ജനറേറ്ററില്ല, വെള്ളമില്ല, യന്ത്രങ്ങളിലൊന്ന്​ പണിമുടക്കിൽ; പരാധീനതകളിൽ മുട്ടമ്പലം ശ്​മശാനം

കോ​ട്ട​യം: വൈ​ദ്യു​തി​യി​ല്ല, ജ​ന​റേ​റ്റ​റി​ല്ല, വെ​ള്ള​വു​മി​ല്ല. ടാ​ങ്കും ചി​മ്മി​നി​യും ത​ക​ർ​ന്നി​ട്ട്​ നാ​ളേ​റെ​യാ​യി. ആ​കെ​യു​ള്ള ര​ണ്ട്​ യ​ന്ത്ര​ങ്ങ​ളി​ൽ ഒ​ന്ന്​ പ​ണി​മു​ട​ക്കി​ൽ. കോ​ട്ട​യം ന​ഗ​ര​സ​ഭ​യു​​ടെ മു​ട്ട​മ്പ​ല​ത്തെ ശ്​​മ​ശാ​ന​ത്തി​ന്‍റെ അ​വ​സ്ഥ​യാ​ണി​ത്. ശ്​​മ​ശാ​നം നാ​ശ​ത്തി​ലേ​ക്ക്​ നീ​ങ്ങു​മ്പോ​ഴും കു​ലു​ങ്ങാ​തെ കോ​ട്ട​യം ന​ഗ​ര​സ​ഭ. പ​ല​ത​വ​ണ പ​രാ​തി​ക​ൾ ഉ​യ​ർ​ന്നി​ട്ടും ന​ട​പ​ടി​യൊ​ന്നു​മി​ല്ല. ന​ഗ​ര​സ​ഭ കൗ​ൺ​സി​ലി​ല​ട​ക്കം പ​ല​ത​വ​ണ വി​ഷ​യം ഉ​യ​ർ​ന്നി​ട്ടു​ണ്ടെ​ങ്കി​ലും പ​രാ​ധീ​ന​ത​ക​ൾ​ക്ക്​ മാ​റ്റ​മി​ല്ല.

ദ​ഹി​പ്പി​ക്കു​ന്ന യ​ന്ത്ര​ങ്ങ​ളി​ലൊ​ന്ന്​ കേ​ടാ​യ​തി​നാ​ൽ ഒ​രേ​സ​മ​യം ഒ​ന്നി​ല​ധി​കം മൃ​ത​ദേ​ഹ​ങ്ങ​ൾ ​കൊ​ണ്ടു​വ​ന്നാ​ൽ കാ​ത്തു​നി​ൽ​ക്കാ​നേ ബ​ന്ധു​ക്ക​ൾ​ക്ക്​ മു​ന്നി​ൽ വ​ഴി​യു​ള്ളൂ. അ​റ്റ​കു​റ്റ​പ്പ​ണി​ക​ൾ ​വൈ​കു​ന്ന​ത്​ ഇ​വ പൂ​ർ​ണ​മാ​യി ന​ശി​ക്കാ​ൻ കാ​ര​ണ​മാ​കു​മെ​ന്നും ആ​ക്ഷേ​പ​മു​ണ്ട്. പാ​ച​ക​വാ​ത​ക​ത്തി​ലാ​ണ്​ ശ്​​മ​ശാ​നം പ്ര​വ​ർ​ത്തി​ക്കു​ന്ന​തെ​ങ്കി​ലും ലൈ​റ്റു​ക​ൾ അ​ട​ക്കം പ്ര​വ​ർ​ത്തി​പ്പി​ക്കാ​ൻ വൈ​ദ്യു​തി വേ​ണം. എ​ന്നാ​ൽ, ഇ​ത്​ മു​ട​ങ്ങി​യി​ട്ട്​ നാ​ളേ​റെ​യാ​യി. വ​യ​റി​ങ്ങി​ന്​ ത​ക​രാ​ർ സം​ഭ​വി​ച്ച​താ​ണ് ​വൈ​ദ്യു​തി വി​ത​ര​ണം മു​ട​ങ്ങാ​ൻ കാ​ര​ണം. ഇ​തോ​ടെ ലൈ​റ്റും ഫാ​നും പ്ര​വ​ർ​ത്തി​ക്കാ​ത്ത സ്ഥി​തി​യാ​ണ്.

