താഴത്തങ്ങാടി ആറിന്​ സംരക്ഷണഭിത്തി ഒരുങ്ങുന്നു

കോ​ട്ട​യം: താ​ഴ​ത്ത​ങ്ങാ​ടി ആ​റി​ന്‍റെ​ സം​ര​ക്ഷ​ണ​ഭി​ത്തി നി​ർ​മാ​ണം തു​ട​ങ്ങി. അ​റു​പു​ഴ മു​ത​ൽ ആ​ലു​മ്മൂ​ട്​​ വ​രെ​യാ​ണ്​ നി​ല​വി​ൽ സം​ര​ക്ഷ​ണ ഭി​ത്തി പ​ണി​യു​ന്ന​ത്. ഈ ​ഭാ​ഗ​ത്ത്​ വ്യാ​പ​ക​മാ​യി തീ​രം ഇ​ടി​ഞ്ഞു​കി​ട​ക്കു​ക​യാ​ണ്. ജെ.​സി.​ബി. ഉ​പ​യോ​ഗി​ച്ച്​ മ​ണ്ണും ക​ൽ​ക്കെ​ട്ടും മാ​റ്റി ക​രി​ങ്ക​ൽ ഭി​ത്തി കെ​ട്ടു​ക​യാ​ണ്​ ചെ​യ്യു​ന്ന​ത്. ഇ​തി​നാ​യി 48ാം വാ​ർ​ഡ്​ കൗ​ൺ​സി​ല​ർ ഷേ​ബ മാ​ർ​ക്കോ​സ്​ ന​ൽ​കി​യ നി​വേ​ദ​ന​ത്തി​ന്‍റെ അ​ടി​സ്ഥാ​ന​ത്തി​ൽ മ​ന്ത്രി റോ​ഷി അ​ഗ​സ്റ്റി​ൻ 50 ല​ക്ഷം രൂ​പ അ​നു​വ​ദി​ച്ചി​രു​ന്നു. എ​ട​ക്കാ​ട്ടു​പ​ള്ളി മു​ത​ൽ അ​റു​പു​ഴ വ​രെ​യു​ള്ള പ​ദ്ധ​തി​യാ​ണ്​ സ​മ​ർ​പ്പി​ച്ചി​ട്ടു​ള്ള​ത്. ഒ​ന്നാം​ഘ​ട്ട​മാ​യി ആ​ലു​മ്മൂ​ട്​​ വ​രെ ക​രി​ങ്ക​ൽ ഭി​ത്തി പ​ണി​യും. തു​ട​ർ​ന്ന്​ പ​ണം അ​നു​വ​ദി​ക്കു​ന്ന മു​റ​ക്ക്​ ബാ​ക്കി പ​ണി​ക​ൾ ന​ട​ത്തും. അ​റു​പു​ഴ ഭാ​ഗ​ത്ത്​ താ​ഴ​ത്ത​ങ്ങാ​ടി ബ​സ​പ​ക​ട​ശേ​ഷം ക​രി​ങ്ക​ൽ ഭി​ത്തി ​കെ​ട്ടി വാ​ക്​​വേ പ​ണി​തി​ട്ടു​ണ്ട്. ഈ ​വാ​ക്​​വേ ആ​ലു​മ്മൂ​ട്​ വ​രെ നീ​ട്ടും.

ആ​റ്റി​ൻ തീ​രം സൗ​ന്ദ​ര്യ​വ​ൽ​ക്ക​ര​ണം അ​ടു​ത്ത പ​ടി​യാ​യി ന​ട​ക്കും. വ​ള്ളം​ക​ളി കാ​ണാ​ൻ സൗ​ക​ര്യ​വും ഒ​രു​ക്കും. സം​ര​ക്ഷ​ണ​ഭി​ത്തി കെ​ട്ടാ​ൻ ക​രി​ങ്ക​ല്ലും തീ​ര​ത്ത്​ അ​ടി​ക്കാ​നു​ള്ള തെ​ങ്ങി​ൻ​ത​ടി​ക​ളും ഇ​റ​ക്കി​യി​ട്ടു​ണ്ട്. ജെ.​സി.​ബി ഉ​പ​യോ​ഗി​ച്ച്​ തീ​ര​ത്തെ മ​ണ്ണ്​ നീ​ക്ക​ലാ​ണ്​ ഇ​പ്പോ​ൾ ന​ട​ന്നു​​കൊ​ണ്ടി​രി​ക്കു​ന്ന​ത്. ​മ​ഴ​ക്കാ​ല​ത്ത്​ 47, 48, 25 വാ​ർ​ഡു​ക​ളി​ലേ​ക്ക്​ ​വെ​ള്ളം ത​ള്ളി​ക്ക​യ​റി വ​രാ​റു​ണ്ട്. ഇ​തൊ​ഴി​വാ​ക്കാ​നും തീ​ര സം​ര​ക്ഷ​ണ​ത്തി​നു​മാ​ണ്​ ഭി​ത്തി ​കെ​ട്ടു​ന്ന​ത്. എ​ട​ക്കാ​ട്ടു​പ​ള്ളി മു​ത​ൽ ആ​ലു​മ്മൂ​ട്​ ​വ​രെ റോ​ഡ​രി​ക്​ ഇ​ടി​ഞ്ഞു​കി​ട​ക്കു​ക​യാ​ണ്. ഇ​തു​വ​ഴി​യു​ള്ള ബ​സ്​ സ​ർ​വി​സും അ​തോ​ടെ നി​ല​ച്ചു. അ​വി​ടെ വ​രെ സം​ര​ക്ഷ​ണ ഭി​ത്തി കെ​ട്ടി​യാ​ലേ തീ​രം സം​ര​ക്ഷി​ക്കാ​നാ​കൂ.