താഴത്തങ്ങാടിയിൽ നെഹ്​റു ട്രോഫി ‘റീപ്ലേ’; ഒരു ‘വീയപുരം’ വിജയഗാഥ

കോ​ട്ട​യം: താ​ഴ​ത്ത​ങ്ങാ​ടി ക​ര​ക​ളെ​യും മീ​ന​ച്ചി​ലാ​റി​ന്‍റെ ഓ​ള​ങ്ങ​ളെ​യും സാ​ക്ഷി​നി​ർ​ത്തി നെ​ഹ്​​റു ട്രോ​ഫി​യി​ലെ വി​ജ​യം ആ​വ​ർ​ത്തി​ച്ച്​ വീ​യ​പു​രം ചു​ണ്ട​ൻ. സ​മ​യ​ത്തെ വെ​ല്ലു​വി​ളി​ച്ച്​ മീ​ന​ച്ചി​ലാ​റി​ന്‍റെ ഓ​ള​ങ്ങ​ളി​ൽ തീ​പ​ട​ർ​ത്തി ഫി​നി​ഷി​ങ്​ പോ​യ​ന്‍റ്​ താ​ണ്ടി​യ​പ്പോ​ൾ ക​ര​ഘോ​ഷ​വും ആ​ഹ്ലാ​ദ​വും അ​ല​ത​ല്ലി.

നെ​ഹ്​​റു ട്രോ​ഫി വ​ള്ളം​ക​ളി​യു​ടെ സ​മാ​ന​മാ​യാ​ണ്​ താ​ഴ​ത്ത​ങ്ങാ​ടി​യി​ലും ജ​ല​രാ​ജാ​ക്ക​ന്മാ​ർ പോ​രാ​ട്ട​ത്തി​നി​റ​ങ്ങി​യ​ത്. മി​ല്ലി സെ​ക്ക​ൻ​ഡു​ക​ളു​ടെ വ്യ​ത്യാ​സ​ത്തി​ൽ ന​ഷ്​​ട​മാ​യ ജ​ല​കി​രീ​ടം തി​രി​കെ​പ്പി​ടി​ക്കാ​ൻ ന​ടു​ഭാ​ഗം, മേ​ൽ​പാ​ടം ചു​ണ്ട​ൻ​വ​ള്ള​ങ്ങ​ളു​ടെ​യും കി​രീ​ടം നി​ല​നി​ർ​ത്താ​നു​ള്ള പോ​രാ​ട്ട​ത്തി​ൽ വീ​യ​പു​രം ചു​ണ്ട​ന്‍റെ​യും പോ​രാ​ട്ടം കാ​ണി​ക​ൾ ശ്വാ​സ​മ​ട​ക്കി​യാ​ണ്​ ക​ണ്ടു​നി​ന്ന​ത്.

സം​സ്ഥാ​ന ടൂ​റി​സം വ​കു​പ്പ് സം​ഘ​ടി​പ്പി​ക്കു​ന്ന ചാ​മ്പ്യ​ൻ​സ് ബോ​ട്ട് ലീ​ഗും വി​വി​ധ ഗ്രേ​ഡു​ക​ളി​ലു​ള്ള ചെ​റു​ക​ളി​വ​ള്ള​ങ്ങ​ളും പ​ങ്കെ​ടു​ക്കു​ന്ന 124ാം കോ​ട്ട​യം വ​ള്ളം​ക​ളി​യി​ലാ​ണ്​ വീ​യ​പു​ര​ത്തി​ന്‍റെ മാ​സ്​ എ​ൻ​ട്രി. അ​വ​സാ​നം വ​​രെ കാ​ണി​ക​ളെ ഉ​ദ്വേ​ഗ​ത്തി​ന്‍റെ മു​ൾ​മു​ന​യി​ൽ നി​ർ​ത്തി​യ വീ​യ​പു​രം പ​​ങ്കെ​ടു​ത്ത ഹീ​റ്റ്​​സി​ൽ ത​ന്‍റേ​താ​യ ആ​ധി​പ​ത്യം ഉ​റ​പ്പി​ച്ചാ​ണ്​ ഫൈ​ന​ലി​ലേ​ക്ക്​ പ്ര​വേ​ശി​ച്ച​ത്. വീ​യ​പു​രം, മേ​ൽ​പാ​ടം, ന​ടു​ഭാ​ഗം ചു​ണ്ട​നു​ക​ൾ മ​ത്സ​രി​ച്ച അ​വ​സാ​ന റൗ​ണ്ട്​ മ​ത്സ​ര​ത്തി​ൽ 3:18:080 മിനിറ്റി​ലാ​ണ്​ വീ​യ​പു​രം ചു​ണ്ട​ന്‍റെ ഫി​നി​ഷി​ങ്. 3:18:280 മിനിറ്റി​ൽ മേ​ൽ​പാ​ടം ചു​ണ്ട​നും 3:19:673 മിനിറ്റി​ൽ ന​ടു​ഭാ​ഗം ചു​ണ്ട​നും ഫി​നി​ഷ്​ ചെ​യ്തു.

ഒ​മ്പ​ത്​ ചു​ണ്ട​ൻ​വ​ള്ള​ങ്ങ​ളും 15 ചെ​റു​വ​ള്ള​ങ്ങ​ളു​മാ​ണ്​ കോ​ട്ട​യം വ​ള്ളം​ക​ളി​യി​ൽ മ​ത്സ​രി​ച്ച​ത്. ചെ​റു​വ​ള്ള​ങ്ങ​ളു​ടെ മ​ത്സ​ര​ത്തി​ൽ ഗ്രേ​ഡ് എ ​വെ​പ്പ് വി​ഭാ​ഗ​ത്തി​ൽ നെ​പ്പോ​ളി​യ​ൻ ഒ​ന്നാ​മ​തെ​ത്തി. ഗ്രേ​ഡ് എ ​ഇ​രു​ട്ടു​കു​ത്തി വി​ഭാ​ഗ​ത്തി​ൽ മൂ​ന്നു​തൈ​ക്ക​നും, ഗ്രേ​ഡ് ബി ​ഇ​രു​ട്ടു​കു​ത്തി വി​ഭാ​ഗ​ത്തി​ൽ താ​നി​യ​ൻ, ചു​രു​ള​ൻ വി​ഭാ​ഗ​ത്തി​ൽ വേ​ള​ങ്ങാ​ട​നും ഗ്രേ​ഡ് ബി ​വെ​പ്പ് വി​ഭാ​ഗ​ത്തി​ൽ പി.​ജി. ക​രി​പ്പു​ഴ​യും ​ഒ​ന്നാം സ്ഥാ​ന​ക്കാ​രാ​യി. താ​ഴ​ത്ത​ങ്ങാ​ടി​യു​ടെ ക​ര​ക​ളി​ൽ ഇ​ടം​പി​ടി​ച്ച വ​ള്ളം​ക​ളി പ്രേ​മി​ക​ളു​ടെ ആ​ര​വ​ങ്ങ​ളു​ടെ അ​ക​മ്പ​ടി​യോ​ടെ​യാ​ണ്​ ജ​ല​രാ​ജാ​വി​ന്‍റെ കി​രീ​ടം വീ​യ​പു​രം ചു​ണ്ട​ന്‍റെ ശി​ര​സ്സി​ലു​റ​പ്പി​ച്ച​ത്.