പ്രഫ. വി.ജെ. ഫിലിപ്; വിടവാങ്ങിയത്​ ജൈവ സാ​​ങ്കേതികവിദ്യയെ ജനകീയമാക്കിയ ഗവേഷകൻ

കോ​ട്ട​യം: ജൈ​വ സാ​​​ങ്കേ​തി​ക വി​ദ്യ (ബ​യോ​ടെ​ക്​​നോ​ള​ജി) മ​ല​യാ​ളി​ക്ക്​ അ​ത്ര പ​രി​ചി​ത​മ​ല്ലാ​ത്ത കാ​ല​ത്ത്​ ഈ ​വൈ​ജ്ഞാ​നി​ക മേ​ഖ​ല​യെ മ​ല​യാ​ള​ത്തി​ന്​ പ​രി​ച​യ​പ്പെ​ടു​ത്തി​യ പ്ര​തി​ഭാ​ശാ​ലി ആ​യി​രു​ന്നു അ​ന്ത​രി​ച്ച പ്ര​ഫ. വി.​ജെ. ഫി​ലി​പ്. ഈ ​വി​ഷ​യ​ത്തി​ന്‍റെ പ്ര​സ​ക്തി മ​ന​സ്സി​ലാ​ക്കി​യ അ​ദ്ദേ​ഹം അ​തി​ൽ വൈ​ദ​ഗ്​​ധ്യം ആ​ർ​ജി​ക്കു​ക​യും കാ​ലി​ക്ക​റ്റ്​ സ​ർ​വ​ക​ലാ​ശാ​ല​യി​ൽ 35 വ​ർ​ഷം മു​മ്പ്​ അ​തി​ന്‍റെ വ​കു​പ്പ്​ തു​ട​ങ്ങു​ക​യും രാ​ജ്യ​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ​നി​ന്ന്​ വി​ദ്യാ​ർ​ഥി​ക​ളെ ആ​ക​ർ​ഷി​ക്കു​ക​യും ചെ​യ്തു.

1938 ഫെ​ബ്രു​വ​രി ഒ​മ്പ​തി​ന്​ കോ​ട്ട​യം മ​ണ്ണ​ക്ക​നാ​ട്​ ഗ്രാ​മ​ത്തി​ൽ വ​ലി​യ​മ​ല്യാ​ലി​ൽ ജോ​സ​ഫി​ന്‍റെ​യും ഏ​ലി​യാ​മ്മ​യു​ടെ​യും മൂ​ത്ത മ​ക​നാ​യി ജ​നി​ച്ച അ​ദ്ദേ​ഹം ബാ​ല്യ​ത്തി​ൽ​ത​ന്നെ കൃ​ഷി​യി​ൽ വ​ലി​യ താ​ൽ​പ​ര്യം കാ​ണി​ച്ചു. 1954ൽ ​മ​ദ്രാ​സ്​ സ​ർ​ക്കാ​റി​ന്​ കീ​ഴി​ലു​ള്ള തി​രി​ച്ചു​റ​പ്പ​ള്ളി​യി​ലെ സെ​ന്‍റ്​ ജോ​സ​ഫ്​ കോ​ള​ജി​ൽ ഇ​ന്‍റ​ർ​മീ​ഡി​യ​റ്റി​ന്​​ചേ​ർ​ന്നു. മ​ദ്രാ​സ്​ ല​യോ​ള കോ​ള​ജി​ൽ​നി​ന്ന്​ ബി​രു​ദ​മെ​ടു​ത്തു. പി​ന്നീ​ട്​ സ​സ്യ​ശാ​സ്​​ത്ര​ത്തി​ൽ മാ​സ്റ്റ​ർ ബി​രു​ദം നേ​ടി. ല​യോ​ള കോ​ള​ജി​ൽ ല​ക്​​ച​റ​റാ​യി കു​റ​ച്ചു​കാ​ലം ജോ​ലി നോ​ക്കി. പി​ന്നീ​ട്​ സ​സ്യ​കോ​ശ​ങ്ങ​ളു​ടെ ഉ​ത്ഭ​വ​വും വി​കാ​സ​വും എ​ന്ന വി​ഷ​യ​ത്തി​ൽ ഗ​വേ​ഷ​ണ ബി​രു​ദം സ്വ​ന്ത​മാ​ക്കി.

