നി​ല​വി​ലെ സാ​ഹ​ച​ര്യ​ത്തി​ൽ താ​ങ്ങാ​ൻ ക​ഴി​യാ​ത്ത​തും കേ​ര​ള കോ​ൺ​ഗ്ര​സ് എ​മ്മി​ന്​ നേ​ട്ട​മാ​യി. കേ​ര​ള കോ​ൺ​ഗ്ര​സ്​ ജോ​സ​ഫ്​ വി​ഭാ​ഗ​വു​മാ​യു​ള്ള പോ​ര്​ ശ​ക്ത​മാ​കു​ന്ന​തി​നി​ടെ, എം.​പി സ്ഥാ​ന​മി​ല്ലാ​തെ പി​ടി​ച്ചു​നി​ൽ​ക്കാ​ൻ ക​ഴി​യി​ല്ലെ​ന്നും ഇ​ൻ​ഡ്യ മു​ന്ന​ണി​യി​ലു​ൾ​പ്പെ​ടെ ത​ങ്ങ​ളു​ടെ സാ​ന്നി​ധ്യം നി​ർ​ണാ​യ​ക​മാ​ണെ​ന്നും​ നേ​തൃ​ത്വ​ത്തെ കേ​ര​ള കോ​ൺഗ്ര​സ്​ എം ​ബോ​ധ്യ​പ്പെ​ടു​ത്തി.

മു​ൻ​മ​ന്ത്രി കെ.​എം. മാ​ണി​യു​ടെ​യും കു​ട്ടി​യ​മ്മ​യു​ടെ​യും മ​ക​നാ​യി പാ​ലാ​യി​ലാണ് ജോസ് കെ.മാണിയുടെ ജ​നനം. ഏ​ർ​ക്കാ​ട്​ മോ​ണ്ട്​​ഫോ​ർ​ട്ട്​ സ്കൂ​ളി​ൽ​നി​ന്നും സ്കൂ​ൾ വി​ദ്യാ​ഭ്യാ​സം പൂ​ർ​ത്തി​യാ​ക്കി​യ​ശേ​ഷം മ​ദ്രാ​സ്​ ല​യോ​ള കോ​ള​ജി​ൽ​നി​ന്നാണ് ബി​രു​ദം നേ​ടിയത്. പി.​എ​സ്.​ജി കോ​ള​ജ്​ ഓ​ഫ്​ ടെ​ക്​​നോ​ള​ജി​യി​ൽ​നി​ന്ന്​ എം.​ബി.​എ ബി​രു​ദ​വും നേ​ടി. യൂ​ത്ത്​ ഫ്ര​ണ്ടി​ലൂ​ടെ​യാ​ണ്​ മു​ഖ്യ​ധാ​രാ രാ​ഷ്ട്രീ​യ​ത്തി​ലെ​ത്തി​യ​ത്. 2009ൽ ​കോ​ട്ട​യ​ത്തു​നി​ന്ന്​ എം.​പി​യാ​യി ലോ​ക്സ​ഭ​യി​ലെ​ത്തി. 2014ലും ​എം.​പി​യാ​യി. ഈ ​കാ​ല​ഘ​ട്ട​ത്തി​ൽ പ​ല പാ​ർ​ല​മെ​ന്‍റ്​ സ​മി​തി​ക​ളി​ലും അം​ഗ​മാ​യി. 2018 ജൂ​ലൈ​യി​ൽ യു.​ഡി.​എ​ഫ്​ പ്ര​തി​നി​ധി​യാ​യി രാ​ജ്യ​സ​ഭ​യി​ലെ​ത്തി. മാ​ണി​യു​ടെ നി​ര്യാ​ണ​ത്തെ തു​ട​ർ​ന്ന്​ പാ​ർ​ട്ടി ചെ​യ​ർ​മാ​നാ​യി.