പൂഞ്ഞാർ സംഭവം; ജില്ല കമ്മിറ്റിയംഗത്തെ തെരഞ്ഞെടുപ്പ് ചുമതലയിൽനിന്ന്​ മാറ്റി

ഈ​രാ​റ്റു​പേ​ട്ട: പൂ​ഞ്ഞാ​ർ പ​ള്ളി​മു​റ്റ​ത്ത്​ ന​ട​ന്ന അ​നി​ഷ്ട സം​ഭ​വ​ങ്ങ​ളു​മാ​യി ബ​ന്ധ​പ്പെ​ട്ട് സി.​പി.​എം ജി​ല്ല ക​മ്മ​ിറ്റി​യം​ഗം ജോ​യി ജോ​ർ​ജ് രം​ഗം വ​ഷ​ളാ​ക്കിയതിൽ പാ​ർ​ട്ടി പ്ര​വ​ർ​ത്ത​ക​ർ​ക്കി​ട​യി​ൽ ഉടലെടുത്ത അ​മ​ർ​ഷം ത​ണു​പ്പി​ക്കാ​ൻ പാ​ർ​ട്ടി​യു​ടെ ഇ​ട​പെ​ട​ൽ.

ഇ​തി​ന്‍റെ ആ​ദ്യ​ഘ​ട്ട​മെ​ന്ന നി​ല​യി​ൽ പാ​ർ​ല​മെ​ന്‍റ്​ തെ​ര​ഞ്ഞെ​ടു​പ്പ് പ്ര​ചാ​ര​ണ​വു​മാ​യി ബ​ന്ധ​പ്പെ​ട്ട് ഈ​രാ​റ്റു​പേ​ട്ട മു​നി​സി​പ്പ​ൽ ഇ​ല​ക്ഷ​ൻ ക​മ്മ​റ്റി​യു​ടെ ചു​മ​ത​ല​യി​ൽ​നി​ന്ന് ജോ​യി ജോ​ർ​ജി​നെ മാ​റ്റി.

പ​ക​രം കാ​ഞ്ഞി​ര​പ്പ​ള്ളി​യി​ലെ ജി​ല്ല ക​മ്മ​റ്റി​യം​ഗ​മാ​യ ഷ​മീം അ​ഹ​മ്മ​ദി​നെ മു​നി​സി​പ്പാ​ലി​റ്റി​യു​ടെ ചു​മ​ത​ല ഏ​ൽ​പ്പി​ച്ചു. പൂ​ഞ്ഞാ​ർ പ​ള്ളി​യി​ലു​ണ്ടാ​യ വി​ഷ​യ​വു​മാ​യി ബ​ന്ധ​പ്പെ​ട്ട് പി.​സി. ജോ​ർ​ജു​മാ​യി ചേ​ർ​ന്ന് പ​ള്ളി​മു​റ്റ​ത്ത് എ​ത്തി രം​ഗം വ​ഷ​ളാ​ക്കിയ​താ​ണ് ന​ട​പ​ടി​ക്ക് ആ​ധാ​ര​മാ​യ​ത്.

ഇ​തി​നു മു​മ്പ് പൊ​തു​പ​രി​പാ​ടി​യി​ൽ ജോ​യ് ജോ​ർ​ജ് ഈ​രാ​റ്റു​പേ​ട്ട​ക്കാ​രെ ആ​ക്ഷേ​പി​ച്ച് സം​സാ​രി​ച്ച​താ​യും ആ​ക്ഷേ​പ​മു​ണ്ട്.

മാ​ർ​ച്ച് നാ​ലി​ന് എ​ൽ.​ഡി.​എ​ഫി​ന്‍റെ പ​ത്ത​നം​തി​ട്ട പാ​ർ​ല​മെ​ന്‍റ്​ സ്ഥാ​നാ​ർ​ഥി തോ​മ​സ് ഐ​സ​ക്കി​ന്‍റെ റോ​ഡ് ഷോ​യി​ൽ ഇ​ദ്ദേ​ഹ​ത്തെ പ​ങ്കെ​ടു​പ്പി​ക്ക​രു​തെ​ന്ന്​ പാ​ർ​ട്ടി പ്ര​വ​ർ​ത്ത​ക​ർ ആ​വ​ശ്യ​പ്പെ​ട്ടി​രു​ന്നു.

തു​ട​ർ​ന്ന്​ ഇ​ദ്ദേ​ഹ​ത്തെ ഒ​ഴി​വാ​ക്കി​യി​രു​ന്നു. സി​വി​ൽ സ്റ്റേ​ഷ​ൻ നി​ർ​മാ​ണ​ത്തി​ന് ഭൂ​മി ഏ​റ്റെ​ടു​ക്കു​ന്ന​തു​മാ​യി ബ​ന്ധ​പ്പെ​ട്ട് കോ​ട്ട​യം എ​സ്.​പി സം​സ്ഥാ​ന പൊ​ലീ​സ് മേ​ധാ​വി​ക്ക് ന​ൽ​കി​യ റി​പ്പോ​ർ​ട്ടും ഏ​റെ വി​വാ​ദ​മാ​യി​രു​ന്നു. ക്ര​മ​സ​മാ​ധ​ന പ്ര​ശ്ന​വും തീ​വ്ര​വാ​ദ സാ​ഹ​ച​ര്യ​വും നി​ല​നി​ൽ​ക്കു​ന്ന പ്ര​ദേ​ശ​മെ​ന്നാ​ണ് അ​ന്ന് എ​സ്.​പി റി​പ്പോ​ർ​ട്ട് ന​ൽ​കി​യ​ത്.

