മഴക്കെടുതി; ദുരിതപ്പെയ്ത്തിൽ പലായനം

കോ​ട്ട​യം: തു​ട​ർ​ച്ച​യാ​യ ശ​മ​ന​മി​ല്ലാ​ത്ത ദു​രി​ത​പ്പെ​യ്ത്തി​ൽ കു​ടും​ബ​ങ്ങ​ൾ കൂ​ട്ട​പ്പ​ലാ​യ​ന​ത്തി​ൽ. ജി​ല്ല​യി​ലെ പ​ടി​ഞ്ഞാ​റ​ൻ മേ​ഖ​ല​ക​ളി​ലും താ​ഴ്ന്ന പ്ര​ദേ​ശ​ങ്ങ​ളി​ലും റോ​ഡു​ക​ളി​ലും വീ​ടു​ക​ളി​ലും പു​ര​യി​ട​ങ്ങ​ളി​ലും വെ​ള്ളം നി​റ​ഞ്ഞു. അ​യ​ർ​ക്കു​ന്നം, കൊ​ശ​മ​റ്റം, കാ​രാ​പ്പു​ഴ എ​ന്നി​വി​ട​ങ്ങ​ളി​ലാ​ണ്​ മീ​ന​ച്ചി​ൽ, മീ​ന​ന്ത​റ, മ​ണി​മ​ല​യാ​റു​ക​ളി​ൽ​നി​ന്നു​ള്ള പെ​യ്ത്തു​വെ​ള്ള​ത്തി​ന്‍റെ വ​ര​വോ​ടെ വീ​ടു​ക​ളി​ലും കൃ​ഷി​യി​ട​ങ്ങ​ളി​ലും വെ​ള്ളം​ക​യ​റി​യ​ത്. മു​ൻ​വ​ർ​ഷ​ങ്ങ​ളെ​ന്ന പോ​ലെ ഈ ​വ​ർ​ഷ​വും ദു​രി​താ​ശ്വാ​സ ക്യാ​മ്പു​ക​ളി​ലേ​ക്കു​ള്ള പ​ലാ​യ​ന​ത്തി​ലാ​ണ്​ ​കൊ​ശ​മ​റ്റം കോ​ള​നി​യി​ലെ കു​ടും​ബ​ങ്ങ​ൾ.

വി​ജ​യ​പു​രം പ​ഞ്ചാ​യ​ത്തി​ലെ കൊ​ശ​മ​റ്റം കോ​ള​നി​യി​ലെ 130ഓ​ളം കു​ടും​ബ​ങ്ങ​ളെ​യാ​ണ്​ ക്യാ​മ്പി​ലേ​ക്ക്​ മാ​റ്റി​പ്പാ​ർ​പ്പി​ച്ച​ത്. ക​ഞ്ഞി​ക്കു​ഴി മൗ​ണ്ട്​ കാ​ർ​മ​ൽ സ്കൂ​ളി​ലേ​ക്കാ​ണ്​ ഇ​വ​രെ മാ​റ്റി​യ​ത്. വ്യാ​ഴാ​ഴ്ച പു​ല​ർ​ച്ച​യോ​ടെ​യാ​ണ്​ ​വീ​ടു​ക​ളി​ൽ വെ​ള്ളം ക​യ​റി​ത്തു​ട​ങ്ങി​യ​ത്. റേ​ഷ​ൻ​ക​ട, അം​ഗ​ൻ​വാ​ടി, ക​ട​ക​ൾ തു​ട​ങ്ങി നി​ര​വ​ധി സ്ഥാ​പ​ന​ങ്ങ​ളും വെ​ള്ള​ത്തി​ലാ​യി.

