Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightKottayamchevron_rightകോവിഡ് നിയന്ത്രണങ്ങള്‍...

കോവിഡ് നിയന്ത്രണങ്ങള്‍ പാലിച്ചില്ല: ഓണ്‍ലൈന്‍ പരീക്ഷാകേന്ദ്രത്തിനെതിരെ കേസ്

text_fields
bookmark_border
കോവിഡ് നിയന്ത്രണങ്ങള്‍ പാലിച്ചില്ല: ഓണ്‍ലൈന്‍ പരീക്ഷാകേന്ദ്രത്തിനെതിരെ കേസ്
cancel

ഏറ്റുമാനൂര്‍: കോവിഡ് നിയന്ത്രണങ്ങള്‍ കാറ്റില്‍ പറത്തി പരീക്ഷ നടത്തിയ സംഭവത്തില്‍ ഓണ്‍ലൈന്‍ പരീക്ഷാകേന്ദ്രം അധികൃതര്‍ക്കെതിരെ ​കേസെടുത്തു. നൂറുകണക്കിന് ഉദ്യോഗാർഥികള്‍ പങ്കെടുക്കുന്ന പരീക്ഷയായിട്ടും കോവിഡ് പ്രതിരോധത്തിനുള്ള മുന്‍കരുതലുകള്‍ കൈക്കൊണ്ടിരുന്നില്ല. ഇങ്ങനെയൊരു പരീക്ഷ നടക്കുന്ന വിവരമോ കൂടുതല്‍ ആളുകള്‍ എത്തുന്ന വിവരമോ സ്ഥാപന അധികൃതര്‍ ​പൊലീസിനെ അറിയിച്ചിരുന്നുമില്ല. നാട്ടുകാര്‍ പരാതിപ്പെട്ടതിനെതുടര്‍ന്ന് 'സേവ് ഏറ്റുമാനൂര്‍' ഭാരവാഹികളാണ് വിവരം ​പൊലീസി​െൻറ ശ്രദ്ധയില്‍പെടുത്തിയത്. പിന്നാലെ ജില്ല ഭരണകൂടവും ജില്ല ​പൊലീസ് മേധാവിയും ഇടപെട്ടു.

എ.ഡി.എം അനില്‍ ഉമ്മ​െൻറ നിർദേശപ്രകാരം തഹസില്‍ദാര്‍ രാജേന്ദ്രബാബുവും സ്ഥലത്തെത്തി. സ്ഥാപനത്തി​െൻറ അഡ്മിനിസ്ട്രേറ്റിവ് ഓഫിസര്‍ രാജീവിനെ പ്രതിയാക്കിയാണ് ​പൊലീസ് കേസ്. തവളക്കുഴി ജങ്​ഷനിലെ ടാറ്റ കണ്‍സള്‍ട്ടന്‍സിയുടെ വക പരീക്ഷാകേന്ദ്രത്തിന് മുന്നില്‍ വെള്ളിയാഴ്​ച രാവിലെ മുതല്‍ വന്‍തിരക്ക് അനുഭവപ്പെട്ടത് നാട്ടുകാരെ ആശങ്കയിലാക്കിയിരുന്നു. സാമൂഹിക അകലം പാലിക്കാതെ തൊട്ടുരുമ്മിയാണ് പരീക്ഷയെഴുതാനെത്തിയ ഉദ്യോഗാർഥികളും രക്ഷിതാക്കളും ഉള്‍പ്പെടെ എം.സി റോഡരികില്‍ നിലയുറപ്പിച്ചത്. പലരും മാസ്‌ക് പോലും ധരിച്ചിരുന്നില്ല.

മുന്നൂറ് പേര്‍ പങ്കെടുക്കുന്ന എയിംസി​െൻറ ഓണ്‍ലൈന്‍ പരീക്ഷയാണ് ഇവിടെ നടന്നതെന്ന് തഹസില്‍ദാര്‍ പറഞ്ഞു. ഉദ്യോഗാർഥികളോടൊപ്പം എത്തിയ രക്ഷിതാക്കള്‍ക്ക് വിശ്രമിക്കാന്‍ പരീക്ഷാകേന്ദ്രത്തില്‍ സൗകര്യമൊരുക്കാത്തതിനാലാണ് എല്ലാവരും റോഡില്‍ തന്നെ തടിച്ചു കൂടിയത്. സെപ്​റ്റംബര്‍ ഒന്ന് മുതല്‍ കൂടുതല്‍ പരീക്ഷകള്‍ നടത്താനിരിക്കെയാണ് സ്ഥാപനത്തിനെതിരെ ​പൊലീസ് നടപടിയെടുത്തത്.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Educationonline study
News Summary - Online study issue
Next Story