വീടിന് മുകളിലേക്ക് മണ്ണിടിഞ്ഞു

പാലാ: കനത്ത മഴയിൽ വീടിനു മുകളിലേക്ക് മണ്ണിടിഞ്ഞു. ഇടനാട് പാറത്തോട് വെള്ളാരംകുന്നേൽ ശ്രീനിവാസന്റെ വീടിന്റെ മുകളിലേക്കാണ് മണ്ണിടിഞ്ഞത്. ചൊവ്വാഴ്ച രാവിലെ ആറോടെയാണ് സംഭവം.

വീടിന്റെ അടുക്കള ഭാഗത്തേക്ക് മണ്ണിടിഞ്ഞ് ജനൽ, ഷെയ്ഡ്, ഭിത്തി എന്നിവക്ക് ഭാഗിക നാശനഷ്ടം ഉണ്ടായി. അപകടസമയത്ത് കുടുംബാംഗങ്ങൾ കിടപ്പുമുറിയിൽ ആയിരുന്നതിനാൽ പരിക്കേൽക്കാതെ രക്ഷപ്പെട്ടു.