ഇടവിട്ട്​ മഴ; ഇടതടവില്ലാതെ ആശങ്ക

കോ​ട്ട​യം: ഇ​ട​വി​ട്ട്​ പെ​യ്യു​ന്ന ക​ന​ത്ത മ​ഴ ജി​ല്ല​യെ ആ​ശ​ങ്ക​യി​ലാ​ക്കു​ന്നു. പ​ടി​ഞ്ഞാ​റ​ന്‍ പ്ര​ദേ​ശ​ങ്ങ​ളി​ലെ താ​ഴ്ന്ന മേ​ഖ​ല​ക​ളി​ല്‍ വെ​ള്ളം ക​യ​റി. ദു​രി​താ​ശ്വാ​സ ക്യാ​മ്പുകൾ തു​റ​ന്നി​ട്ടു​ണ്ട്. ആ​റു​ക​ളി​ൽ ജ​ല​നി​ര​പ്പ്​ ഉ​യ​രു​ക​യാ​ണ്.

കി​ഴ​ക്ക​ന്‍ വെ​ള്ള​ത്തി​ന്‍റെ വ​ര​വ് വ​ര്‍ധി​ച്ച​തി​നാ​ല്‍ മീ​ന​ച്ചി​ലാ​റി​ന്‍റെ തീ​ര​ങ്ങ​ളി​ലു​ള്ള​വ​ര്‍ ജാ​ഗ്ര​ത​യി​ലാ​ണ്. ര​ണ്ടു ദി​വ​സ​മാ​യി മ​ല​യോ​ര മേ​ഖ​ല​യി​ലും പ​ടി​ഞ്ഞാ​റ​ൻ മേ​ഖ​ല​യി​ലും കൂ​ടി​യും കു​റ​ഞ്ഞും മ​ഴ തു​ട​രു​ക​യാ​ണ്. അ​ര​മ​ണി​ക്കൂ​ർ ഇ​ട​വി​ട്ടാ​ണ്​ മ​ഴ പെ​യ്യു​ന്ന​ത്. ഞാ​യ​റാ​ഴ്ച അ​തി​നി​ട​യി​ൽ വെ​യി​ൽ തെ​ളി​യു​ക​യും ചെ​​യ്​​തു. ഞാ​യ​റാ​ഴ്ച രാ​വി​ലെ എ​ട്ടി​ന് അ​വ​സാ​നി​ച്ച 24 മ​ണി​ക്കൂ​റി​ല്‍ ജി​ല്ല​യി​ല്‍ 573 മി​ല്ലീ​മീ​റ്റ​ര്‍ മ​ഴ​യാ​ണ്​ പെ​യ്ത​ത്. 103 മി​ല്ലീ​മീ​റ്റ​ര്‍ വീ​തം പെ​യ്ത കോ​ഴ​യി​ലും തീ​ക്കോ​യി​ലു​മാ​ണ് ഏ​റ്റ​വും കൂ​ടു​ത​ല്‍ മ​ഴ പെ​യ്ത​ത്. മീ​ന​ച്ചി​ൽ, മ​ണി​മ​ല, മൂ​വാ​റ്റു​പു​ഴ ആ​റു​ക​ളി​ൽ ജ​ല​നി​ര​പ്പ്​ ഉ​യ​രു​ക​യാ​ണ്. മീ​ന​ച്ചി​ലാ​റ്റി​ൽ മാ​ത്ര​മാ​ണ്​ അ​പ​ക​ടാ​വ​സ്ഥ​യു​ള്ള​ത്.

ഇ​വി​ടെ കു​മ​ര​ക​ത്തും തി​രു​വാ​ർ​പ്പി​ലും ജ​ല​നി​ര​പ്പ്​ അ​പ​ക​ട​നി​ല​ക്കു മു​ക​ളി​ലാ​ണ്. പേ​രൂ​ർ മു​ത​ൽ നീ​ലി​മം​ഗ​ലം, കോ​ടി​മ​ത, നാ​ഗ​മ്പ​ടം ഭാ​ഗ​ങ്ങ​ളി​ൽ മു​ന്ന​റി​യി​പ്പു​നി​ര ക​ട​ന്നു. മ​ണി​മ​ല​യാ​റ്റി​ൽ മു​ണ്ട​ക്ക​യം, മ​ണി​മ​ല ഭാ​ഗ​ങ്ങ​ളി​ൽ ജ​ല​നി​ര​പ്പ്​ ഉ​യ​ർ​ന്നെ​ങ്കി​ലും അ​പ​ക​ട​നി​ര​പ്പി​ലെ​ത്തി​യി​ട്ടി​ല്ല. മീ​ന​ച്ചി​ലാ​ർ ക​ര​ക​വി​യു​ന്ന​താ​ണ്​ പ​ടി​ഞ്ഞാ​റ​ൻ മേ​ഖ​ല​യി​ലു​ള്ള​വ​രെ​യും തീ​ര​വാ​സി​ക​ളെ​യും ആ​​ശ​യി​ലാ​ക്കു​ന്ന​തെ​ങ്കി​ൽ തു​ട​ർ​ച്ച​യാ​യ മ​ഴ​യി​ൽ മ​ണ്ണി​ടി​ച്ചി​ലു​ണ്ടാ​കു​മോ എ​ന്ന ഭീ​തി​യി​ലാ​ണ്​ മ​ല​യോ​രം. ​മീ​ന​ച്ചി​ലാ​റ്റി​ല്‍ വെ​ള്ളം ഉ​യ​ര്‍ന്ന​തോ​ടെ അ​യ​ര്‍ക്കു​ന്നം, വി​ജ​യ​പു​രം, മ​ണ​ര്‍കാ​ട് പ​ഞ്ചാ​യ​ത്തു​ക​ളി​ലെ​യും കോ​ട്ട​യം, ഏ​റ്റു​മാ​നൂ​ര്‍ ന​ഗ​ര​സ​ഭ​ക​ളി​ലെ​യും താ​ഴ്ന്ന പ്ര​ദേ​ശ​ങ്ങ​ളി​ല്‍ വെ​ള്ളം ക​യ​റി. വെ​ള്ളം വ​ര​വ് ശ​ക്ത​മാ​യാ​ല്‍ തി​രു​വാ​ര്‍പ്പ്, അ​യ്മ​നം, ആ​ര്‍പ്പൂ​ക്ക​ര, കു​മ​ര​കം പ​ഞ്ചാ​യ​ത്തു​ക​ളി​ലെ താ​ഴ്ന്ന പ്ര​ദേ​ശ​ങ്ങ​ളും വെ​ള്ള​ത്തി​ലാ​കും.