മു​ഖ്യ​മ​ന്ത്രി​യു​​ടെ പ​രി​പാ​ടി​ക്ക് പാ​ർ​ക്കി​ങ് ഒ​രു​ക്കാ​ൻ പൊ​ലീ​സ് ക്വാ​ർ​ട്ടേ​ഴ്സ്​ ഇ​ടി​ച്ചു​നി​ര​ത്തി

കോ​ട്ട​യം: ക​ടു​ത്തു​രു​ത്തി​യി​ൽ ക​ഴി​ഞ്ഞ ദി​വ​സം മു​ഖ്യ​മ​ന്ത്രി പ​​ങ്കെ​ടു​ത്ത പ​രി​പാ​ടി​ക്ക് വാ​ഹ​ന പാ​ർ​ക്കി​ങ് ഒ​രു​ക്കാ​ൻ പ​ഴ​യ പൊ​ലീ​സ് ക്വാ​ർ​ട്ടേ​ഴ്സു​ക​ൾ ഇ​ടി​ച്ചു​നി​ര​ത്തി. ​

ലേ​ലം ചെ​യ്യാ​ൻ പൊ​ലീ​സി​ന് വി​ട്ടു​ന​ൽ​കി​യ ക്വാ​ർ​ട്ടേ​ഴ്സു​ക​ളാ​ണ് ഇ​ടി​ച്ചു​നി​ര​ത്തി​യ​ത്. ടെ​ൻ​ഡ​റി​ല്ലാ​തെ കെ​ട്ടി​ടം പൊ​ളി​ച്ചു​മാ​റ്റി​യ​തി​ലൂ​ടെ സ​ർ​ക്കാ​ർ ഖ​ജ​നാ​വി​ന് ന​ഷ്ടം ല​ക്ഷ​ങ്ങ​ൾ. ക്വാ​​ർ​ട്ടേ​ഴ്സു​ക​ൾ മ​ഴ​യി​ൽ ത​ക​ർ​ന്നു​വീ​ണ​താ​ണെ​ന്നും ത​ങ്ങ​ൾ നി​ര​പ്പാ​ക്കു​ക മാ​​ത്ര​മാ​ണ് ചെ​യ്ത​തെ​ന്നു​മാ​ണ് പൊ​ലീ​സ്​ വാ​ദം. സ്ഥ​ല​ത്തെ മ​ര​ങ്ങ​ൾ നേ​ര​​ത്തേ ലേ​ലം ന​ട​ത്തി മു​റി​ച്ചു​മാ​റ്റി​യി​രു​ന്നു.

ര​ണ്ട് ഡ​ബി​ൾ ക്വാ​ർ​​ട്ടേ​ഴ്സും സിം​ഗി​ൾ ക്വാ​ർ​ട്ടേ​ഴ്സു​മാ​ണ്​ പൊ​ളി​ക്കാ​നു​ണ്ടാ​യി​രു​ന്ന​ത്​. ഇ​തി​ന്​ പൊ​തു​മ​രാ​മ​ത്ത് വ​കു​പ്പ് മൂ​ന്ന​ര ല​ക്ഷം രൂ​പ വി​ല​യി​ട്ടി​രു​ന്നു. മൂ​ന്നു​ത​വ​ണ ഓ​ൺ​ലൈ​ൻ ലേ​ല​ത്തി​നു​വെ​ച്ച​പ്പോ​ൾ ആ​രു​മെ​ത്തി​യി​ല്ല. തു​ട​ർ​ന്ന് പൊ​ലീ​സി​നു​ത​ന്നെ ലേ​ല​ന​ട​പ​ടി​ക​ൾ​ക്കു കൈ​മാ​റി. ലേ​ലം ന​ട​ത്തി, ക​രാ​റു​കാ​ര​ൻ മു​ഴു​വ​ൻ പ​ണ​വും അ​ട​ച്ച​ശേ​ഷ​മേ കെ​ട്ടി​ടം പൊ​ളി​ക്കാ​ൻ അ​നു​മ​തി ന​ൽ​കാ​നാ​വൂ. എ​ന്നാ​ൽ, ലേ​ലം ചെ​യ്യാ​തെ മു​ഖ്യ​മ​​ന്ത്രി വ​ന്ന ദി​വ​സം നോ​ക്കി ​​കെ​ട്ടി​ടം പൊ​ളി​ച്ചു​നീ​ക്കു​ക​യാ​യി​രു​ന്നു.

ആ​ഞ്ഞി​ലി​ത്ത​ടി​യും ഓ​ടു​ക​ളും അ​ട​ക്കം കെ​ട്ടി​ട​ത്തി​ലു​ണ്ടാ​യി​രു​ന്നു. മ​ഴ​യി​ൽ ത​ക​ർ​ന്ന​താ​ണെ​ങ്കി​ൽ മ​റ്റ് കെ​ട്ടി​ട​ഭാ​ഗ​ങ്ങ​ളെ​യും ബാ​ധി​ച്ചേ​നെ. എ​ന്നാ​ൽ, ഇ​തി​നോ​ടു ചേ​ർ​ന്ന ശോ​ച്യാ​വ​സ്ഥ​യി​ലാ​യ മ​റ്റ് കെ​ട്ടി​ട​ങ്ങ​ൾ അ​തേ​പ​ടി നി​ൽ​ക്കു​ന്നു​ണ്ട്.

ബൈ​പാ​സ് ഉ​ദ്ഘാ​ട​ന​ത്തി​നാ​ണ് മു​ഖ്യ​മ​ന്ത്രി എ​ത്തി​യ​ത്. പ​രി​പാ​ടി​ക്കെ​ത്തി​യ​വ​രു​ടെ വാ​ഹ​ന​ങ്ങ​ൾ പാ​ർ​ക്ക് ചെ​യ്ത​ത് ക്വാ​ർ​ട്ടേ​ഴ്സു​ക​ൾ പൊ​ളി​ച്ചു​നീ​ക്കി​യ സ്ഥ​ല​ത്താ​ണ്.