റെയില്‍വേ സ്റ്റേഷന്‍ റോഡ് നന്നാക്കൽ വൈകുന്നു

അ​തി​ര​മ്പു​ഴ: ഏ​റ്റു​മാ​നൂ​ർ റെ​യി​ല്‍വേ സ്റ്റേ​ഷ​ന്‍ റോ​ഡ്​ സ​ഞ്ചാ​ര​യോ​ഗ്യ​മ​ല്ലാ​താ​യി നാ​ളു​ക​ൾ പി​ന്നി​ട്ടി​ട്ടും അ​ധി​കൃ​ത​ര്‍ തി​രി​ഞ്ഞു​നോ​ക്കു​ന്നി​ല്ല. റോ​ഡി​ന് ഇ​രു​വ​ശ​വും കാ​ടു​പി​ടി​ച്ച് കി​ട​ക്കു​ന്ന​തി​നാ​ല്‍ ഇ​ഴ​ജ​ന്തു​ക്ക​ളു​ടെ ശ​ല്യ​വു​മു​ണ്ട്. വ​ഴി​വി​ള​ക്കു​ക​ള്‍ ക​ത്താ​ത്ത​തി​നാ​ല്‍ രാ​ത്രി ട്രെ​യി​ന്‍ ഇ​റ​ങ്ങു​ന്ന യാ​ത്ര​ക്കാ​ര്‍ ഭീ​തി​യി​ലാ​ണ്​ പു​റ​ത്തേ​ക്ക് ക​ട​ക്കു​ന്ന​ത്.

സ്ഥ​ലം റെ​യി​ല്‍വേ​യു​ടെ ആ​യ​തി​നാ​ല്‍ പ​ഞ്ചാ​യ​ത്തി​ന് ഈ ​കാ​ര്യ​ത്തി​ല്‍ ന​ട​പ​ടി​ക​ള്‍ എ​ടു​ക്കാ​ന്‍ സാ​ധി​ക്കി​ല്ലെ​ന്ന് പ്ര​സി​ഡ​ന്‍റ്​ സ​ജി ത​ട​ത്തി​ല്‍ പ​റ​ഞ്ഞു. റെ​യി​ല്‍വേ പ​രി​സ​ര​ത്ത്​ ത​ന്നെ​യു​ള്ള തു​രു​ത്തി​ക്കാ​ട് റോ​ഡും മ​ന​യ​ക്ക​പ്പാ​ടം റോ​ഡും ത​ക​ര്‍ന്ന നി​ല​യി​ലാ​ണ്. ​

പ​ഞ്ചാ​യ​ത്തി​ലെ മൂ​ന്ന്, നാ​ല്, അ​ഞ്ച്​ വാ​ര്‍ഡു​ക​ളി​ലേ​ക്ക് എ​ത്താ​ന്‍ സ​ഹാ​യി​ക്കു​ന്ന റോ​ഡാ​ണി​ത്. വ​ലി​യ കു​ഴി​ക​ളാ​ണു​ള്ള​ത്.ചു​റ്റും കാ​ടു​പി​ടി​ച്ച തു​രു​ത്തി​ക്കാ​ട് റോ​ഡ് ന​ന്നാ​ക്ക​ണ​മെ​ങ്കി​ലും റെ​യി​ല്‍വേ ക​നി​യ​ണം. 2015 ല്‍ ​പ​ണി പൂ​ര്‍ത്തി​യാ​ക്കി​യ​താ​ണ് മ​ന​യ്ക്ക​പ്പാ​ടം റോ​ഡ്. നി​ര്‍മാ​ണ​ത്തി​ലെ പി​ഴ​വു​ക​ള്‍ മൂ​ലം കു​റ​ച്ചു​നാ​ള്‍ ക​ഴി​ഞ്ഞ​പ്പോ​ള്‍ ത​ന്നെ കു​ഴി​ക​ള്‍ രൂ​പ​പ്പെ​ട്ടി​രു​ന്നു. ഈ ​റോ​ഡ് ന​ന്നാ​ക്കാ​ന്‍ നി​ര​വ​ധി പ​രാ​തി​ക​ളും നി​വേ​ദ​ന​ങ്ങ​ളും ന​ല്‍കി​യി​രു​ന്നെ​ങ്കി​ലും അ​ധി​കൃ​ത​ര്‍ ക​ണ്ണ​ട​ച്ച​മ​ട്ടാ​ണ്. റോ​ഡു​ക​ള്‍ പു​ന​ര്‍നി​ര്‍മി​ച്ച് യാ​ത്ര​ക്കാ​ര്‍ക്ക് സൗ​ക​ര്യം ഒ​രു​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.