വൈ​കു​ന്നേ​ര​മാ​യാ​ൽ ഇ​രു​ട്ട​ത്താ​ണ്​ മൃ​ത​ദേ​ഹം ദ​ഹി​പ്പി​ക്കു​ന്ന​ത്. ര​ണ്ട്​ ജ​ന​റേ​റ്റ​റു​ക​ളി​ലൊ​ന്ന്​ തു​രു​മ്പു​പി​ടി​ച്ച്​ ത​ക​ർ​ന്നു​കി​ട​ക്കു​ന്നു. ഇ​തി​ന്‍റെ അ​റ്റ​കു​റ്റ​പ്പ​ണി​ക​ൾ​ക്കും ന​ട​പ​ടി​യി​ല്ല. കാ​ല​പ്പ​ഴ​ക്കം വ​ന്ന പൈ​പ്പ്​ പ​ല​യി​ട​ങ്ങ​ളി​ലും പൊ​ട്ടി​യ നി​ല​യി​ലാ​ണ്. ഇ​തോ​ടെ ജ​ല​വി​ത​ര​ണം അ​വ​താ​ള​ത്തി​ലാ​ണ്. നൂ​ലു​പോ​ലെ​യാ​ണ്​ ടാ​പ്പു​ക​ളി​ലൂ​ടെ വെ​ള്ളം വ​രു​ന്ന​ത്. ശ​ക്തി​യി​ല്ലാ​ത്ത​തി​നാ​ൽ കെ​ട്ടി​ട​ത്തി​ന്​ മു​ക​ളി​ലെ ടാ​ങ്കി​ലേ​ക്ക്​ വെ​ള്ളം​ ക​യ​റി​ല്ല. ഇ​തോ​ടെ കൈ​ക​ഴു​കാ​ൻ പോ​ലും ക​ഴി​യാ​ത്ത സ്ഥി​തി​യാ​ണ്. വെ​ള്ള​ത്തി​ന്‍റെ ടാ​ങ്ക്​ തു​രു​മ്പ്​ പി​ടി​ച്ച്​ പൊ​ട്ടി​പ്പൊ​ളി​ഞ്ഞ നി​ല​യി​ലാ​ണ്. ചി​മ്മി​നി​യു​ടെ മു​ക​ൾ​ഭാ​ഗം ത​ക​ർ​ന്ന്​ പു​ക പു​റ​ത്തേ​ക്കു​പോ​കാ​ത്ത അ​വ​സ്ഥ​യാ​ണ്. ഇ​ത്​ പു​ക പ​രി​സ​ര​ത്താ​ക​മാ​നം പ​ട​രു​ന്ന​തി​നും കാ​ര​ണ​മാ​കു​ന്നു​ണ്ട്. ഇ​തി​നെ​തി​രെ നാ​ട്ടു​കാ​ർ പ​ല​ത​വ​ണ പ​രാ​തി​യു​മാ​യി രം​ഗ​ത്തു​വ​ന്നി​രു​ന്നു. ഉ​ട​ൻ ന​ട​പ​ടി സ്വീ​ക​രി​ക്കു​മെ​ന്ന്​ അ​ധി​കൃ​ത​ർ പ​റ​യു​ന്ന​ത​ല്ലാ​തെ മ​റ്റൊ​ന്നും ന​ട​ക്കു​ന്നി​ല്ലെ​ന്ന്​ നാ​ട്ടു​കാ​ർ പ​റ​യു​ന്നു. ചി​മ്മി​നി​യു​ടെ കാ​ലാ​വ​ധി ക​ഴി​ഞ്ഞി​രി​ക്കു​ക​യാ​ണ്. ഇ​ത്​ മാ​റ്റാ​നു​ള്ള ന​ട​പ​ടി​യു​മി​ല്ല.

മൃ​ത​ദേ​ഹം ​ദ​ഹി​പ്പി​ക്കു​ന്ന യ​​ന്ത്ര​ങ്ങ​ളി​ൽ ഒ​ന്നി​ന്‍റെ ബ​ർ​ണ​ർ പൂ​ർ​ണ​മാ​യി​ ക​ത്തു​ന്നി​ല്ല. ര​ണ്ടു​ഭാ​ഗ​ത്തും ബ​ർ​ണ​ർ ഒ​രു​പോ​ലെ പ്ര​വ​ർ​ത്തി​ക്കാ​തെ മൃ​ത​ദേ​ഹം ദ​ഹി​പ്പി​ക്കാ​നാ​വി​ല്ല. ഇ​ത്​ പ​ല​പ്പോ​ഴും ത​ർ​ക്ക​ങ്ങ​ൾ​ക്ക്​ ഇ​ട​യാ​ക്കു​ന്നു​ണ്ട്. നി​ല​വി​ൽ ഒ​രു മൃ​ത​ദേ​ഹം ക​ത്തി​യ ശേ​ഷ​മേ അ​ടു​ത്ത​ത്​ വെ​ക്കാ​നാ​വൂ. കു​റ​ഞ്ഞ​ത്​ ര​ണ്ട​ര മ​ണി​ക്കൂ​റെ​ടു​ക്കും ഒ​രു മൃ​ത​ദേ​ഹം ക​ത്തി​ത്തീ​രാ​ൻ. അ​തു​ക​ഴി​ഞ്ഞേ അ​ടു​ത്ത​ത്​ വെ​ക്കാ​നാ​വൂ. ഇ​ത്​ വ​ലി​യ​തോ​തി​ൽ ​വൈ​കു​ന്ന​തി​ന്​ കാ​ര​ണാ​കു​ന്നു​ണ്ട്. മൃ​ത​ദേ​ഹ​വു​മാ​യി എ​ത്തു​ന്ന​വ​ർ എ​റെ​നേ​രം കാ​ത്തു​നി​ൽ​ക്കേ​ണ്ട അ​വ​സ്ഥ​യും ഇ​തു​മൂ​ല​മു​ണ്ടാ​കു​ന്നു.