1968ൽ ​തി​രു​ച്ചി​റ​പ്പ​ള്ളി സെ​ന്‍റ്​ ജോ​സ​ഫ്​ കോ​ള​ജി​ൽ നി​യ​മ​നം ല​ഭി​ച്ചെ​ങ്കി​ലും കാ​ലി​ക്ക​റ്റ്​ സ​ർ​വ​ക​ലാ​ശാ​ല​യി​ൽ​നി​ന്ന്​ അ​തേ​വ​ർ​ഷം നി​യ​മ​നം ല​ഭി​ച്ച​തി​നാ​ൽ അ​ദ്ദേ​ഹം കേ​ര​ള​ത്തി​ലേ​ക്ക്​ പോ​ന്നു. ​പ്ര​ഫ. എം.​എം. ഗി​നി​യാ​യി​രു​ന്നു കാ​ലി​ക്ക​റ്റി​ലെ പ്ര​ഥ​മ വൈ​സ്​​ചാ​ൻ​സ​ല​ർ. അ​ദ്ദേ​ഹ​ത്തി​ന്‍റെ താ​ൽ​പ​ര്യ​പ്ര​കാ​ര​മാ​ണ്​ ഫി​ലി​പ്​ കാ​ലി​ക്ക​റ്റി​ലെ​ത്തു​ന്ന​ത്. ബോ​ട്ട​ണി വി​ഭാ​ഗ​ത്തെ അ​ന്താ​രാ​ഷ്ട്ര ശ്ര​ദ്ധ​യി​ൽ എ​ത്തി​ക്കാ​ൻ അ​ദ്ദേ​ഹം അ​ക്ഷീ​ണം ​പ്ര​യ​ത്നി​ച്ചു. ടി​ഷ്യൂ ക​ൾ​ച​റി​ലാ​ണ്​ അ​ദ്ദേ​ഹ​ത്തി​ന്‍റെ ഗ​വേ​ഷ​ണ​ങ്ങ​ൾ കൂ​ടു​ത​ലും. അ​തി​ന്‍റെ തു​ട​ർ​ച്ച​യി​ലാ​ണ്​ സീ​നി​യ​ർ ഹം​ബോ​ൾ​ട്ട്​ ഫെ​ലോ​ഷി​പ്​ നേ​ടി ടി​ഷ്യൂ ക​ൾ​ച​റി​ന്‍റെ ഈ​റ്റി​ല്ല​മാ​യ ജ​ർ​മ​നി​യി​ൽ അ​ദ്ദേ​ഹ​മെ​ത്തു​ന്ന​ത്.

നാ​ട്ടി​ൽ തി​രി​ച്ചെ​ത്തി​യ​ശേ​ഷം കേ​ന്ദ്ര​സ​ർ​ക്കാ​റി​ന്​ കീ​ഴി​ലെ ശാ​സ്ത്ര സാ​​​ങ്കേ​തി​ക വ​കു​പ്പി​ന്‍റെ പി​ന്തു​ണ​യോ​ടെ നാ​ണ്യ​വി​ള​ക​ളു​ടെ ടി​ഷ്യൂ​ക​ൾ​ച​ർ ഗ​വേ​ഷ​ണം അ​ദ്ദേ​ഹം തു​ട​ങ്ങി. കു​രു​മു​ള​ക്, വാ​ഴ എ​ന്നി​വ​യി​ലെ​ല്ലാം അ​ദ്ദേ​ഹം ഗ​വേ​ഷ​ണ​ങ്ങ​ൾ ന​ട​ത്തി. നി​ര​വ​ധി അ​ന്താ​രാ​ഷ്ട്ര അം​ഗീ​കാ​ര​ങ്ങ​ൾ അ​ദ്ദേ​ഹ​ത്തെ തേ​ടി​യെ​ത്തി. യു​ന​സ്​​കോ​യു​ടെ സാ​മ്പ​ത്തി​ക പ​ന്തു​ണ​യോ​ടെ അ​ന്താ​രാ​ഷ്ട്ര ആ​ണ​വ എ​ന​ർ​ജി അ​സോ​സി​യേ​ഷ​ന്‍റെ കൂ​ടെ ആ​​ഫ്രി​ക്ക​ൻ ക​ശു​വ​ണ്ടി​യി​ൽ ഗ​വേ​ഷ​ണം ന​ട​ത്തി.

1996ൽ ​ഐ​ക്യ​രാ​ഷ്ട്ര സ​ഭ​യി​ലെ ബ​യോ ടെ​ക്​​നോ​ള​ജി വി​ദ​ഗ്​​ധ​നാ​യി തെ​ര​ഞ്ഞെ​ടു​ക്ക​പ്പെ​ട്ടു. 1995ൽ ​കാ​ലി​ക്ക​റ്റ്​ സ​ർ​വ​ക​ലാ​ശാ​ല​യി​ൽ ഇ​ന്ത്യ​യി​ലെ ആ​റാ​മ​ത്തെ ബ​യോ ടെ​ക്​ സെ​ന്‍റ​ർ തു​ട​ങ്ങു​ന്ന​തി​ലും മു​ഖ്യ പ​ങ്കു​വ​ഹി​ച്ച​ത്​ പ്ര​ഫ. ഫി​ലി​പ്​ ആ​യി​രു​ന്നു. 1999ലാ​ണ്​ വി​ര​മി​ച്ച​ത്. വി​ര​മി​ച്ച​ശേ​ഷം വി​വി​ധ ബ​യോ ടെ​ക്​ ക​മ്പ​നി​ക​ളു​ടെ ഉ​പ​ദേ​ശ​ക​നാ​യി പ്ര​വ​ർ​ത്തി​ച്ചു. കേ​ന്ദ്ര​സ​ർ​ക്കാ​റി​ന്‍റെ വി​വി​ധ ക​മ്മി​റ്റി​ക​ളി​ലും അം​ഗ​മാ​യി​രു​ന്നു.