നിലംപൊത്താറായിട്ടും പെരുവന്താനം മൃഗാശുപത്രി കെട്ടിടം മാറ്റുന്നില്ല

മു​ണ്ട​ക്ക​യം: പ​റ​ഞ്ഞ​തെ​ല്ലാം വാ​ക്കു​ക​ളി​ലും ക​ട​ലാ​സി​ലു​മാ​യി എ​ന്ന​ത​ല്ലാ​തെ പെ​രു​വ​ന്താ​നം മൃ​ഗാ​ശു​പ​ത്രി ഇ​പ്പോ​ഴും ഈ ​അ​പ​ക​ടാ​വ​സ്ഥ​യി​ലാ​യ കെ​ട്ടി​ട​ത്തി​ൽ​ത​ന്നെ. പ​ല പ​ദ്ധ​തി​ക​ളും പ​റ​ഞ്ഞെ​ങ്കി​ലും ഒ​രു സു​ര​ക്ഷ​യും ഇ​ല്ലാ​തെ​യാ​ണ് ആ​ശു​പ​ത്രി​യു​ടെ പ്ര​വ​ർ​ത്ത​നം.

1959ൽ ​സ്ഥാ​പി​ച്ച ആ​ശു​പ​ത്രി​യി​ൽ സീ​നി​യ​ർ വെ​റ്റ​റി​ന​റി സ​ർ​ജ​ൻ ഉ​ൾ​പ്പെ​ടെ നാ​ല് ജീ​വ​ന​ക്കാ​രു​ണ്ട്. ആ​രം​ഭം മു​ത​ൽ പ്ര​വ​ർ​ത്തി​ക്കു​ന്ന വാ​ട​ക​ക്കെ​ട്ടി​ടം ഇ​ടി​ഞ്ഞു​വീ​ഴാ​റാ​യ നി​ല​യി​ലാ​ണ്.

മേ​ൽ​ക്കൂ​ര ചോ​ർ​ന്നൊ​ലി​ക്കു​ന്ന​തി​നാ​ൽ പ​ടു​ത​യി​ട്ട് മൂ​ടി മ​ഴ​യി​ൽ​നി​ന്ന്​ ര​ക്ഷ​നേ​ടു​ക​യാ​ണ് ജീ​വ​ന​ക്കാ​ർ. മൂ​ന്നു​മു​റി​ക​ൾ ഉ​ണ്ടെ​ങ്കി​ലും മേ​ൽ​ക്കൂ​ര ദ്ര​വി​ച്ച് വീ​ഴാ​റാ​യി. വ​നി​ത ജീ​വ​ന​ക്കാ​രി ഉ​ൾ​പ്പെ​ടെ​യു​ള്ള ഇ​വി​ടെ ബാ​ത്തു​റൂം പ്ര​വ​ർ​ത്ത​ന​യോ​ഗ്യ​മ​ല്ല. മ​ഴ പെ​യ്യു​മ്പോ​ൾ ഭീ​തി​യോ​ടെ​യാ​ണ് ക​ഴി​യു​ന്ന​ത്.

എ​സ്​​റ്റേ​റ്റ് മേ​ഖ​ല​യും ക​ർ​ഷ​ക​രും ഏ​റെ​യു​ള്ള പ​ദേ​ശ​ത്ത് ദി​നം​പ്ര​തി നി​ര​വ​ധി മൃ​ഗ​ങ്ങ​ളെ​യാ​ണ് ആ​ശു​പ​ത്രി​യി​ൽ എ​ത്തി​ക്കു​ന്ന​ത്. ഇ​വ​യെ പ​രി​ശോ​ധി​ക്കാ​ൻ​പോ​ലും പ​രി​മി​ത​മാ​യ സൗ​ക​ര്യ​മാ​ണ്.

35ാം മൈ​ലി​ൽ കൃ​ഷി​ഭ​വ​നു​സ​മീ​പം കെ​ട്ടി​ടം നി​ർ​മി​ച്ചെ​ങ്കി​ലും ര​ണ്ടാം​നി​ല​യാ​ണ് ന​ൽ​കി​യ​ത്. ഒ​ന്നാം നി​ല ക്ല​ബി​ന് ന​ൽ​കി. ആ​ശു​പ​ത്രി സു​ര​ക്ഷി​ത​മാ​യ മ​റ്റൊ​രു വാ​ട​ക കെ​ട്ടി​ട​ത്തി​ലേ​ക്ക് എ​ങ്കി​ലും മാ​റ്റ​ണം എ​ന്നാ​ണ് നാ​ട്ടു​കാ​രു​ടെ ആ​വ​ശ്യം.