പാലിയേറ്റിവ്​ കെയർ ഭാരവാഹി വീടും സ്ഥലവും തട്ടിയെടുത്തതായി വയോധികയുടെ പരാതി

പൊ​ൻ​കു​ന്നം (കോട്ടയം): ആ​ശ്ര​മ പാ​ലി​േ​​യ​റ്റി​വ്​ കെ​യ​ർ ഭാ​ര​വാ​ഹി വീ​ടും സ്ഥ​ല​വും ത​ട്ടി​യെ​ടു​ത്ത​താ​യി വ​യോ​ധി​ക​യു​ടെ പ​രാ​തി. ചെ​റു​വ​ള്ളി പാ​റ​ക്ക​മു​റി സ​ര​സ്വ​തി​യ​മ്മ​യാ​ണ് പ​രാ​തി​ക്കാ​രി. 47 സെൻറ്​ സ്ഥ​ല​വും വീ​ടും വാ​ഴൂ​ർ തീ​ർ​ഥ​പാ​ദ ആ​ശ്ര​മ​ത്തി​നു ദാ​നം കൊ​ടു​ക്കാ​മെ​ന്ന വ്യാ​ജേ​ന ആ​ശ്ര​മ​ത്തി​ൽ പ്ര​വ​ർ​ത്തി​ക്കു​ന്ന കെ.​ബി. മ​നോ​ജ് സ്വ​ന്തം പേ​രി​ലേ​ക്ക് തീ​റെ​ഴു​തി വാ​ങ്ങി എ​ന്നാ​ണ് ആ​രോ​പ​ണം. സ്ഥ​ല​വും വീ​ടും തി​രി​കെ ന​ൽ​കു​ന്ന​തു​വ​രെ ഇ​ടി​ഞ്ഞു വീ​ഴാ​റാ​യ വീ​ട്ടി​ൽ ത​ന്നെ ക​ഴി​യു​മെ​ന്ന നി​ല​പാ​ടി​ലാ​ണ് 77കാ​രി​യാ​യ സ​ര​സ്വ​തി​യ​മ്മ.

ഏ​ക​മ​ക​െൻറ മ​ര​ണ​ത്തെ തു​ട​ർ​ന്ന് ഏ​ഴു​വ​ർ​ഷം മു​മ്പ് വ​യോ​ധി​ക​രാ​യ സ​ര​സ്വ​തി​യ​മ്മ​യും ഭ​ർ​ത്താ​വ് അ​ന​ന്ത പ​ത്മ​നാ​ഭ​ൻ നാ​യ​രും വാ​ഴൂ​രി​ൽ പ്ര​വ​ർ​ത്തി​ക്കു​ന്ന ആ​ശ്ര​മ​ത്തി​ൽ അ​ഭ​യം തേ​ടി. നാ​ല് മാ​സ​ത്തി​നു​ശേ​ഷം ഭ​ർ​ത്താ​വ് മ​ര​ണ​പ്പെ​ട്ടു. സ​ര​സ്വ​തി​യ​മ്മ​യു​ടെ പേ​രി​ലെ 47 സെൻറി​ൽ നാ​ലി​ലൊ​ന്നു വാ​ഴൂ​ർ തീ​ർ​ഥ​പാ​ദാ​ശ്ര​മ​ത്തി​ന്​ ദാ​നം ന​ൽ​കാ​ൻ തീ​രു​മാ​നി​ച്ചു.

എ​ന്നാ​ൽ, ആ​ശ്ര​മ​ത്തി​ന് ന​ൽ​കു​ന്നു എ​ന്ന് തെ​റ്റി​ദ്ധ​രി​പ്പി​ച്ച് ആ​ശ്ര​മ​ത്തി​ലെ ത​ന്നെ പാ​ലി​യേ​റ്റി​വ് കെ​യ​ർ ചു​മ​ത​ല​യു​ള്ള മ​നോ​ജ് സ്വ​ന്തം പേ​രി​ലേ​ക്ക് തീ​റാ​ധാ​രം എ​ഴു​തി​യെ​ന്നാ​ണ്​ പ​രാ​തി. ആ​ധാ​രം എ​ഴു​തു​ന്ന സ​മ​യ​ത്ത് വാ​യി​ച്ചു​നോ​ക്കാ​ൻ സ​മ്മ​തി​ച്ചി​ല്ലെ​ന്നും ദാ​നം ന​ൽ​കു​ന്നു​വെ​ന്ന് തെ​റ്റി​ദ്ധ​രി​പ്പി​ച്ചാ​ണ് തീ​റാ​ധാ​ര​ത്തി​ൽ ഒ​പ്പി​ട്ട​തെ​ന്നും സ​ര​സ്വ​തി​യ​മ്മ പ​റ​യു​ന്നു.

ഇ​തി​നി​ടെ സ​ര​സ്വ​തി​യ​മ്മ ആ​ശ്ര​മ​ജീ​വി​തം അ​വ​സാ​നി​പ്പി​ച്ച് വീ​ട്ടി​ലെ​ത്തി, ക​ല​ക്ട​ർ​ക്കും പൊ​ലീ​സ് മേ​ധാ​വി​ക്കും പ​രാ​തി ന​ൽ​കി. സ്ഥ​ലം താ​ൻ വി​ല​കൊ​ടു​ത്ത് വാ​ങ്ങി​യ​താ​ണെ​ന്നാ​ണ് മ​നോ​ജ് പ​റ​യു​ന്ന​ത്. ഒ​രു രൂ​പ​പോ​ലും ല​ഭി​ച്ചി​ല്ലെ​ന്ന് സ​ര​സ്വ​തി​യ​മ്മ​യും വ്യ​ക്ത​മാ​ക്കു​ന്നു. ക​ഴി​ഞ്ഞ ദി​വ​സ​ത്ത മ​ഴ​യി​ൽ ഒ​രു ഭാ​ഗം ഇ​ടി​ഞ്ഞ വീ​ടി​െൻറ ഒ​രു മു​റി​യി​ലാ​ണ് സ​ര​സ്വ​തി​യ​മ്മ ര​ണ്ടു മാ​സ​മാ​യി താ​മ​സി​ക്കു​ന്ന​ത്. ചി​റ​ക്ക​ട​വ് പ​ഞ്ചാ​യ​ത്ത് അ​ധി​കൃ​ത​ർ സു​ര​ക്ഷി​ത സ്ഥാ​ന​ത്തേ​ക്ക് മാ​റ്റി​പാ​ർ​പ്പി​ക്കാ​ൻ എ​ത്തി​യെ​ങ്കി​ലും ഇ​വ​ർ ത​യാ​റ​ല്ല.