new സ്വാഗതസംഘം രൂപവത്​കരണം

പത്തനംതിട്ട: ഡി.വൈ.എഫ്.ഐ സംസ്ഥാന സമ്മേളനത്തെ വരവേൽക്കാൻ​ പത്തനംതിട്ട ഒരുങ്ങുന്നു. സൻെറ്​ സ്റ്റീഫൻസ് ഓഡിറ്റോറിയത്തിൽ നടന്ന സ്വാഗതസംഘം രൂപവത്​കരണം അഖിലേന്ത്യ പ്രസിഡൻറ്​ എ.എ. റഹീം ഉദ്ഘാടനം ചെയ്തു. സി.പി.എം ജില്ല സെക്രട്ടറി കെ.പി. ഉദയഭാനു ചെയർമാനും ഡി.വൈ.എഫ്.ഐ ജില്ല സെക്രട്ടറി പി.ബി. സതീഷ് കുമാർ ജനറൽ കൺവീനറും ജില്ല പ്രസിഡൻറ്​ സംഗേഷ് ജി. നായർ ട്രഷററുമായി 1001 അംഗ സംഘാടക സമിതിയാണ്​ രൂപവത്​കരിച്ചത്​. മന്ത്രി വീണ ജോർജ്, കെ.യു. ജനീഷ് കുമാർ എം.എൽ.എ, അഡ്വ. കെ. അനന്തഗോപൻ, ആർ. ഉണ്ണികൃഷ്ണപിള്ള, സാഹിത്യകാരൻ ബെന്യാമിൻ, സംവിധായകൻ ഡോ. ബിജു എന്നിവർ രക്ഷാധികാരികളാണ്​. വിവിധ സബ്കമ്മിറ്റി ഭാരവാഹികളെയും തീരുമാനിച്ചു. യോഗത്തിൽ സംസ്ഥാന പ്രസിഡന്‍റ്​ എസ്. സതീഷ്, സെക്രട്ടറി വി.കെ. സനോജ്, കെ.പി. ഉദയഭാനു, ആർ. ഉണ്ണികൃഷ്ണപിള്ള, എ. പത്മകുമാർ, രാജു എബ്രഹാം, ആർ. സനൽകുമാർ, പി.ബി. ഹർഷകുമാർ, ഡോ. ബിജു, ഫാ. മാത്യൂസ് വാഴക്കുന്നം എന്നിവർ സംസാരിച്ചു. ഏപ്രിൽ 27 മുതൽ 30 വരെയാണ്​ സമ്മേളനം. ചിത്രം PTG 21 DYFI പത്തനംതിട്ടയിൽ ഡി.വൈ.എഫ്.ഐ സംസ്ഥാന സമ്മേളനത്തിന്‍റെ സംഘാടക സമിതി രൂപവത്​കരണയോഗം അഖിലേന്ത്യ പ്രസിഡന്‍റ്​ എ.എ. റഹീം ഉദ്‌ഘാടനം ചെയ്യുന്നു