ന്യൂ ​ഇ​ന്ത്യ ലി​റ്റ​റ​സി പ്രോ​ഗ്രാം കോട്ടയം ജി​ല്ല​യി​ലെ 11 പ​ഞ്ചാ​യ​ത്തു​ക​ളി​ൽ

കോ​ട്ട​യം: പ​ല​വി​ധ കാ​ര​ണ​ങ്ങ​ളാ​ൽ ഔ​പ​ചാ​രി​ക വി​ദ്യാ​ഭ്യാ​സ​ത്തി​ൽ​നി​ന്ന്​ പു​റ​ത്ത് നി​ൽ​ക്കേ​ണ്ടി വ​ന്ന മു​ഴു​വ​ൻ പേ​ർ​ക്കും വി​ദ്യാ​ഭ്യാ​സം ന​ൽ​കു​ക എ​ന്ന ല​ക്ഷ്യ​ത്തോ​ടെ ദേ​ശീ​യ സാ​ക്ഷ​ര​ത മി​ഷ​ൻ ന​ട​പ്പാ​ക്കു​ന്ന 'ന്യൂ ​ഇ​ന്ത്യ ലി​റ്റ​റ​സി' പ്രോ​ഗ്രാം ജി​ല്ല​യി​ൽ 11 പ​ഞ്ചാ​യ​ത്തു​ക​ളി​ൽ ന​ട​പ്പാ​ക്കും. 11 ബ്ലോ​ക്കു​ക​ളി​ൽ​നി​ന്ന് ഓ​രോ പ​ഞ്ചാ​യ​ത്തു​ക​ൾ വീ​തം തെ​ര​ഞ്ഞെ​ടു​ത്താ​ണ് പ​ദ്ധ​തി. കു​മ​ര​കം, വി​ജ​യ​പു​രം, തൃ​ക്കൊ​ടി​ത്താ​നം, കു​റ​വി​ല​ങ്ങാ​ട്, ചി​റ​ക്ക​ട​വ്, കാ​ഞ്ഞി​ര​പ്പ​ള്ളി, ക​ട​നാ​ട്, ക​ടു​ത്തു​രു​ത്തി, ഉ​ദ​യ​നാ​പു​രം, പാ​മ്പാ​ടി, പൂ​ഞ്ഞാ​ർ എ​ന്നീ ഗ്രാ​മ​പ​ഞ്ചാ​യ​ത്തു​ക​ളി​ലാ​ണ് ആ​ദ്യ​ഘ​ട്ട​ത്തി​ൽ പ​ദ്ധ​തി ന​ട​പ്പാ​ക്കു​ന്ന​ത്. ആ​ദി​വാ​സി വി​ഭാ​ഗ​ങ്ങ​ൾ, ട്രാ​ൻ​സ്ജെ​ൻ​ഡ​ർ- ക്വീ​ർ വി​ഭാ​ഗ​ങ്ങ​ൾ, തീ​ര​ദേ​ശ​ങ്ങ​ളി​ലു​ള്ള​വ​ർ, ന്യൂ​ന​പ​ക്ഷ​ങ്ങ​ൾ, ക​ശു​വ​ണ്ടി ഫാ​ക്ട​റി തൊ​ഴി​ലാ​ളി​ക​ൾ, തൊ​ഴി​ലു​റ​പ്പ്- കു​ടും​ബ​ശ്രീ പ്ര​വ​ർ​ത്ത​ക​ർ തു​ട​ങ്ങി വി​വി​ധ മേ​ഖ​ല​യി​ലു​ള്ള​വ​ർ​ക്കാ​ണ് പ​ദ്ധ​തി ന​ട​പ്പാ​ക്കു​ന്ന​ത്. അ​ഞ്ച് വ​ർ​ഷം ക​ണ​ക്കാ​ക്കി​യു​ള്ള സാ​ക്ഷ​ര​ത പ​ദ്ധ​തി​യി​ൽ അ​ടി​സ്ഥാ​ന സാ​ക്ഷ​ര​ത, ഗ​ണി​തം, ജീ​വി​ത നൈ​പു​ണ്യ വി​ക​സ​നം, തൊ​ഴി​ല​ധി​ഷ്ഠി​ത