Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightKottayamchevron_rightപൂച്ചയെ...

പൂച്ചയെ വെടിവെച്ചു​കൊന്ന അയൽവാസി അറസ്റ്റിൽ; പ്രാവിനെ ആക്രമിച്ചതിന്​ പക വീട്ടിയതെന്ന്​ മൊഴി

text_fields
bookmark_border
പൂച്ചയെ വെടിവെച്ചു​കൊന്ന അയൽവാസി അറസ്റ്റിൽ; പ്രാവിനെ ആക്രമിച്ചതിന്​ പക വീട്ടിയതെന്ന്​ മൊഴി
cancel

വൈക്കം: ​അയൽവാസിയുടെ എയർ ഗണ്ണിൽനിന്ന് വെടിയേറ്റതിനെ തുടർന്ന് ചികിത്സയിലിരുന്ന വളർത്തുപൂച്ച ചത്തു. വൈക്കം തലയാഴം പാരണത്ര പി.കെ. രാജ​ൻ വളർത്തിയിരുന്ന എട്ടുമാസം പ്രായമുള്ള 'ചിന്നു' എന്ന പൂച്ചയാണ് ചത്തത്. സംഭവത്തിൽ രാജ​െൻറ അയൽവാസിയായ രമേശനെ ​ൈവക്കം പൊലീസ്​ അറസ്​റ്റ്​ ചെയ്​തു. ത​െൻറ പ്രാവിനെ ആക്രമിച്ചതിനെത്തുടർന്നാണ് പൂച്ചയെ വെടിവെച്ചതെന്നാണ്​ രമേശൻ പൊലീസിന് നൽകിയിരിക്കുന്ന മൊഴി.

ഞായറാഴ്ച രാത്രി എട്ടോടെയാണ്​ പൂച്ചക്ക്​ വെടിയേറ്റത്​. ആദ്യം വൈക്കം മൃഗാശുപത്രിയിലും തുടർന്ന് കോട്ടയം ജില്ല വെറ്ററിനറി കേന്ദ്രത്തിലും ചികിത്സക്കെത്തിച്ചു. ചൊവ്വാഴ്​ച തൃപ്പൂണിത്തുറ എരൂർ ഫെലിക്കൻ മൃഗാശുപത്രിയിൽ നടത്തിയ സ്കാനിങ്ങിലാണ്​ ശരീരത്തിൽ വെടിയുണ്ടയുണ്ടെന്ന്​ കണ്ടെത്തിയത്. തുടർന്ന്​ ശസ്ത്രക്രിയ നടത്തി നാല്​ സെൻറിമീറ്റർ നീളമുള്ള പെല്ലറ്റ് പുറത്തെടുത്തു. എന്നാൽ, ചൊവ്വാഴ്ച രാത്രി 11ഓടെ ചത്തു. വെടിയേറ്റശേഷം പൂച്ച ആഹാരം കഴിച്ചിരുന്നില്ല. പെല്ലറ്റ് തറച്ച്​ കരളിനുണ്ടായ പരിക്കും കുടലിലെ ക്ഷതവുമാണ് മരണത്തിനിടയാക്കിയതെന്ന്​ ഡോക്​ടർമാർ പറഞ്ഞു.

ബുധനാഴ്​ച വൈക്കം മൃഗാശുപത്രിയിൽ പോസ്​റ്റ്​മോർട്ടത്തിന്​ പൂച്ചയുടെ മൃതദേഹം എത്തിച്ചെങ്കിലും അധികൃതരുടെ നിർദേശത്തെ തുടർന്ന് പിന്നീട് തിരുവല്ലയിലെ മൃഗാശുപത്രിയിലേക്ക്​ മാറ്റി.

നേര​േത്ത, രാജ​െൻറയും ഭാര്യ സുജാതയു​െടയും മൊഴിപ്രകാരം അയൽവാസി രമേശനെതിരെ വളർത്തുമൃഗത്തെ വെടി​െവച്ചതിന് വൈക്കം പൊലീസ് കേസ് എടുത്തിരുന്നു. ഇതേതുടർന്ന്​ ഒളിവിലായിരുന്ന രമേശനെ ബുധനാഴ്​ച പൊലീസ് അറസ്​റ്റ്​ ചെയ്യുകയായിരുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:catCrime Against Animals
News Summary - Neighbor arrested for shooting cat
Next Story