വനാതിർത്തിയിലെ വീടുകളിൽ റെയ്ഡ്, രണ്ട്​ കള്ളത്തോക്ക്​ പിടികൂടി; ഒരാൾ അറസ്​റ്റിൽ

മു​ണ്ട​ക്ക​യം: ശ​ബ​രി​മ​ല വ​നാ​തി​ർ​ത്തി പ്ര​ദേ​ശ​മാ​യ കൊ​മ്പു​കു​ത്തി​യി​ലെ ചി​ല വീ​ടു​ക​ളി​ൽ പൊ​ലീ​സ് റെ​യ്ഡി​ൽ ര​ണ്ട്​ തോ​ക്ക്​ പി​ടി​കൂ​ടി. ഒ​രാ​ളെ അ​റ​സ്​​റ്റ്​ ചെ​യ്​​തു. കൊ​മ്പു​കു​ത്തി ഈ​ട്ടി​ക്ക​ൽ ത​ങ്ക​ച്ച​നെ​യാ​ണ് (60) അ​റ​സ്​​റ്റ്​ ചെ​യ്ത​ത്. മേ​ഖ​ല​യി​ൽ ചി​ല​ർ വ​ന്യ​മൃ​ഗ​ങ്ങ​ളെ വേ​ട്ട​യാ​ടു​ന്ന​താ​യും നി​ര​വ​ധി വീ​ടു​ക​ളി​ൽ ലൈ​സ​ൻ​സ് ഇ​ല്ലാ​തെ തോ​ക്ക് സൂ​ക്ഷി​ക്കു​ന്ന​താ​യു​മു​ള്ള പൊ​ലീ​സ് ര​ഹ​സ്യാ​ന്വേ​ഷ​ണ വി​ഭാ​ഗ​ത്തി​െൻറ റി​പ്പോ​ർ​ട്ടി​നെ​ത്തു​ട​ർ​ന്നാ​ണ്​​ വ്യാ​ഴാ​ഴ്ച പു​ല​ർ​ച്ച ജി​ല്ല പൊ​ലീ​സ് മേ​ധാ​വി ഡി. ​ശി​ൽ​പ​യു​ടെ നേ​തൃ​ത്വ​ത്തി​ൽ റെ​യ്ഡ്​ ന​ട​ത്തി​യ​ത്.

ത​ങ്ക​ച്ച​െൻറ പ​ഴ​ക്ക​മു​ള്ള തോ​ക്ക് വി​വി​ധ ഭാ​ഗ​ങ്ങ​ളാ​ക്കി വീ​ടി​െൻറ പ​ല​യി​ട​ത്താ​യി സൂ​ക്ഷി​ച്ചി​രി​ക്കു​ക​യാ​യി​രു​ന്ന​ത്രെ. ഇ​ളം പു​ര​യി​ട​ത്തി​ൽ സു​രേ​ഷി​െൻറ വീ​ട്ടി​ൽ​നി​ന്ന്​ ഇ​ര​ട്ട​ക്കു​ഴ​ൽ നി​റ​തോ​ക്ക്​ പി​ടി​ച്ചെ​ടു​ത്തു. പൊ​ലീ​സി​നെ ക​ണ്ട സു​രേ​ഷ് വ​ന​ത്തി​ലേ​ക്ക് ഓ​ടി​മ​റ​ഞ്ഞ​തി​നാ​ൽ പി​ടി​കൂ​ടാ​നാ​യി​ല്ല.

കൊ​മ്പു​കു​ത്തി, ക​ണ്ണി​മ​ല, കോ​രു​ത്തോ​ട് മേ​ഖ​ല​ക​ളി​ൽ നാ​ട​ൻ തോ​ക്ക് അ​ന​ധി​കൃ​ത​മാ​യി സൂ​ക്ഷി​ക്കു​ന്ന​താ​യും മൃ​ഗ​വേ​ട്ട ന​ട​ത്തു​ന്ന​താ​യു​മാ​ണ് ര​ഹ​സ്യാ​ന്വേ​ഷ​ണ വി​ഭാ​ഗ​ത്തി​ന് വി​വ​രം ല​ഭി​ച്ച​ത്.

ക​ണ്ണി​മ​ല, കോ​രു​ത്തോ​ട് ഭാ​ഗ​ങ്ങ​ളി​ൽ റെ​യ്ഡ് ന​ട​ത്തി​യെ​ങ്കി​ലും തോ​ക്കു​ക​ൾ ക​ണ്ടെ​ത്താ​നാ​യി​ല്ല. കൊ​മ്പു​കു​ത്തി മേ​ഖ​ല​യി​ൽ വ്യാ​ജ​വാ​റ്റും വ്യാ​പ​ക​മാ​ണ്. കാ​ഞ്ഞി​ര​പ്പ​ള്ളി ഡി​വൈ.​എ​സ്.​പി എ​ൻ.​സി. രാ​ജ് മോ​ഹ​ൻ, സി.​ഐ വി.​എ​ൻ. സാ​ഗ​ർ എ​ന്നി​വ​രും റെ​യ്ഡി​ൽ പ​ങ്കെ​ടു​ത്തു.