ഉ​ട​ൻ വി​വ​രം അ​ധി​കൃ​ത​രെ അ​റി​യി​ക്കു​ക​യും പ​ത്ത​ര​യോ​ടെ പ​ഞ്ചാ​യ​ത്ത്​ സ​ജ്ജ​മാ​ക്കി​യ കോ​ട്ട​യം ഡി​പ്പോ​യി​ൽ നി​ന്നു​ള്ള കെ.​എ​സ്.​ആ​ർ.​ടി.​സി ബ​സി​ൽ കു​ടും​ബ​ങ്ങ​ളെ സു​ര​ക്ഷി​ത സ്ഥാ​ന​ത്തേ​ക്ക്​ മാ​റ്റു​ക​യാ​യി​രു​ന്നു. കൊ​ച്ചു​കു​ട്ടി​ക​ൾ മു​ത​ൽ വ​യോ​ധി​ക​ർ വ​രെ​യു​ള്ള സം​ഘ​മാ​ണ്​ ബ​ന്ധു​വീ​ടു​ക​ളി​ലേ​ക്കും സു​ര​ക്ഷി​ത സ്ഥാ​ന​ങ്ങ​ളി​ലേ​ക്കും​ മാ​റി​യ​ത്. ശ​ക്ത​മാ​യ ഒ​ഴു​ക്കി​ൽ മി​ക്ക വീ​ടു​ക​ളി​ലും വെ​ള്ളം​ക​യ​റി.

അ​യ​ർ​ക്കു​ന്നം പു​ന്ന​ത്തു​റ​യി​ൽ വെ​ള്ള​പ്പൊ​ക്ക​ത്തെ തു​ട​ർ​ന്ന് ഒ​റ്റ​പ്പെ​ട്ട കു​ടും​ബ​ത്തെ അ​ഗ്നി​ര​ക്ഷാ​സേ​ന​യു​ടെ നേ​തൃ​ത്വ​ത്തി​ൽ റ​ബ​ർ ഡി​ങ്കി ഉ​പ​യോ​ഗി​ച്ചാ​ണ്​ സു​ര​ക്ഷി​ത സ്ഥാ​ന​ത്തേ​ക്ക് മാ​റ്റി​യ​ത്. മീ​ന​ച്ചി​ലാ​റ്റി​ലെ ജ​ല​നി​ര​പ്പ്​ ഉ​യ​ർ​ന്ന്​ ഇ​റ​ഞ്ഞാ​ൽ, മൂ​ന്നാ​നി, തി​രു​വ​ഞ്ചൂ​ർ, നാ​ഗ​മ്പ​ടം, പേ​രൂ​ർ, ആ​മ്പ​ക്കു​ഴി, വ​ള​യം​ക​ണ്ടം, മ​ണ​ര്‍കാ​ട്, കു​മ്മ​നം തു​ട​ങ്ങി​യ താ​ഴ്ന്ന പ്ര​ദേ​ശ​ങ്ങ​ൾ വെ​ള്ള​ത്തി​ലാ​യി.

ഓ​ട​ക​ളി​ലൂ​ടെ​യു​ള്ള വെ​ള്ള​ത്തി​ന്‍റെ ഒ​ഴു​ക്ക്​ സു​ഗ​മ​മ​ല്ലാ​ത്ത​തി​നെ തു​ട​ർ​ന്ന്​ കെ.​കെ റോ​ഡ്, കാ​ള​ച്ച​ന്ത ഭാ​ഗ​ങ്ങ​ളി​ൽ ക​ന​ത്ത വെ​ള്ള​ക്കെ​ട്ടാ​ണ്​ രൂ​പ​പ്പെ​ട്ട​ത്. കൊ​ടൂ​രാ​റി​ലെ വെ​ള്ള​പ്പൊ​ക്ക​ത്തെ തു​ട​ർ​ന്ന്​ സ​മീ​പ​ത്തെ കോ​ടി​മ​ത പ​ച്ച​ക്ക​റി മാ​ർ​ക്ക​റ്റി​ൽ വെ​ള്ളം​ക​യ​റി. ക​ട​യു​ട​മ​ക​ൾ സം​ഭ​രി​ച്ചി​രു​ന്ന പ​ച്ച​ക്ക​റി​ക​ൾ ഭൂ​രി​ഭാ​ഗ​വും വെ​ള്ളം​ക​യ​റി ന​ശി​ച്ചു. ഉ​യ​ർ​ത്തി​വെ​ച്ച ത​ട്ടി​ൽ സൂ​ക്ഷി​ച്ചി​രു​ന്ന പ​ച്ച​ക്ക​റി​ക​ളാ​ണ്​ വെ​ള്ള​പ്പൊ​ക്ക​ത്തി​ൽ ന​ശി​ച്ച​ത്.

