തിരുനക്കര ബ​സ്​ സ്റ്റാ​ൻ​ഡ് കെട്ടിടത്തിൽനിന്ന് വീണ്ടും പ്ലാസ്റ്ററിങ്​ അടർന്നുവീണു

കോ​ട്ട​യം: തി​രു​ന​ക്ക​ര ബ​സ്​ സ്റ്റാ​ൻ​ഡ്​ കെ​ട്ടി​ട​ത്തി​ൽ​നി​ന്ന്​ ര​ണ്ടാം​ദി​വ​സ​വും പ്ലാ​സ്റ്റ​റി​ങ്​ അ​ട​ർ​ന്നു​വീ​ണു. അ​പ​ക​ട​സാ​ധ്യ​ത മു​ന്നി​ൽ​ക​ണ്ട്​ പൊ​ലീ​സ്​ ടെ​മ്പി​ൾ റോ​ഡ്​ ഭാ​ഗി​ക​മാ​യി ബാ​രി​ക്കേ​ഡ്​ ​കെ​ട്ടി​ട​ച്ചു.

തി​ര​ക്കു​പി​ടി​ച്ച ന​ഗ​ര​മ​ധ്യ​ത്തി​ൽ വേ​ണ്ട​ത്ര സു​ര​ക്ഷ ഒ​രു​ക്കാ​തെ​യാ​ണ്​ കെ​ട്ടി​ടം പൊ​ളി​ക്കു​ന്ന​തെ​ന്ന്​ ആ​ക്ഷേ​പം നി​ല​നി​ൽ​ക്കെ​യാ​ണ്​ സം​ഭ​വം. മൂ​ന്നു​നി​ല​യു​ള്ള കെ​ട്ടി​ട​ത്തി​ന്‍റെ അ​ക​ത്തെ ഭാ​ഗ​ത്തെ താ​ഴ​ത്തെ തൂ​ണു​ക​ളാ​ണ്​ ആ​ദ്യം ത​ക​ർ​ക്കു​ന്ന​ത്. ഇ​തോ​ടെ കെ​ട്ടി​ടം അ​ക​ത്തേ​ക്ക്​ ച​രി​യും. തു​ട​ർ​ന്നാ​ണ്​ പൊ​ളി​ച്ചു​മാ​റ്റു​ന്ന​ത്. കെ​ട്ടി​ട​ത്തി​ലെ ക​മ്പി​ക​ൾ മാ​റ്റേ​ണ്ട​തി​നാ​ൽ പൊ​ളി​ക്ക​ലി​ന്​ വേ​ഗ​മി​ല്ല.

കെ​ട്ടി​ട​ത്തി​ലെ വാ​തി​ലു​ക​ളും ജ​ന​ലു​ക​ളും ആ​ദ്യം പൊ​ളി​ച്ചു​നീ​ക്കി​യി​രു​ന്നു. ബു​ധ​ൻ, വ്യാ​ഴം ദി​വ​സ​ങ്ങ​ളി​ലാ​യാ​ണ്​ കെ​ട്ടി​ട​ത്തി​ൽ​നി​ന്ന്​ പ്ലാ​സ്റ്റ​റി​ങ്​ അ​ട​ർ​ന്നു​വീ​ണ​ത്. ആ​രു​​ടെ​യും ദേ​ഹ​ത്തു​വീ​ഴാ​ത്ത​തി​നാ​ൽ അ​പ​ക​ട​മു​ണ്ടാ​യി​ല്ല.

പോ​സ്റ്റ്​ ഓ​ഫി​സ്​ റോ​ഡി​ൽ കെ​ട്ടി​ട​ത്തി​ന്‍റെ താ​ഴ​ത്തെ നി​ല​യി​ൽ തൂ​ണു​ക​ൾ ഇ​ള​കി​നി​ൽ​ക്കു​ക​യാ​ണ്. ഇ​ത്​ എ​പ്പോ​ൾ വേ​ണ​മെ​ങ്കി​ലും വീ​ഴാ​മെ​ന്ന്​ വ്യാ​പാ​രി​ക​ൾ ചൂ​ണ്ടി​ക്കാ​ട്ടു​ന്നു.

ക​ന​ത്ത​മ​ഴ തു​ട​രു​ന്ന​തി​നാ​ലും ജെ.​സി.​ബി ഉ​പ​യോ​ഗി​ച്ച്​ പൊ​ളി​ക്കു​ന്ന​തി​ന്‍റെ ആ​ഘാ​ത​ത്തി​ലും ഈ​ഭാ​ഗം ത​ക​ർ​ന്നു​വീ​ഴാ​ൻ സാ​ധ്യ​ത​യു​ണ്ട്. ഇ​ള​കി​യ ഭാ​ഗം പൊ​ളി​ച്ചു​മാ​റ്റാ​ൻ ആ​വ​ശ്യ​പ്പെ​ട്ടെ​ങ്കി​ലും വൈ​ദ്യു​തി ക​ണ​ക്​​ഷ​ന്‍റെ സ്വി​ച്ച്​ ബോ​ർ​ഡ്​ ഉ​ള്ള​തി​നാ​ൽ പൊ​ളി​ക്കാ​ൻ ക​ഴി​യി​ല്ലെ​ന്നാ​ണ്​ ക​രാ​റു​കാ​ര​ൻ പ​റ​യു​ന്ന​ത്. സ​ദാ​സ​മ​യ​വും യാ​ത്ര​ക്കാ​ർ ന​ട​ന്നു​പോ​കു​ന്ന റോ​ഡാ​ണി​ത്.

ഇ​വി​ട​ത്തെ രാ​ജ​ധാ​നി ​ഹോ​ട്ട​ൽ ​കെ​ട്ടി​ട​ത്തി​ൽ​നി​ന്ന്​ ​അ​ന​ധി​കൃ​ത നി​ർ​മി​തി അ​ട​ർ​ന്നു​വീ​ണ്​ ഒ​രാ​ൾ മ​രി​ച്ച​ത്​ അ​ടു​ത്തി​ടെ​യാ​ണ്. രാ​ത്രി​യും പ​ക​ലു​മാ​യി 45 ദി​വ​സം​കൊ​ണ്ട്​ കെ​ട്ടി​ടം പൊ​ളി​ച്ചു​മാ​റ്റ​ണ​മെ​ന്നാ​ണ്​ ദു​ര​ന്ത​നി​വാ​ര​ണ അ​തോ​റി​റ്റി ചെ​യ​ർ​മാ​ൻ കൂ​ടി​യാ​യ ക​ല​ക്​​ട​റു​ടെ നി​ർ​ദേ​ശം.

നി​ല​വി​ൽ പ​ക​ൽ മാ​ത്ര​മാ​ണ്​ പൊ​ളി​ക്ക​ൽ ന​ട​ക്കു​ന്ന​ത്. രാ​​ത്രി വെ​ളി​ച്ച​മി​ല്ലാ​ത്ത​തി​നാ​ൽ പൊ​ളി​ക്കാ​ൻ ക​ഴി​യി​ല്ലെ​ന്നാ​ണ്​ ക​രാ​റു​കാ​ര​ൻ പ​റ​യു​ന്ന​ത്. ക​ഴി​ഞ്ഞ​മാ​സം 13നാ​ണ്​ കെ​ട്ടി​ടം പൊ​ളി​ക്കാ​ൻ തു​ട​ങ്ങി​യ​ത്. തു​ട​ർ​ച്ച​യാ​യ മ​ഴ​യും പൊ​ളി​ക്ക​ൽ ന​ട​പ​ടി​ വൈ​കി​ക്കു​ന്നു.