രാജേഷിന്‍റെ കരൾ മാറ്റിവെക്കലിന്​ നാടൊരുമിക്കുന്നു

അ​തി​ര​മ്പു​ഴ: മ​ഞ്ഞ​പ്പി​ത്തം ബാ​ധി​ച്ച്​ ഗു​രു​ത​രാ​വ​സ്ഥ​യി​ലാ​യ രാ​ജേ​ഷി​ന്‍റെ ക​ര​ൾ മാ​റ്റി​വെ​ക്കാ​ൻ നാ​ടൊ​രു​മി​ക്കു​ന്നു. അ​തി​ര​മ്പു​ഴ പ​ഞ്ചാ​യ​ത്ത് അ​ഞ്ചാം വാ​ർ​ഡി​ൽ ഏ​റ്റു​മാ​നൂ​ർ ഇ​ൻ​ഡ​സ്ട്രി​യ​ൽ എ​സ്റ്റേ​റ്റ് ജ​ങ്​​ഷ​ന്​ സ​മീ​പം ചേ​ന​പ്പാ​ടി​യി​ൽ രാ​ജേ​ഷ് സി. ​കു​മാ​റാ​ണ്​​ (46) ക​ര​ൾ മാ​റ്റി​വെ​ക്ക​ൽ ശ​സ്ത്ര​ക്രി​യ​ക്ക് ഒ​രു​ങ്ങു​ന്ന​ത്.

മ​ഞ്ഞ​പ്പി​ത്തം വ​ഷ​ളാ​യ​തോ​ടെ ക​ര​ളി​നെ ഗു​രു​ത​ര​മാ​യി ബാ​ധി​ക്കു​ക​യാ​യി​രു​ന്നു. കോ​ട്ട​യം മെ​ഡി​ക്ക​ൽ കോ​ള​ജി​ലെ പ​രി​ശോ​ധ​ന​യി​ൽ ക​ര​ൾ മാ​റ്റി​വെ​ക്കു​ക​യേ മാ​ർ​ഗ​മു​ള്ളൂ​വെ​ന്ന്​ ക​ണ്ടെ​ത്തി. ര​ക്ത​ബ​ന്ധ​ത്തി​ലു​ള്ള ദാ​താ​ക്ക​ൾ ഉ​ണ്ടെ​ങ്കി​ലേ മെ​ഡി​ക്ക​ൽ കോ​ള​ജി​ൽ ക​ര​ൾ മാ​റ്റി​വെ​ക്കാ​ൻ സാ​ധി​ക്കൂ. തു​ട​ർ​ന്ന്​ പ​രി​ശോ​ധ​ന ന​ട​ത്തി​യെ​ങ്കി​ലും ബ​ന്ധു​ക്ക​ളു​ടെ ആ​രു​ടെ​യും ര​ക്ത​ഗ്രൂ​പ്പു​മാ​യി ചേ​രാ​തെ വ​ന്ന​തോ​ടെ​യാ​ണ് അ​മൃ​ത ആ​ശു​പ​ത്രി​യെ സ​മീ​പി​ച്ച​ത്. ക​ര​ൾ ദാ​താ​വി​നെ ല​ഭി​ച്ച​തോ​ടെ ശ​സ്ത്ര​ക്രി​യ​ക്കു​ള്ള ന​ട​പ​ടി വേ​ഗ​ത്തി​ൽ ത​ന്നെ പൂ​ർ​ത്തി​യാ​ക്കി.

21ന് ​ശ​സ്ത്ര​ക്രി​യ ന​ട​ത്താ​ൻ തീ​രു​മാ​ന​വു​മാ​യി. എ​ന്നാ​ൽ, ക​ര​ൾ മാ​റ്റി​വെ​ക്ക​ൽ ശ​സ്ത്ര​ക്രി​യ​ക്ക് വേ​ണ്ടി വ​രു​ന്ന ഭീ​മ​മാ​യ തു​ക ക​ണ്ടെ​ത്താ​നാ​കാ​തെ ബു​ദ്ധി​മു​ട്ടു​ക​യാ​ണ് രാ​ജേ​ഷും കു​ടും​ബ​വും. ഇ​തോ​ടെ രാ​ജേ​ഷി​ന്‍റെ ചി​കി​ത്സ​ക്ക്​ ആ​വ​ശ്യ​മാ​യ തു​ക സ​മാ​ഹ​രി​ക്കു​ന്ന​തി​നു​വേ​ണ്ടി അ​തി​ര​മ്പു​ഴ പ​ഞ്ചാ​യ​ത്തും നാ​ട്ടു​കാ​രും സം​യു​ക്ത​മാ​യി രം​ഗ​ത്തി​റ​ങ്ങു​ക​യാ​ണ്.

അ​തി​നാ​യി വി​പു​ല​മാ​യ ജ​ന​കീ​യ സ​മി​തി രൂ​പ​വ​ത്​​ക​രി​ച്ചു. 24ന് ​അ​തി​ര​മ്പു​ഴ പ​ഞ്ചാ​യ​ത്തി​ലെ 22 വാ​ർ​ഡി​ലും ഒ​രേ സ​മ​യം ഭ​വ​ന സ​ന്ദ​ർ​ശ​നം ന​ട​ത്തി 30 ല​ക്ഷം രൂ​പ സ​മാ​ഹ​രി​ക്കാ​നാ​ണ് ല​ക്ഷ്യ​മി​ടു​ന്ന​ത്. ഫ​ണ്ട് സ​മാ​ഹ​ര​ണ​ത്തി​നാ​യി അ​തി​ര​മ്പു​ഴ പ​ഞ്ചാ​യ​ത്ത് പ്ര​സി​ഡ​ന്‍റ്​ ജോ​സ് അ​മ്പ​ല​ക്കു​ള​ത്തി​ന്‍റെ​യും ജ​ന​റ​ൽ ക​ൺ​വീ​ന​ർ അ​നി​ൽ നെ​ൽ​സ് സ​ക്ക​റി​യാ​സി​ന്‍റെ​യും പേ​രി​ൽ അ​തി​ര​മ്പു​ഴ റീ​ജ​ന​ൽ സ​ർ​വി​സ് സ​ഹ​ക​ര​ണ ബാ​ങ്കി​ൽ ജോ​യ​ന്‍റ്​ അ​ക്കൗ​ണ്ടും ആ​രം​ഭി​ച്ചി​ട്ടു​ണ്ട്.