മുഖംമിനുക്കി കോട്ടയം ജില്ലയിലെ സർക്കാർ സ്​കൂളുകൾ

കോട്ടയം: കിഫ്​ബി ഫണ്ട്​ ഉപയോഗിച്ച്​ ജില്ലയിൽ നിർമാണം പൂർത്തിയാക്കിയ സർക്കാർ സ്കൂളുകളിലെ മൂന്ന്​ പുതിയ ബ്ലോക്കുകളുടെ ഉദ്​ഘാടനം ബുധനാഴ്​ച രാവിലെ 11ന്​ ഓൺലൈനായി മുഖ്യമന്ത്രി പിണറായി വിജയൻ നിർവഹിക്കും.

വിദ്യാഭ്യാസമന്ത്രി പ്രഫ. സി. രവീന്ദ്രനാഥ് അധ്യക്ഷത വഹിക്കും. ധനമന്ത്രി ഡോ. തോമസ് ഐസക് മുഖ്യപ്രഭാഷണം നടത്തും. മന്ത്രിമാരായ കെ.കെ. ശൈലജ, ടി.പി. രാമകൃഷ്ണൻ, കടകംപള്ളി സുരേന്ദ്രൻ, എ.കെ. ശശീന്ദ്രൻ എന്നിവർ പ​ങ്കെടുക്കും.

സ്കൂളുകളിൽ നടക്കുന്ന ചടങ്ങിൽ ബന്ധപ്പെട്ട നിയോജക മണ്ഡലത്തിലെ എം.എൽ.എമാർ ശിലാസ്ഥാപനം നിർവഹിക്കുമെന്ന്​ പൊതുവിദ്യാഭ്യാസ സംരക്ഷണ യജ്ഞം ജില്ല കോഓഡിനേറ്റർ കെ.ജെ. പ്രസാദ്, വിദ്യാഭ്യാസ ഉപഡയറക്ടർ വി.ആർ. ഷൈല എന്നിവർ അറിയിച്ചു.

തൃ​ക്കൊടിത്താനം ഗവ. ഹയർ സെക്കൻഡറി സ്​കൂളിൽ ഹൈസ്​കൂൾ-ഹയർസെക്കൻഡറി ​ബ്ലോക്ക്​, പാലാ മഹാത്മാഗാന്ധി ഗവ. ഹയർ സെക്കൻഡറി സ്കൂൾ ഹൈസ്​കൂൾ-ഹയർസെക്കൻഡറി ​ബ്ലോക്ക്, പൊൻകുന്നം ഗവ.വി.എച്ച്.എസ്.എസിലെ ഹയർ സെക്കൻഡറി ബ്ലോക്ക് എന്നിവയുടെ ഉദ്​ഘാടനമാണ്​ മുഖ്യമന്ത്രി നിർവഹിക്കുന്നത്​.

ആധുനിക രീതിയിൽ നിർമിച്ച തൃക്കൊടിത്താനം ഗവ. ഹയർ സെക്കൻഡറി സ്കൂളിലെ ഹൈസ്കൂൾ ബ്ലോക്കിൽ 22 ക്ലാസ് മുറികൾ, മൂന്ന്​ ലാബുകൾ, എച്ച്​.എം റൂം, ഓഫിസ് റൂം, 15 ശുചിമുറി, അംഗപരിമിത ടോയ്​​െലറ്റ്​, ലൈബ്രറി, മീഡിയ റൂം, സ്​റ്റോർ റൂം, സെപ്റ്റിക് ടാങ്ക് എന്നിവയാണ്​ ഉൾപ്പെടുത്തിയിരിക്കുന്നത്​. ഹയർ സെക്കൻഡറി ബ്ലോക്കിൽ മൂന്ന്​ ക്ലാസ് റൂമുകൾ, സ്​റ്റാഫ് റൂം, 10 ശുചിമുറി, രണ്ട്​ അംഗ പരിമിത ടോയ്​െലറ്റ്, സെപ്റ്റിക് ടാങ്ക് എന്നിവയുണ്ട്. സർക്കാറി​െൻറ അഞ്ചുകോടിയും സി.എഫ്​. തോമസ് എം.എൽ.എ അനുവദിച്ച ഒരുകോടിയും ഉപയോഗിച്ചാണ്​ നിർമാണം പൂർത്തിയാക്കിയത്.

പാലാ മഹാത്മാഗാന്ധി ഹയർ സെക്കൻഡറി സ്കൂളിൽ ആധുനിക രീതിയിൽ നിർമിച്ച ഏഴ്​ ക്ലാസ് മുറികൾ, 11 ശുചിമുറി, കിച്ചൻ, ഡൈനിങ്​ ഹാൾ, എച്ച്​.എം. റൂം, സ്​റ്റാഫ് റൂം, രണ്ട്​ ലാബുകൾ, ആക്റ്റിവിറ്റി ബ്ലോക്ക്, ഓപൺ സ്​റ്റേജ് എന്നിവ അഞ്ചുകോടി ചെലവിലാണ്​ പൂർത്തിയാക്കിയത്.

പൊൻകുന്നം ഗവ. വൊക്കേഷനൽ ഹയർ സെക്കൻഡറി സ്കൂൾ എച്ച്​.എസ്​.എസ്​ ബ്ലോക്കിൽ ആറ്​ ക്ലാസ് റൂമുകൾ, പ്രിൻസിപ്പൽ റൂം, സ്​റ്റാഫ് റൂം, കമ്പ്യൂട്ടർ ലാബ്, ഫിസിക്സ്, കെമിസ്ട്രി, ബോട്ടണി, സുവോളജി ലാബുകൾ, സെപ്റ്റിക് ടാങ്ക്, 10 ​ശുചിമുറി എന്നി പൂർത്തിയാക്കി.

ഹൈസ്കൂൾ ബ്ലോക്കി​െൻറ നിർമാണം പുരോഗമിക്കുകയാണ്​. സർക്കാർ അനുവദിച്ച അഞ്ചുകോടിയും എൻ. ജയരാജ്​ എം.എൽ.എയുടെ 1.8 കോടിയും ഉൾപ്പെടെ 6.8 കോടി ഉപയോഗിച്ചാണ്​ നിർമാണം. ജില്ലയിലെ മറ്റ് നിയോജക മണ്ഡലങ്ങളിലും സ്കൂളുകളുടെ നിർമാണം ഡിസംബറോടെ പൂർത്തിയാകും.