ഇടവേളക്കുശേഷം വീണ്ടും മഴ; ജി​ല്ല​യി​ൽ കൂ​ടു​ത​ൽ കോ​ഴ​യി​ലും കു​റ​വ്​ കാ​ഞ്ഞി​ര​പ്പ​ള്ളി​യി​ലും

കോ​ട്ട​യം: ഇ​ട​വേ​ള​ക്കു​ശേ​ഷം ജി​ല്ല​യി​ൽ മ​ഴ വീ​ണ്ടും സ​ജീ​വ​മാ​യി. ര​ണ്ടു ദി​വ​സ​മാ​യി മ​ല​യോ​ര മേ​ഖ​ല​ക​ളി​ല​ട​ക്കം മ​ഴ തു​ട​രു​ക​യാ​ണ്.ഞാ​യ​റാ​ഴ്ച രാ​​ത്രി തു​ട​ങ്ങി​യ ക​ന​ത്ത മ​ഴ തി​ങ്ക​ളാ​ഴ്ച രാ​വി​​ലെ​വ​രെ പെ​യ്തി​രു​ന്നെ​ങ്കി​ലും പ​ക​ൽ അ​ൽ​പം ശ​മ​ന​മു​ണ്ടാ​യി.

354.2 മി​ല്ലി​മീ​റ്റ​ർ മ​ഴ​ തി​ങ്ക​ളാ​ഴ്​​ച രാ​വി​ലെ​വ​രെ പെ​യ്ത​താ​യാ​ണ്​ ക​ണ​ക്ക്. കൂ​ടു​ത​ൽ മ​ഴ അ​ള​വ്​ കോ​ഴ​യി​ലാ​ണ്​ രേ​ഖ​പ്പെ​ടു​ത്തി​യ​ത്​ (67). കു​റ​വ്​ കാ​ഞ്ഞി​ര​പ്പ​ള്ളി​യി​ലും (27.6).ഈ ​മാ​സം ആ​ദ്യം പെ​യ്ത ദി​വ​സ​ങ്ങ​ൾ നീ​ണ്ട മ​ഴ​യി​ൽ ജി​ല്ല​യി​ലെ താ​ഴ്​​ന്ന പ്ര​ദേ​ശ​ങ്ങ​ൾ വെ​ള്ള​ത്തി​ലാ​യി​രു​ന്നു.

കനത്ത മഴയിൽ വീടിന്​ മുകളില്‍ മരംവീണു

കൊ​ക്ക​യാ​ര്‍: ക​ന​ത്ത​മ​ഴ​യി​ല്‍ വീ​ടി​ന്​ മു​ക​ളി​ല്‍ മ​രം​വീ​ണു. വീ​ട് ഭാ​ഗി​ക​മാ​യി ത​ക​ര്‍ന്നു.കൊ​ക്ക​യാ​ര്‍ വെം​ബ്ലി​യി​ല്‍ പ​ത്ര ഏ​ജ​ന്റ് പു​ളി​ക്ക​ല്‍ പി.​എ​സ്. അ​ബ്ദു​ല്‍ ക​രീ​മി​ന്റെ വീ​ടി​ന്​ മു​ക​ളി​ലാ​ണ് റ​ബ​ര്‍മ​രം വീ​ണ​ത്. ഞാ​യ​റാ​ഴ്ച രാ​ത്രി 11.15ഓ​ടെ​യാ​യി​രു​ന്നു സം​ഭ​വം. വീ​ട്ടു​കാ​ര്‍ ന​ല്ല ഉ​റ​ക്ക​ത്തി​ലാ​യി​രു​ന്നു. രാ​വി​ലെ മു​ത​ല്‍ മ​ഴ ശ​ക്ത​മാ​യി​രു​ന്നു.

രാ​ത്രി കാ​റ്റോ​ടു കൂ​ടി​യ മ​ഴ​യി​ല്‍ സ്വ​കാ​ര്യ തോ​ട്ട​ത്തി​ലെ റ​ബ​ര്‍മ​രം ഒ​ടി​ഞ്ഞ്​ വീ​ടി​ന്​ മു​ക​ളി​ല്‍ പ​തി​ക്കു​ക​യാ​യി​രു​ന്നു. വീ​ടി​ന്റെ ടി​ന്‍ഷീ​റ്റ് പൂ​ര്‍ണ​മാ​യി ത​ക​ര്‍ന്നു. മ​റ്റു നാ​ശ​ങ്ങ​ളോ ആ​ള​പാ​യ​മോ ഇ​ല്ല. ജ​ന​പ്ര​തി​നി​ധി​ക​ള്‍ സ്ഥ​ലം സ​ന്ദ​ര്‍ശി​ച്ചു.

മരം കടപുഴകി ഗതാഗത തടസ്സം

ഈ​രാ​റ്റു​പേ​ട്ട: ഈ​രാ​റ്റു​പേ​ട്ട-​പാ​ലാ റോ​ഡി​ൽ അ​രു​വി​ത്തു​റ കോ​ള​ജ് പ​ടി​യി​ൽ തി​ങ്ക​ളാ​ഴ്ച രാ​വി​ലെ​യു​ണ്ടാ​യ കാ​റ്റി​ൽ വ​ൻ​മ​രം ക​ട​പു​ഴ​കി മ​ണി​ക്കൂ​റോ​ളം ഗ​താ​ഗ​തം സ്തം​ഭി​ച്ചു.

ഈ​രാ​റ്റു​പേ​ട്ട ഫ​യ​ർ​ഫോ​ഴ്സും ന​ന്മ​ക്കൂ​ട്ട​വും ടീം ​ഏ​മ​ർ​ജ​ൻ​സി​യും ചേ​ർ​ന്നാ​ണ്​ മ​രം വെ​ട്ടി ഗ​താ​ഗ​തം പു​നഃ​സ്ഥാ​പി​ച്ച​ത്.