നൈ​പു​ണ്യ വി​ക​സ​നം, തു​ട​ർ​വി​ദ്യാ​ഭ്യാ​സം എ​ന്നി​വ​യെ​ല്ലാം ഉ​ൾ​പ്പെ​ടും. പ​ദ്ധ​തി​യു​ടെ ന​ട​ത്തി​പ്പി​നാ​യി ജി​ല്ല​ത​ല​ത്തി​ൽ തു​ട​ങ്ങു​ന്ന 101 അം​ഗ സം​ഘാ​ട​ക​സ​മി​തി​യി​ൽ മ​ന്ത്രി, എം.​പി​മാ​ർ, എം.​എ​ൽ.​എ​മാ​ർ, എം.​ജി യൂ​നി​വേ​ഴ്സി​റ്റി വൈ​സ് ചാ​ൻ​സ​ല​ർ എ​ന്നി​വ​ർ ര​ക്ഷാ​ധി​കാ​രി​ക​ളാ​വും. ജി​ല്ല പ​ഞ്ചാ​യ​ത്ത് പ്ര​സി​ഡ​ന്‍റ്​ ചെ​യ​ർ​പേ​ഴ്സ​നും ജി​ല്ല പ​ഞ്ചാ​യ​ത്ത് വൈ​സ് പ്ര​സി​ഡ​ന്‍റ്​ വൈ​സ് ചെ​യ​ർ​പേ​ഴ്സ​നു​മാ​വും. ജി​ല്ല​യി​ൽ ആ​ദ്യ​ഘ​ട്ട​ത്തി​ൽ 1500 നി​ര​ക്ഷ​ര​രെ ക​ണ്ടെ​ത്തി സാ​ക്ഷ​ര​രാ​ക്കാ​നാ​ണ് പ​ദ്ധ​തി​യി​ടു​ന്ന​ത്. 800 ന്യൂ​ന​പ​ക്ഷ വി​ഭാ​ഗ​ക്കാ​ർ, 520 ജ​ന​റ​ൽ വി​ഭാ​ഗ​ക്കാ​ർ, 170 പ​ട്ടി​ക​ജാ​തി വി​ഭാ​ഗ​ക്കാ​ർ, 10 പ​ട്ടി​ക​വ​ർ​ഗ​ക്കാ​ർ എ​ന്നി​ങ്ങ​നെ​യാ​ണ് ആ​ളു​ക​ളെ ക​ണ്ടെ​ത്തി പ​ദ്ധ​തി​യി​ൽ പ​ങ്കാ​ളി​ക​ളാ​ക്കാ​ൻ ഉ​ദ്ദേ​ശി​ക്കു​ന്ന​ത്. ജി​ല്ല പ​ഞ്ചാ​യ​ത്ത് പ്ര​സി​ഡ​ന്‍റ്​ നി​ർ​മ​ല ജി​മ്മി ഉ​ദ്ഘാ​ട​നം ചെ​യ്തു. വൈ​സ് പ്ര​സി​ഡ​ന്‍റ്​ ടി.​എ​സ്. ശ​ര​ത് അ​ധ്യ​ക്ഷ​ത വ​ഹി​ച്ചു. ഡെ​പ്യൂ​ട്ടി പ്ലാ​നി​ങ് ഓ​ഫി​സ​ർ പി.​എ. അ​മാ​ന​ത്ത്, ജി​ല്ല ലൈ​ബ്ര​റി കൗ​ൺ​സി​ൽ പ്ര​സി​ഡ​ന്‍റ്​ ബാ​ബു കെ. ​ജോ​ർ​ജ്, സാ​ക്ഷ​ര​ത മി​ഷ​ൻ കോ​ഓ​ഡി​നേ​റ്റ​ർ​മാ​രാ​യ നി​ർ​മ​ല റേ​ച്ച​ൽ ജോ​യ്, വി.​വി. മാ​ത്യു, അ​സി. കോ​ഓ​ഡി​നേ​റ്റ​ർ ജ​സ്റ്റി​ൻ ജോ​സ​ഫ് എ​ന്നി​വ​ർ പ​ങ്കെ​ടു​ത്തു.