എലിയെ തുരത്താന്‍ വിഷം വെച്ചു: 27 താറാവ്​ ചത്തു

കു​മ​ര​കം: കു​മ​ര​കം മ​ങ്കു​ഴി പാ​ട​ശേ​ഖ​ര​ത്ത് എ​ലി​യെ തു​ര​ത്താ​ൻ വി​ഷം ചേ​ര്‍ത്തു​വെ​ച്ച നെ​ല്ല് തി​ന്ന് 27 താ​റാ​വും ഇ​രു​പ​തോ​ളം കോ​ഴി​യും ച​ത്തു. കു​മ​ര​ക​ത്തെ മി​ക്ക പാ​ട​ശേ​ഖ​ര​ങ്ങ​ളി​ലും എ​ലി​ശ​ല്യം ഇ​ല്ലാ​താ​ക്കാ​ന്‍ വി​ഷം​ചേ​ര്‍ത്ത നെ​ല്ല് വെ​ക്കു​ക പ​തി​വാ​ണ്.

എ​ന്നാ​ല്‍, വി​ഷം വെ​ച്ചി​ട്ടു​ണ്ട് എ​ന്ന മു​ന്ന​റി​യി​പ്പ് ബോ​ര്‍ഡ് പാ​ട​വ​ര​മ്പി​ല്‍ പ്ര​ദ​ര്‍ശി​പ്പി​ക്ക​ണം മാ​ത്ര​മ​ല്ല സ​മീ​പ​വാ​സി​ക​ളെ അ​റി​യി​ക്കു​ക​യും വേ​ണം. ഈ ​നി​ബ​ന്ധ​ന​ക​ള്‍ പാ​ലി​ക്കാ​തെ​യാ​ണ് മ​ങ്കു​ഴി പാ​ട​ശേ​ഖ​ര​ത്തി​ന്‍റെ ഉ​ട​മ വി​ഷ​നെ​ല്ല് വെ​ച്ച​ത്.

കു​മ​ര​കം ചെ​മ്പോ​ടി​ത്ത​റ ജൂ​ലി​യു​ടെ 27 താ​റാ​വും പു​തു​ച്ചി​റ സ​ര​സ​മ്മ​യു​ടെ 20 കോ​ഴി​യു​മാ​ണ് ച​ത്ത​ത്. നെ​ല്ല് കൊ​ടി​യ വി​ഷ​ത്തി​ല്‍ മു​ക്കി വീ​ടി​ന്‍റെ പ​രി​സ​ര​ത്ത് ഇ​ട്ട​താ​യി​രി​ക്കു​മെ​ന്ന് പ​രി​സ​ര​വാ​സി​ക​ള്‍ ആ​രോ​പി​ച്ചു. ന​ഷ്ടം സം​ഭ​വി​ച്ച വ്യ​ക്തി​ക​ള്‍ കൃ​ഷി ഓ​ഫി​സ​ര്‍, മൃ​ഗ​ഡോ​ക്ട​ര്‍, കു​മ​ര​കം പൊ​ലീ​സ് എ​ന്നി​വി​ട​ങ്ങ​ളി​ല്‍ പ​രാ​തി ന​ല്‍കി.