ഇ​ല്ലി​ക്ക​ൽ ജ​ങ്​​ഷ​നി​ൽ വെ​ള്ളം ക​യ​റി​യ​തോ​ടെ സ​മീ​പ​ത്തെ ക​ട​ക​ളി​ലും വെ​ള്ളം​ക​യ​റി. കൂ​ടാ​തെ, ചു​രു​ക്കം ചി​ല ബ​സു​ക​ൾ മാ​ത്ര​മാ​ണ് സ​ർ​വി​സ് ന​ട​ത്തു​ന്ന​ത്. ക​ഴി​ഞ്ഞ​ദി​വ​സം വെ​ള്ളം ക​യ​റി​യ മ​ണി​പ്പു​ഴ-​ഈ​ര​യി​ൽ ക​ട​വ് ബൈ​പാ​സി​ൽ വെ​ള്ളം കൂ​ടി. ചു​ങ്കം, പ​ഴ​യ സെ​മി​നാ​രി ഭാ​ഗ​ങ്ങ​ളി​ലും റോ​ഡി​ലും ജ​ല​നി​ര​പ്പ് ഉ​യ​ർ​ന്നു. എ​ല്ലാ വ​ർ​ഷ​വും വെ​ള്ളം ക​യ​റു​ന്ന വേ​ളൂ​ർ പാ​റ​പ്പാ​ടം ദേ​വീ​ക്ഷേ​ത്ര​ത്തി​ൽ വ്യാ​ഴാ​ഴ്ച രാ​വി​ലെ​യോ​ടെ വെ​ള്ളം ക​യ​റി. ഇ​തോ​ടെ രാ​വി​ല​ത്തെ പൂ​ജ​ക​ൾ​ക്ക്​ ശേ​ഷം ക്ഷേ​ത്രം അ​ട​ച്ചി​ട്ടു.

പ​ന​ച്ചി​ക്കാ​ട് പ​ഞ്ചാ​യ​ത്തി​ലെ കു​ഴി​ക്കാ​ട്ട് കോ​ള​നി​യി​ലും വെ​ള്ളം ഉ​യ​ർ​ന്ന​തി​നാ​ൽ പ്ര​ദേ​ശ​വാ​സി​ക​ളെ ചി​ങ്ങ​വ​നം എ​ൻ.​എ​സ്.​എ​സ് ഹ​യ​ർ സെ​ക്ക​ൻ​ഡ​റി സ്‌​കൂ​ളി​ലെ ദു​രി​താ​ശ്വാ​സ ക്യാ​മ്പി​ലേ​ക്ക് മാ​റ്റി. ന​ഗ​ര​സ​ഭ​യി​ലെ അ​റ​ക്ക​ൽ​ചി​റ, വ​ര​മ്പി​ന​കം, വാ​ല​യി​ൽ​ക​ട​വ് പ്ര​ദേ​ശ​ങ്ങ​ളി​ലും വെ​ള്ളം​ക​യ​റി. വ്യാ​ഴാ​ഴ്ച മ​ഴ​ക്ക് നേ​രി​യ ശ​മ​നം ഉ​ണ്ടാ​യെ​ങ്കി​ലും ഭൂ​രി​ഭാ​ഗം പ്ര​ദേ​ശ​വും വെ​ള്ള​ക്കെ​ട്ടി​ലാ​ണ്.

ജില്ലയിൽ 57 ദുരിതാശ്വാസ ക്യാമ്പ്

കോ​ട്ട​യം: ക​ന​ത്ത മ​ഴ തു​ട​രു​ന്ന സാ​ഹ​ച​ര്യ​ത്തി​ൽ ജി​ല്ല​യി​ൽ 57 ദു​രി​താ​ശ്വാ​സ ക്യാ​മ്പ്​ തു​റ​ന്നു. കോ​ട്ട​യം താ​ലൂ​ക്ക് - 47, ച​ങ്ങ​നാ​ശ്ശേ​രി താ​ലൂ​ക്ക് - ഏ​ഴ്, മീ​ന​ച്ചി​ൽ - മൂ​ന്ന്​ എ​ന്നി​ങ്ങ​നെ​യാ​ണ് ക്യാ​മ്പു​ക​ളു​ടെ എ​ണ്ണം. 460 കു​ടും​ബ​ങ്ങ​ളി​ലെ 1450 പേ​ർ വി​വി​ധ ക്യാ​മ്പി​ലു​ണ്ട്. ഇ​തി​ൽ 586 പു​രു​ഷ​ന്മാ​രും 613 സ്ത്രീ​ക​ളും 251 കു​ട്ടി​ക​ളു​മാ​ണു​ള്ള​ത്.