പന്നികളെ ജനവാസമേഖലയിൽ ഇറക്കിവിട്ട സംഭവം; പമ്പ റേഞ്ച് ഓഫിസിലേക്ക് ധർണയുമായി നാട്ടുകാർ

മു​ണ്ട​ക്ക​യം: പ​മ്പ, സ​ന്നി​ധാ​നം എ​ന്നി​വി​ട​ങ്ങ​ളി​ൽ​നി​ന്ന്​ വ​നം​വ​കു​പ്പി​ന്‍റെ നേ​തൃ​ത്വ​ത്തി​ൽ പി​ടി​കൂ​ടി​യ പ​ന്നി​ക​ളെ കോ​രു​ത്തോ​ട് പ​ഞ്ചാ​യ​ത്തി​ന്‍റെ മൈ​നാ​ക്കു​ളം, ചെ​ന്നാ​പ്പാ​റ ഭാ​ഗ​ങ്ങ​ളി​ലെ ജ​ന​വാ​സ​മേ​ഖ​ല​യി​ൽ ഇ​റ​ക്കി​വി​ട്ട സം​ഭ​വ​ത്തി​ൽ പ്ര​തി​ഷേ​ധി​ച്ച്​ കോ​രു​ത്തോ​ട് പ​ഞ്ചാ​യ​ത്ത് ക​മ്മി​റ്റി​യു​ടെ നേ​തൃ​ത്വ​ത്തി​ൽ പ​മ്പ റേ​ഞ്ച് ഓ​ഫി​സി​ലേ​ക്ക് മാ​ർ​ച്ചും ധ​ർ​ണ​യും ന​ട​ത്തു​മെ​ന്ന് എ​ൽ.​ഡി.​എ​ഫ് ക​ൺ​വീ​ന​ർ സി.​കെ. മോ​ഹ​ന​ൻ, സി.​പി.​എം ലോ​ക്ക​ൽ സെ​ക്ര​ട്ട​റി പി.​കെ. സു​ധീ​ർ എ​ന്നി​വ​ർ വാ​ർ​ത്ത​സ​മ്മേ​ള​ന​ത്തി​ൽ അ​റി​യി​ച്ചു. വ​ർ​ഷ​ങ്ങ​ളാ​യി കോ​രു​ത്തോ​ട് പ​ഞ്ചാ​യ​ത്തി​ന്‍റെ വ​നാ​തി​ർ​ത്തി​യോ​ട് ചേ​ർ​ന്ന കൃ​ഷി​യി​ട​ങ്ങ​ൾ ആ​ന, പു​ലി, ക​ടു​വ, കാ​ട്ടു​പോ​ത്ത് തു​ട​ങ്ങി മൃ​ഗ​ങ്ങ​ളു​ടെ​യും കു​ര​ങ്ങ്, വേ​ഴാ​മ്പ​ൽ തു​ട​ങ്ങി​യ ജീ​വി​ക​ളു​ടെ​യും ശ​ല്യം രൂ​ക്ഷ​മാ​ണ്. ഇ​തി​ന് പി​ന്നാ​ലെ​യാ​ണ് ക​ഴി​ഞ്ഞ ഒ​ക്ടോ​ബ​റി​ൽ വ​നം​വ​കു​പ്പ്​ നേ​തൃ​ത്വ​ത്തി​ൽ പ​മ്പ​യി​ൽ​നി​ന്ന്​ പി​ടി​കൂ​ടി​യ നൂ​റു​ക​ണ​ക്കി​ന് കാ​ട്ടു​പ​ന്നി​ക​ളെ കോ​രു​ത്തോ​ട് പ​ഞ്ചാ​യ​ത്തി​ന്‍റെ ജ​ന​വാ​സ മേ​ഖ​ല​യി​ൽ ഇ​റ​ക്കി​വി​ട്ട​ത്.

പ​രി​പാ​ടി സി.​പി.​എം കാ​ഞ്ഞി​ര​പ്പ​ള്ളി ഏ​രി​യ സെ​ക്ര​ട്ട​റി കെ. ​രാ​ജേ​ഷ് ഉ​ദ്ഘാ​ട​നം ചെ​യ്യും. പ​ന്നി​ക​ളെ ജ​ന​വാ​സ​മേ​ഖ​ല​യി​ൽ ഇ​റ​ക്കി​വി​ട്ട സം​ഭ​വ​ത്തി​ൽ ഉ​ത്ത​ര​വാ​ദി​ക​ളാ​യ വ​നം​വ​കു​പ്പ് ഉ​ദ്യോ​ഗ​സ്ഥ​ർ​ക്കെ​തി​രെ നി​യ​മ​പ​ര​മാ​യ ന​ട​പ​ടി സ്വീ​ക​രി​ക്ക​ണ​മെ​ന്നും മേ​ലി​ൽ ഇ​ത്ത​രം സം​ഭ​വ​ങ്ങ​ൾ ആ​വ​ർ​ത്തി​ക്കാ​തി​രി​ക്കാ​ൻ ക​ർ​ശ​ന ന​ട​പ​ടി ഉ​ണ്ടാ​ക​ണ​മെ​ന്നും നി​യ​മ​വി​രു​ദ്ധ ന​ട​പ​ടി മൂ​ലം നാ​ശ​ന​ഷ്ടം സം​ഭ​വി​ച്ച ക​ർ​ഷ​ക​ർ​ക്ക് ന്യാ​യ​മാ​യ ന​ഷ്ട​പ​രി​ഹാ​രം ല​ഭ്യ​മാ​ക്ക​ണ​മെ​ന്നും വ​ന്യ​മൃ​ഗ​ങ്ങ​ളു​ടെ ശ​ല്യ​ത്തി​ൽ​നി​ന്ന്​ ജ​ന​ങ്ങ​ളു​ടെ ജീ​വ​നും സ്വ​ത്തി​നും സം​ര​ക്ഷ​ണം ന​ൽ​ക​ണ​മെ​ന്നും ആ​വ​ശ്യ​പ്പെ​ട്ടാ​ണ് എ​ൽ.​ഡി.​എ​ഫ് കോ​രു​ത്തോ​ട് പ​ഞ്ചാ​യ​ത്ത് ക​മ്മി​റ്റി​യു​ടെ നേ​തൃ​ത്വ​ത്തി​ൽ ഏ​ഴി​ന് രാ​വി​ലെ 10ന് ​പ​മ്പ വ​നം​വ​കു​പ്പ് റേ​ഞ്ച് ഓ​ഫി​സി​ലേ​ക്ക് മാ​ർ​ച്ചും ധ​ർ​ണ​യും ന​ട​ത്തു​ന്ന​തെ​ന്നും വാ​ർ​ത്ത​സ​മ്മേ​ള​ന​ത്തി​ൽ അ​റി​യി​ച്ചു.

സി.​പി.​എം ഏ​രി​യ ക​മ്മി​റ്റി അം​ഗം വി.​എ​ൻ. പീ​താം​ബ​ര​ൻ, സി.​പി.​ഐ ലോ​ക്ക​ൽ സെ​ക്ര​ട്ട​റി കെ.​ബി. രാ​ജ​ൻ, കേ​ര​ള കോ​ൺ​ഗ്ര​സ്-​എം മ​ണ്ഡ​ലം പ്ര​സി​ഡ​ന്‍റ്​ ജോ​യ് പു​ര​യി​ടം എ​ന്നി​വ​ർ വാ​ർ​ത്ത​സ​മ്മേ​ള​ന​ത്തി​ൽ പ​ങ്കെ​ടു​ത്തു.