വ​സ്തു​ത​ക്ക് നി​ര​ക്കാ​ത്ത റി​പ്പോ​ർ​ട്ട് പി​ൻ​വ​ലി​ക്ക​ണ​മെ​ന്ന് ആ​വ​ശ്യ​പ്പെ​ട്ട് സ്ഥ​ലം എം.​എ​ൽ.​എ സെ​ബാ​സ്റ്റ്യ​ൻ കു​ള​ത്തു​ങ്ക​ലി​ന്‍റെ നേ​തൃ​ത്വ​ത്തി​ൽ സ​ർ​വ​ക​ക്ഷി നേ​താ​ക്ക​ൾ മു​ഖ്യ​മ​ന്ത്രി​ക്ക് പ​രാ​തി സ​മ​ർ​പ്പി​ച്ചി​ട്ട് അ​ഞ്ച് മാ​സം പി​ന്നി​ട്ടി​ട്ടും ഒ​രു തീ​രു​മാ​ന​വും ഉ​ണ്ടാ​യി​ട്ടി​ല്ല. ഈ ​വി​ഷ​യം എ​രി​ഞ്ഞ് നി​ൽ​ക്കു​മ്പോ​ൾ ത​ന്നെ​യാ​ണ് പൂ​ഞ്ഞാ​റി​ലെ മ​റ്റൊ​രു സം​ഭ​വ​വും വി​വാ​ദ​മാ​യ​ത്. വി​ദ്യാ​ർ​ഥി​ക​ൾ ഫോ​ട്ടോ​ഷൂ​ട്ടി​ന്‍റെ ഭാ​ഗ​മാ​യി പ​ള്ളി​മു​റ്റ​ത്ത് ക​യ​റി​യ​തി​നെ തു​ട​ർ​ന്നു​ണ്ടാ​യ അ​പ്ര​തീ​ക്ഷി​ത സം​ഭ​വം കൊ​ല​പാ​ത​ക കു​റ്റ​ത്തി​ൽ വ​രെ എ​ത്തി​യ​ത്.

അ​തി​ൽ പ​ങ്കെ​ടു​ത്ത അ​മ്പ​തി​ല​ധി​കം വി​ദ്യാ​ർ​ഥി​ക​ളി​ൽ നി​ന്ന് 27 വി​ദ്യാ​ർ​ഥി​ക​ളെ മ​തം​തി​രി​ച്ച് അ​റ​സ്റ്റ് ചെ​യ്ത​തി​ലും കൊ​ല​പാ​ത​ക​ക്കു​റ്റം ചാ​ർ​ത്തി കേ​സെ​ടു​ത്ത​തും വ​ൻ​പ്ര​തി​ഷേ​ധ​ത്തി​ന് ഇ​ട​യാ​ക്കി​യി​രു​ന്നു.

കേ​സെ​ടു​ത്ത വി​ദ്യാ​ർ​ഥി​ക​ളി​ൽ കൂ​ടു​ത​ലും ഇ​ട​ത് വി​ദ്യാ​ർ​ഥി പ്ര​സ്ഥാ​ന​ത്തി​ലെ അം​ഗ​ങ്ങ​ളാ​യ​തും പ്ര​തി​ഷേ​ധ​ത്തി​ന്‍റെ മൂ​ർ​ച്ച വ​ർ​ധി​പ്പി​ച്ചു. ലോ​ക്​​സ​ഭ തി​ര​ഞ്ഞെ​ടു​പ്പ് അ​ടു​ത്തി​രി​ക്കെ ഇ​രു​പ്ര​ശ്ന​ങ്ങ​ളും ര​മ്യ​മാ​യി പ​രി​ഹ​രി​ക്കാ​ൻ ഇ​ട​ത് നേ​താ​ക്ക​ൾ നെ​ട്ടോ​ട്ട​ത്തി​ലാ​ണ്. ജി​ല്ല പൊ​ലീ​സ്​ മേ​ധാ​വി ന​ൽ​കി​യ വി​വാ​ദ റി​പ്പോ​ർ​ട്ട് പി​ൻ​വ​ലി​ച്ചെ​ന്ന് മ​ന്ത്രി വാ​സ​വ​ൻ ക​ഴി​ഞ്ഞ​ദി​വ​സം പ്ര​സ്താ​വ​ന ന​ട​ത്തി​യി​രു​ന്നു. എ​ന്നാ​ൽ രേ​ഖാ​മൂ​ല​മു​ള്ള റി​പ്പോ​ർ​ട്ട് വ​ര​ട്ടെ എ​ന്നാ​ണ് നാ​ട്ടു​കാ​ർ പ​റ​യു​ന്ന​ത്.