അസൗകര്യങ്ങള്‍ക്ക്​ നടുവിൽ മുണ്ടക്കയം ട്രഷറി

മു​ണ്ട​ക്ക​യം: സ​ര്‍ക്കാ​ര്‍ കെ​ട്ടി​ട​ങ്ങ​ൾ പ​ല​തും ഒ​ഴി​ഞ്ഞു​കി​ട​ക്കു​മ്പോ​ൾ വാ​ട​ക​ക്കെ​ട്ടി​ട​ത്തി​ലെ അ​സൗ​ക​ര്യ​ങ്ങ​ള്‍ക്ക്​ ന​ടു​വി​ൽ മു​ണ്ട​ക്ക​യം ട്ര​ഷ​റി. തി​രി​യാ​ന്‍പോ​ലും ക​ഴി​യാ​ത്ത ഇ​ടു​ങ്ങി​യ മു​റി​യി​ലാ​ണ്​ പ്ര​വ​ർ​ത്ത​നം. തി​ര​ക്ക്​ വ​ർ​ധി​ക്കു​മ്പോ​ൾ വ​യോ​ധി​ക​ർ കു​ഴ​ഞ്ഞു​വീ​ഴു​ന്ന​തും പ​തി​വാ​ണ്. ബു​ധ​നാ​ഴ്ച പെ​ന്‍ഷ​ന്‍ വാ​ങ്ങാ​നെ​ത്തി​യ വീ​ട്ട​മ്മ കു​ഴ​ഞ്ഞു​വീ​ണു. മു​പ്പ​ത്തി​യ​ഞ്ചാം​മൈ​ലി​ലെ ആ​ശു​പ​ത്രി​യി​ല്‍ ഇ​വ​ർ ചി​കി​ത്സ​യി​ലാ​ണ്.

ഒ​ന്നാം നി​ല​യി​ൽ പ്ര​വ​ർ​ത്തി​ക്കു​ന്ന ഓ​ഫി​സി​ലേ​ക്ക്​ ​എ​ത്തി​പ്പെ​ടാ​ൻ പ്രാ​യ​മു​ള്ള​വ​ർ ഏ​റെ ബു​ദ്ധി​മു​ട്ടു​ന്നു​ണ്ട്. നി​ല​വി​ലെ കെ​ട്ടി​ടം കാ​ല​പ്പ​ഴ​ക്ക​ത്താ​ല്‍ ത​ക​ര്‍ന്നു​വീ​ഴാ​റാ​യ​പ്പോ​ഴാ​ണ് കൂ​ട്ടി​ക്ക​ല്‍ റോ​ഡി​ലെ വാ​ട​ക​ക്കെ​ട്ടി​ട​ത്തി​ലേ​ക്ക് മാ​റി​യ​ത്. വാ​ട​ക വി​ഷ​യ​ത്തി​ല്‍ കെ​ട്ടി​ട ഉ​ട​മ​യും സ​ര്‍ക്കാ​റും ത​മ്മി​ല്‍ ത​ര്‍ക്ക​വും നി​ല​നി​ല്‍ക്കു​ന്നു​ണ്ട്. നി​ല​വി​ല്‍ എ​രു​മേ​ലി വ​ട​ക്ക് വി​ല്ലേ​ജ് ഓ​ഫി​സ് കെ​ട്ടി​ടം ഉ​പ​യോ​ഗ​മി​ല്ലാ​തെ ന​ശി​ക്കു​ക​യാ​ണ്. വി​ല്ലേ​ജ് ഓ​ഫി​സ് പു​തി​യ​കെ​ട്ടി​ട​ത്തി​ലേ​ക്ക് മാ​റ്റി​യ​തോ​ടെ​യാ​ണ്​ പ​ഴ​യ കെ​ട്ടി​ടം ഒ​ഴി​ഞ്ഞ​ത്. ഇ​വി​ടെ രാ​ത്രി സാ​മൂ​ഹി​ക വി​രു​ദ്ധ​രു​ടെ ശ​ല്യ​വു​മാ​ണ്. ട്ര​ഷ​റി പ്ര​വ​ർ​ത്ത​നം ഈ ​കെ​ട്ടി​ട​ത്തി​ലേ​ക്ക്​ മാ​റ്റ​ണ​മെ​ന്നാ​ണ്​ ആ​വ​ശ്യം. ഇ​തി​നി​ടെ പു​തി​യ ട്ര​ഷ​റി കെ​ട്ടി​ട​ത്തി​നു ഫ​ണ്ട് അ​നു​വ​ദി​ച്ചെ​ങ്കി​ലും പ്രാ​ഥ​മി​ക ന​ട​പ​ടി​പോ​ലും ആ​രം​ഭി​ച്ചി​ട്ടി​ല്ല.