‘ഷൈബു’ പറന്നു, യാത്രക്കാരന്‍റെ ജീവനുമായി ആശുപത്രിയിലേക്ക്

മു​ണ്ട​ക്ക​യം: ദേ​ഹാ​സ്വാ​സ്ഥ്യം അ​നു​ഭ​വ​പ്പെ​ട്ട യാ​ത്ര​ക്കാ​ര​നു​മാ​യി ആ​ശു​പ​ത്രി​യി​ലേ​ക്കു പാ​ഞ്ഞ്​ സ്വ​കാ​ര്യ​ബ​സ്. കോ​രു​ത്തോ​ട് -മു​ണ്ട​ക്ക​യം റൂ​ട്ടി​ൽ ഓ​ടു​ന്ന ഷൈ​ബു എ​ന്ന സ്വ​കാ​ര്യ ബ​സാ​ണ്​ ബ​സി​ൽ കു​ഴ​ഞ്ഞു​വീ​ണ കു​ഴി​മാ​വ് സ്വ​ദേ​ശി​യു​ടെ ജീ​വ​ൻ ര​ക്ഷി​ക്കാ​ൻ ആ​ശു​പ​ത്രി​യി​ലേ​ക്ക്​ ബ​സ് ഓ​ടി​ച്ച​ത്. വ്യാ​ഴാ​ഴ്ച രാ​വി​ലെ 11ന്​ ​കു​ഴി​മാ​വി​ൽ​നി​ന്ന്​ മു​ണ്ട​ക്ക​യ​ത്തേ​ക്കു​ള്ള ട്രി​പ്പി​ലാ​ണ് കു​ഴി​മാ​വ് സ്വ​ദേ​ശി സ​ണ്ണി ബ​സി​ൽ ക​യ​റി​യ​ത്.

മ​ടു​ക്ക​യി​ൽ എ​ത്തി​യ​പ്പോ​ൾ സ​ണ്ണി കു​ഴ​ഞ്ഞ്​ സീ​റ്റി​നി​ട​യി​ൽ വീ​ഴു​ക​യാ​യി​രു​ന്നു. തു​ട​ർ​ന്ന് ബ​സ് ക​ണ്ട​ക്ട​ർ സു​നീ​ഷും ഡ്രൈ​വ​ർ വി.​എ​സ്. അ​ലി​യും ചേ​ർ​ന്ന് പ്രാ​ഥ​മി​ക​ചി​കി​ത്സ​ന​ൽ​കി യാ​ത്ര തു​ട​ർ​ന്നെ​ങ്കി​ലും പ​ന​ക്ക​ച്ചി​റ​യി​ൽ എ​ത്തി​യ​പ്പോ​ൾ സ​ണ്ണി വീ​ണ്ടും കു​ഴ​ഞ്ഞു​വീ​ണു. തു​ട​ർ​ന്ന് ബ​സ് ക​ട​ന്നു​പോ​കു​ന്ന റൂ​ട്ടി​ലെ സ്വ​കാ​ര്യ ല​ബോ​റ​ട്ട​റി ജീ​വ​ന​ക്കാ​രെ ഫോ​ണി​ൽ വി​വ​ര​മ​റി​യി​ച്ചു.

ബ​സ് വ​ണ്ട​ൻ​പാ​താ​ലി​ൽ എ​ത്തി​യ​പ്പോ​ൾ ലാ​ബ് ജീ​വ​ന​ക്കാ​ർ ബ​സി​ൽ ക​യ​റി സ​ണ്ണി​യെ പ​രി​ശോ​ധി​ച്ചു. ര​ക്ത​സ​മ്മ​ർ​ദം കു​റ​യു​ന്ന​താ​യി ക​ണ്ട​തോ​ടെ യാ​ത്ര​ക്കാ​രെ​യും​കൊ​ണ്ട് ബ​സ് മു​ണ്ട​ക്ക​യം സ​ർ​ക്കാ​ർ ആ​ശു​പ​ത്രി​യി​ൽ എ​ത്തു​ക​യാ​യി​രു​ന്നു. ബ​സ് ഉ​ട​മ​കൂ​ടി​യാ​യ അ​ലി മു​മ്പും ഇ​ത്ത​രം കാ​രു​ണ്യ പ്ര​വ​ർ​ത്ത​ന​ങ്ങ​ളി​ൽ പ​ങ്കാ​ളി​യാ​യി​ട്ടു​ണ്ട്.