മുണ്ടക്കയത്ത്​ ശക്തമായ കാറ്റിൽ വ്യാപക നാശനഷ്ടം; വൈ​ദ്യു​തി നിലച്ചു

മു​ണ്ട​ക്ക​യം: മു​ണ്ട​ക്ക​യം മേ​ഖ​ല​യി​ൽ ശ​ക്ത​മാ​യ കാ​റ്റി​ലും മ​ഴ​യി​ലും വ്യാ​പ​ക നാ​ശ​ന​ഷ്ടം. തി​ങ്ക​ളാ​ഴ്ച ഉ​ച്ച​ക​ഴി​ഞ്ഞ് മൂ​ന്നോ​ടെ ആ​ഞ്ഞു വീ​ശി​യ കാ​റ്റി​ലാ​ണ് നാ​ശം​വി​ത​ച്ച​ത്. മു​ണ്ട​ക്ക​യം സ്രാ​മ്പി പാ​റ​ക്ക​ൽ പി.​സി കു​ഞ്ഞു​മോ​ന്‍റെ വീ​ടി​നു മു​ക​ളി​ൽ മ​രം ഒ​ടി​ഞ്ഞു​വീ​ണ് വീ​ടി​ന് കേ​ടു​പാ​ട് സം​ഭ​വി​ച്ചു.

വീ​ട്ടി​ൽ ഉ​ണ്ടാ​യി​രു​ന്ന കു​ഞ്ഞു​മോ​ന്‍റെ ഭാ​ര്യ ത​ങ്ക​മ്മ​ക്കും നി​സാ​ര​പ​രി​ക്കേ​റ്റു. കു​ട്ടി​ക​ള​ട​ക്കം വീ​ട്ടി​ൽ ഉ​ണ്ടാ​യി​രു​ന്നെ​ങ്കി​ലും വ​ലി​യ പ​രി​ക്കേ​ൽ​ക്കാ​തെ ര​ക്ഷ​പ്പെ​ട്ടു. വീ​ടി​ന് സ​മീ​പം നി​ന്ന പ്ലാ​വി​ന്‍റെ ശി​ഖ​രം ഒ​ടി​ഞ്ഞ്​ വീ​ടി​നു​മേ​ൽ പ​തി​ക്കു​ക​യാ​യി​രു​ന്നു. വീ​ട് പൂ​ർ​ണ​മാ​യും ത​ക​ർ​ന്നു. ചി​റ്റ​ടി എ​സ്റ്റേ​റ്റ് മേ​ഖ​ല​യി​ൽ ഉ​ൾ​പ്പെ​ടെ നി​ര​വ​ധി റ​ബ്ബ​ർ​മ​ര​ങ്ങ​ൾ ക​ട​പു​ഴ​കി. 31-ാം മൈ​ൽ - ഇ​ഞ്ചി​യാ​നി റോ​ഡി​ലും ഗ​താ​ഗ​തം ത​ട​സ്സ​പ്പെ​ട്ടു.

കാ​ഞ്ഞി​ര​പ്പ​ള്ളി​യി​ൽ നി​ന്നും അ​ഗ്നി​ര​ക്ഷാ​സേ​ന എ​ത്തി​യാ​ണ്​ മ​ര​ങ്ങ​ൾ വെ​ട്ടി​മാ​റ്റി​യ​ത്. നി​ര​വ​ധി കൃ​ഷി​യി​ട​ങ്ങ​ളി​ലെ വാ​ഴ, ക​പ്പ എ​ന്നി​വ​യും കാ​റ്റി​ൽ ന​ശി​ച്ചി​ട്ടു​ണ്ട്. മു​ണ്ട​ക്ക​യം സ്രാ​മ്പി ഭാ​ഗ​ത്ത് വൈ​ദ്യു​തി ലൈ​നി​ലേ​ക്ക് മ​രം ക​ട​പു​ഴ​കി വീ​ണ് മേ​ഖ​ല​യി​ൽ വൈ​ദ്യു​തി വി​ത​ര​ണ​വും ത​ട​സ്സ​പ്പെ​ട്ടു. ചെ​റു​മ​ല അ​മ്പ​ല​ക്കു​ള​ത്തി​ന് സ​മീ​പം നി​ന്നി​രു​ന്ന 100 വ​ർ​ഷ​ത്തി​ൽ അ​ധി​കം പ​ഴ​ക്ക​മു​ള്ള ആ​ൽ​മ​രം ക​ട​പു​ഴ​കി വീ​ണു.